GENERAL TALKS - செயற்கையான பரிபூரணம் நிலைக்காது !

 

 

 

    வாழ்க்கையில் எல்லாமே மிகச்சரியாக, பரிபூரணமாக (Perfection) இருக்க வேண்டும் என்று பிடிவாதம் பிடிப்பவர்களை நாம் பல இடங்களில் பார்க்க முடியும்; அவர்கள் எப்போதுமே மற்றவர்கள் தன் வேலையைப் பற்றியோ அல்லது படைப்பைப் பற்றியோ என்ன நினைப்பார்களோ என்ற தேவையற்ற பயத்துடனே காலத்தைக் கழிப்பார்கள். உண்மையில், நாம் செய்யும் எதிலுமே சிறு தவறுகள் இருப்பதும் குறைகள் ஏற்படுவதும் மிக இயல்பான, சகஜமான விஷயங்களாகும். உதாரணத்திற்கு, நெருப்புக்கு என்று பிரத்யேகமாக சதுரம், வட்டம் போன்ற முறையான வடிவங்கள் ஏதுமில்லை; அது எரியும் சூழலுக்கு ஏற்ப தன் வடிவத்தை மாற்றிக்கொள்ளும். நீரும் கூட தனக்கென எந்தவொரு நிலையான வடிவத்தையும் கொண்டிருப்பதில்லை; அது எந்தப் பாத்திரத்தில் ஊற்றப்படுகிறதோ அல்லது எந்தத் தளத்தில் விழுகிறதோ, அதற்கு ஏற்ப தன் தன்மையை மாற்றிக்கொள்ளும். நம் பூமியும், இயற்கையின் வானிலையும் கூட தொடர்ச்சியான மாற்றங்களுக்கும் ஏற்ற இறக்கங்களுக்கும் உட்பட்டு இயங்கிக் கொண்டிருப்பவைதான். இத்தகைய இயற்கையின் இயல்பான ஒழுங்கே மாற்றங்கள்தான் எனும் போது, பிரபஞ்சத்தில் எங்குமே எந்த மாற்றமும் இல்லாமல் எல்லாமே எப்போதும் ஒரே மாதிரி, சரியான வடிவத்தில், நூறு சதவீதம் பரிபூரணமாக இருக்க வேண்டும் என்று அதிகபட்ச எதிர்பார்ப்போடு வாழ்வது முழுமையான முட்டாள்தனமாகும்.