MUSIC TALKS - KELVI PIRANDHATHU ANDRU - NALLA BADHIL KIDAITHATHU INDRU - TAMIL SONG LYRICS - VERA LEVEL PAATU !

 

கேள்வி பிறந்தது அன்று நல்ல
பதில் கிடைத்தது இன்று
ஆசை பிறந்தது அன்று
யாவும் நடந்தது இன்று


கேள்வி பிறந்தது அன்று நல்ல
பதில் கிடைத்தது இன்று
ஆசை பிறந்தது அன்று
யாவும் நடந்தது இன்று

ஆண்டான் அடிமை மேலோர்
கீழோர் என்பது மாறாதோ
ஆண்டான் அடிமை மேலோர்
கீழோர் என்பது மாறாதோ

அரசன் இல்லாமல் ஜனங்கள்
ஆளும் காலமும் வாராதோ
என்றொரு காலம் ஏங்கியதுண்டு
இன்று கிடைத்தது பதில் ஒன்று


இன்று எவனும் பேதம் சொன்னால்
இரண்டு வருடம் ஜெயில் உண்டு


கேள்வி பிறந்தது அன்று நல்ல
பதில் கிடைத்தது இன்று
ஆசை பிறந்தது அன்று
யாவும் நடந்தது இன்று


வானத்தில் ஏறி சந்திரமண்டல
வாசலைத் தொடலாமா
வானத்தில் ஏறி சந்திரமண்டல
வாசலைத் தொடலாமா


மாண்டு கிடக்கும் மனிதனின்
மேனி மறுபடி எழலாமா
என்றொரு காலம் ஏங்கியதுண்டு
இன்று கிடைத்தது பதில் ஒன்று
\ஞானம் பிறந்து வானில் பறந்து
மீண்டு வந்தான் உயிர் கொண்டு


கேள்வி பிறந்தது அன்று நல்ல
பதில் கிடைத்தது இன்று
ஆசை பிறந்தது அன்று
யாவும் நடந்தது இன்று

குலமகள் வாழும் இனிய குடும்பம்
கோவிலுக்கிணையாகும்
குலமகள் வாழும் இனிய குடும்பம்
கோவிலுக்கிணையாகும்
குறை தெரியாமல் உறவு கொண்டாலே
வாழ்வும் சுவையாகும்

படித்த மாந்தர் நிறைந்த நாட்டில்
பார்க்கும் யாவும் பொதுவுடமை
நல்ல மனமும் பிள்ளை குணமும்
நமது வீட்டின் தனி உடைமை

கேள்வி பிறந்தது அன்று நல்ல
பதில் கிடைத்தது இன்று
ஆசை பிறந்தது அன்று
யாவும் நடந்தது இன்று

ADVICE TALKS - உங்களது தவறுகளை கவனிக்கவும்

நம்ம வாழ்க்கையில தவறுகள் செய்துவிட்டு அதை மறைக்க முயற்சி செய்யும்போது, அது நமக்கு நாமே விஷத்தை ஊட்டிக்கொள்ளக்கூடிய ஆபத்தான சூழலை உருவாக்கிவிடும். தவறுகள் நடந்துவிட்டால் அதை வெளிப்படையாக ஒப்புக்கொண்டு, திருத்திக்கொண்டு, அதனால் ஏற்பட்ட விளைவுகளைச் சரி செய்வதில்தான் நம்முடைய கவனம் இருக்க வேண்டும்.

நாமே செய்த ஒரு தவறை மன்னித்து வெளிப்படையாக எதிர்கொள்ளாமல் மறைத்துவிட்டால், நாளடைவில் மற்றவர்கள் செய்யும் தவறுகளும் நமக்குத் தவறாகவே தோன்றாது. "இதுவும் வாழ்க்கையில ஒரு பகுதிதானே" என்று அதைச் சாதாரணமாக்கி நினைக்கத் தோன்றிவிடும். அது மிகவும் ஆபத்தானது. ஏனென்றால், தவறுகள் எப்போதுமே நல்ல சமூக விளைவுகளை ஏற்படுத்துவது இல்லை.

நமது தவறுகளை மறைப்பது என்பது நம்மை நாமே சுய ஏமாற்றுக்குள்ளும், குற்ற உணர்ச்சி எனும் நஞ்சுக்குள்ளும் தள்ளும் செயலாகும். தவறுகளைத் ஒப்புக்கொண்டு சரிசெய்வதுதான் ஒரு மனிதனுக்கு உண்மையான மனவளர்ச்சியையும், சமூகத்தில் ஆரோக்கியமான முன்னுதாரணத்தையும் தரும்.

#TAMILCINEMAREVIEW - குற்றம் 23

 

    

 

    வழக்கமான ஆக்ரோஷமான போலீஸ் கதைகளை போல் இல்லாமல், அமைதியாகவும், வெகு நுணுக்கமாகவும் (Intellectual & Calm) யோசித்து துப்புத் துலக்கும் வெற்றி வாசுதேவன் என்ற கதாபாத்திரத்தில் அருண் விஜய் மிகச் சிறப்பாகப் பொருந்தியிருப்பார். ருத்துவத் துறையில் நடக்கும் ஒரு முறைகேட்டை மையமாக வைத்து, குடும்பப் பிணைப்புடன் கதையை நகர்த்திய விதம் பார்வையாளர்களைக் கடைசி வரை திரைக்கதையில் முன்னிருத்தி அமரச் செய்யும். வில்லனின் பின்னணியும், அவன் பழிவாங்கத் தேர்ந்தெடுத்த முறையும் சற்று வித்தியாசமாகவும் மிரட்டலாகவும் அமைக்கப்பட்டிருக்கும். குறைந்த பொருட்செலவில் எடுக்கப்பட்டிருந்தாலும், திரைக்கதையின் விறுவிறுப்பு குறையாமல் படத்தை மிக நேர்த்தியாக இயக்கியிருப்பார்கள். டக்கக்கூடிய தவறுகளை துப்பு துலக்கி போகும்போது யாருமே எதிர்பார்க்காத வண்ணம் எதிர்பார்க்காத முறையில பழி வாங்கிய ஒரு மோசமான வில்லனை சந்திக்கிறார். அதுதான் இந்த படத்தினுடைய கதை சுருக்கம். படம் என்னன்னு நீங்களே பாருங்க. மற்றபடி கதைக்கான விறுவிறுப்பும் ஒரு குறிப்பிட்ட கட்டமைப்பான பொருட்செலவுக்குள்ள கதை இருந்தாலும் கதை மிகத் தெளிவாக அதனுடைய நோக்கத்தை சொல்வதாக அமைக்கப்பட்டிருக்கிற ஒரு பழிவாங்கக்கூடிய கமர்ஷியல் கதைதான் ! 

 

#TAMILCINEMAREVIEW - தூங்கா நகரம் (2011)

 

 

    மதுரையில் தங்களது சொந்த வழியில் வாழ்ந்து வரும் நான்கு நண்பர்கள். இவர்கள் வாழ்க்கையை ஓட்ட எதையும் செய்யும் பொறுப்பற்ற இளைஞர்கள். ஆனால் நெருக்கமான நண்பர்கள் , ஒரு கட்டத்தில் திருமண வீடியோகிராபராக வேலை செய்யும் கண்ணன், உள்ளூர் கேபிள் டிவி சேனலில் தொகுப்பாளராக வேலை செய்யும் தன் அத்தை மகள் ராதாவைச் சந்திக்கிறான், அவர்களிடையே காதல் மலர்கிறது.  தவறான நோக்கத்துடன் அவளை மிரட்டிய இளைஞனை கண்ணன் அடிக்கிறான். அவரது நண்பர்கள் முயற்சிகளை கடந்து அந்த இளைஞனின் தந்தை தன் மகனைத் தாக்கியவர்கள் யார் என்பதை இந்த பிரச்சனைக்கு காரணமான அந்த இளைஞர்களை தேடி பழிவாங்க துடிக்கிற கும்பலிடமிருந்து சராசரி நடுத்தர குடும்பத்து இளைஞர்களாக அவர்கள் எப்படி தப்பிக்கிறார்கள் என்பதை படத்தின் கதையாக இருக்கிறது. மதுரையின் பின்னணியில், இரவு நேரத்தில் அடுத்தடுத்து நடக்கும் எதிர்பாராத திருப்பங்கள் மற்றும் பழிவாங்கும் படலம் ஆகியவை அந்தப் படத்தின் பலம். ஆரம்பத்தில் சாதாரணமாகத் தொடங்கும் கதை, கதாபாத்திரங்கள் சந்திக்கும் சிக்கல்களால் மின்னல் வேகத்தில் பயணிக்கும். என்ன நடக்கப் போகிறது என்று பார்வையாளர்கள் யூகிக்க முடிந்தாலும், அதைச் படமாக்கிய விதமும், அந்தத் திக்-திக் நிமிடங்களும் ரசிகர்களை அசத்திவிடும், வெளியான காலகட்டத்தில் 'தூங்கா நகரம்' ஒரு டீசன்ட் ஹிட் படமாக அமைந்ததுடன், தியேட்டருக்குச் சென்று பார்க்கக் கூடிய ஒரு ஒர்த்தான (Worth) த்ரில்லர் படமாகவும் இருந்தது.

#TAMILCINEMAREVIEW - கிரி (2004)

 

     சன் டிவியில் அடிக்கடி ஒளிபரப்பினாலும், வடிவேலுவின் டைமிங் காமெடி காட்சிகளுக்காகவும், படத்தின் விறுவிறுப்பு குறையாத திரைக்கதைக்காகவும் இதை மீண்டும் மீண்டும் உட்கார்ந்து பார்க்கத் தூண்டும் ஒரு தனி ஈர்ப்பு இப்படத்திற்கு உண்டு. கும்பகோணத்தில் சிவா என்ற பெயரில் நுழைந்து காவல்துறை அதிகாரியின் குடும்பத்தைக் காப்பாற்றும் கிரி, இறுதியில் உண்மையை வெளிப்படுத்தி சேதுபதியின் சாம்ராஜ்யத்தை காப்பாற்றுகிறார் என்று ஒரு கதைக்களம் , சுந்தர். சி படங்களின் தனிச்சிறப்பே இதுதான்; படத்தின் கதை எத்தகைய தீவிரமான அல்லது வன்முறை நிறைந்த பின்னணியில் நகர்ந்தாலும், நடுவே வரும் நகைச்சுவைக் காட்சிகள் படத்தின் சுமையை எளியதாக்கிவிடும். 'கிரி' படத்தில் வடிவேலுவின் கதாபாத்திரம் மற்றும் அவருடன் வரும் கூட்டாளிகளின் லூட்டிகள், சீரியஸான கதையோட்டத்திற்கும் காமெடிக்கும் இடையே ஒரு சரியான சமநிலையைக்  கொடுத்து படத்தை முழுமையான கமர்ஷியல் விருந்தாக மாற்றியிருக்கும்.யங்கரமான சீரியஸ் சூழலில் இருந்து பார்வையாளர்களுக்குத் தேவையான இடைவெளியைக் கொடுக்க வடிவேலுவின் காமெடி டிராக் எந்த இடத்திலும் தொய்வில்லாமல் கைகொடுக்கும்.