OREY NAALIL PANAM SAMPATHIPPATHU EPPADI ? - SEMMA DETAIL ARTICLE - :) - [REGULATION 2024 - 00083]

1. முன்னதாக "ஒரே நாளில் பணக்காரன் ஆவது எப்படி ?" - இப்படி ஒரு கட்டுரையை நான் எதுக்கு எழுதணும் ? இப்போ என்ன பண்ணணும்னு நான் சொல்லறேன் பணக்காரன் ஆக முடியலாம் . இல்லைன்னா முடியாமல் கூட போகலாம் ஆனால் கண்டிஷன் போடாம உலகம் சொல்லற எல்லா வேலைகளையும் செய்ய முடியுமா ? அதுதான் என்னோட கேள்வி ?  முடியாதுன்னா இப்பவே பின்னாடி போகனும். முடியும்னா மட்டும் கொஞ்சம் கூட யோசிக்காம இந்த கட்டுரையை கவனிக்கவும் ! இந்த விஷயத்தை நான் எதுக்கு சொல்லறேன்னா  இந்த அட்வைஸ் கொடுக்கறேன் ! இந்த அட்வைஸ் யாருமே ஃப்ரீயாக கொடுக்க மாட்டாங்க !! பணம் சம்பாதிக்கறதுல இருக்கற பெரிய பிரச்சனை DARK PATTERNING

2. என்ன படிச்சு இருக்க ? நீதி  , நேர்மை , நியாயம் ! அப்போ சத்தியம் தர்மம் எல்லாம் அரியர்ஸ் வெச்சு இருக்கியா ? 

"ஃபர்ஸ்ட் பேட்ச் ! படிச்சவங்க , பணக்கார ஆடியன்ஸ் , செகண்ட் பேட்ச் , படிப்பு ஒரு அளவுக்குதான் , ஏழை ஆடியன்ஸ் . நான் இந்த கட்டுரையில் இருக்கும் அட்வைஸ்களை இரண்டு தனித்தனி பாகமாக பிரிக்கிறேன் . இந்த இரண்டு ஆடியன்ஸ்ஸும் என்கிட்ட சண்டைக்கு  வரக்கூடாது. பொதுவாக எக்கனாமிக் பேலன்ஸ்ன்னு ஒரு விஷயம் இருக்கு. எங்கேயோ ஒரு இடத்துல தங்க துகள்களும் , வைர கட்டிகளையும் மண்ணுக்குள்ள இருந்து எடுத்து ஒருவர் பணக்காரனாக மாறிவிட்டால் ஒரு விவசாய அமைப்பின் நூறு வருட விளைச்சலை தனி ஒரு ஆளாக வாங்கிவிடாலாம் , அப்போ பவர் எங்க இருக்கு ? பவர் என்ற விஷயம் பொருட்களில் பெரும்பான்மையாகவும் , அறிவுப்பூர்வமான செயல்பாட்டில் கொஞ்சமும் இருக்கிறது. உன்னிடம் பொருட்கள் இருந்தால் மதிப்பார்கள் , பணமாக இருந்தாலும் மதிப்பார்கள் ! இப்போ நான் உன்கிட்ட ஒரே நாளில் பணக்காரன் ஆவது எப்படின்னு சொல்லறேன்னு இந்த கட்டுரையில் சொல்லி இருக்கிறேன். [முக்கியமான குறிப்பு ! என்னை விட வயதானவர்கள் , இல்லையென்றால் உயர் பதவியில் இருப்பவர்கள் நான் ஒருமையில் பேசுவதை தப்பாக நினைக்க வேண்டாம் !! நான் என்னுடைய வயதை விட சின்னவங்களுக்காகதான் இந்த போஸ்ட் எழுதுகிறேன் ! பெரியவர்கள் இந்த போஸ்ட் படித்து தப்பாக எடுத்துக்கொள்ள வேண்டாம். [நான் 30+ வயது உள்ளவன்] 

3. முடியுமா ? முடியாதா ?

1-2 வருஷம் , இல்லைன்னா அதுக்கு மேல நீ வேலை பார்க்கணும் , இல்லைன்னா உனக்கு கீழ வேலை செய்யும் மக்கள் உனக்காக சம்பாதித்து போடணும் !!  முடியாது !! ஆமாம் ஒரே நாளில் முடியாது !! ஆனால் வெறும் 100 வருஷம்ன்னு கணக்கு பண்ணா கூட 36500 நாள்தான் வாழப்போறோம் , 50 வயதுக்கு மேல பணம் சேர்த்தும் எந்த பிரயோசனமும் இல்லை. இதனால நான் சொல்ல வரும் பாயிண்ட் என்னவென்றால் நாம் சேர்க்கும் பணத்தை 40 களுக்குள் ஒரு பகுதியை நாம் தரமாக செலவு பண்ணனும், இப்போ ஒரு இயர்க்கு உன்னோட நெட் பிராஃபிட் 36,50,000 என்றால் பேர் டேக்கு 10,000 சம்பளம் பார்த்த மாதிரிதானே !! அதனாலதான் நான் ஆன்லைன்ல மற்றும் ஆஃப்லைன்ல என்னென்ன வேலைகள் கிடைக்குமோ எல்லாத்துக்குமே உனக்கு பிசினஸ் இண்டராடக்ஷன் கட்டுரைகள் போட்டு அதுக்கு இந்த குறிப்பிட்ட போஸ்ட்டில் HYPERLINK கொடுக்கிறேன். இந்த போஸ்ட் 2 வருடத்தில் பணக்காரன் ஆவது எப்படி என்பது பற்றியதுதான் , ஒரே நாளில் பணக்காரன் ஆக முடியாது !! ஆனால் PER DAY வருமானத்தை உன்னால் உயர்த்த முடியும் !! 

 

இங்கே எதனால் நான் மோட்டிவேஷன் புத்தகம் போல எழுதவில்லை என்றால் பின்வரும் மொக்கையான டெக்ஸ்ட் போல கதையாக சொல்லி ஃபில் அப் பண்ண நான் விரும்பவில்லை :

மொக்கையான டெக்ஸ்ட் ஆன்சர்ஸ் இப்படித்தான் இருக்கும் :

இந்த உலகத்தில் வெற்றியை அடைய வேண்டும் என்றால் நம்முடைய பாதை ஒரு நேரான நேர்க்கோட்டில் செல்லும் அம்பு போல இருக்க வேண்டும். இந்த உலகத்தில் எல்லோருமே நல்லவர்களாக இருந்தால் வாழ்க்கை நன்றாக இருந்திருக்கும் ஆனால் இங்கே இருப்பவர்கள் அனைவருமே நல்லவர்கள் என்று சொல்ல முடியாது. மனித வாழ்க்கையின் உண்மை என்னவென்றால் இந்த வாழ்க்கை என்பது துன்பங்களும் துயரங்களும் நிறைந்தது. மனக்கசப்புகளை கடந்து அனைவரிடமும் அன்பை கொடுக்க வேண்டும். தேவைகள் இருப்பவர்களுக்கு முடிந்த உதவிகளை செய்து வாழும் வாழ்க்கையே ஒரு சிறப்பான வாழ்க்கை என்று சொல்லலாம். ஆனால் போதுமான பணம் இல்லாததால்- உடல்நலம் சார்ந்த குறைபாடுகளால்- மோசமான சூழ்நிலைகள் என நிறைய காரணங்கள் இருக்கலாம்‌. இந்த உலகத்தில் வெற்றியாளர்களை மட்டுமே எல்லோருமே கொண்டாடுகிறார்கள்‌. தோல்வி அடைந்த மனிதர்களுக்கு அந்த தோல்விக்கு பின்னால் நிறைய காரணங்கள் இருக்கிறது. ஆனால் அந்த காரணங்களை பற்றி யாருமே கவலைப்படுவது இல்லை. தோல்வி அடைந்தவர்களை கேட்டுப்பாருங்கள். அவர்களுடைய வாழ்க்கையில் இருக்கும் குறைகள், பிரச்சனைகள் மற்றும் தனிப்பட்ட நிறைய விஷயங்கள்தான் அந்த தோல்விக்கு காரணமாக இருக்கும். வாழ்க்கை ஒரு போராட்டம்தான் - வாழ்வே ஒரு வியாபரம்தான் என்ற வார்த்தைகளை போல இந்த உலகமே மிகவும் மோசமானது. இதனால் ஒரு ஒரு தனிப்பட்ட மனிதரும் வெற்றியை அடைவதற்காக போராட வேண்டும். ஒரு திரைப்படம் அதனுடைய கதைக்களத்தில் மிகப்பெரிய அளவில் ஒரு கற்பனையான பிரபஞ்சத்தை உருவாக்குகிறது. அதுபோலவே கடவுள் எல்லோருக்கும் ஒரு தனிப்பட்ட வாழ்க்கையை கொடுத்துள்ளார். கடவுள் இருக்கிறார். அவரே எல்லோரையும் காப்பாற்றுவார். இந்த உலகத்தில் எல்லோருமே நல்லவர்கள் கிடையாது. கான்செர் போன்ற உயிரை கொல்லும் நோய்கள் இருக்கும்போது இந்த உலகமே வெறுப்பாக இருக்கும், அடுத்த நாள் காலை கண்கள் விழிக்கும்போது வாழ்க்கை நரகமாக இருக்கும், அடுத்த நாள் உயிரோடு இருக்க வேண்டும் என்று வேண்டிக்கொள்வோம், பணம் இல்லாமல் நோயை குணப்படுத்த முடியாத நிலையில் வாழ்க்கை மிகவும் கஷ்டமாக இருக்கும். இந்த  கடவுளின் சோதனைக்கூடமா ? எல்லோருமே கடவுளின் சோதனை எலிகளா ? கடவுள் எல்லோருக்கும் இவ்வளவு கஷ்டத்தையும் வலிகளையும் கொடுக்க காரணம் என்ன ? மனதுக்கு மிகவும் கஷ்டமாக உள்ளது, என்னுடைய மனது பேசக்கூடிய மொழியை இந்த எழுத்துக்களால் மொத்தமாக சொல்லிவிட முடியுமா என்று எனக்கு புரியவில்லை. இல்லை இந்த எழுத்துக்களால் என்னுடைய கடினமான வாழ்க்கையை சொல்ல முடியாது.

இந்த சோதனைகளை எல்லாம் நம்முடைய காலம் எதுக்காக நமக்கு கொடுக்கிறது என்று என்னால் கன்க்ளூஷனுக்கு வரமுடியவில்லை. ஒரு குழந்தை பிறக்கும்போதே அங்க குழந்தைக்கு வாழ்க்கையின் சந்தோஷங்களையும் கஷ்டங்களையும் காலம் கொடுக்க ஆரம்பித்து விடுகிறது. சந்தோஷத்தில் வாழ்ந்துகொண்டு இருந்தால் காலத்துக்கு எதிராக போராடவேண்டிய அவசியமே இல்லை. காலத்தின் போக்கில் சென்றுக்கொண்டு சந்தோஷமாக இருந்துவிடலாம் ஆனால் நாம் வாழ்க்கையில் கஷ்டத்தில் வாழ்ந்துகொண்டு இருந்தால் நம்மை ஒரு இயலாமையில் மட்டும் வாழ்க்கை வைத்து இருக்கிறது. நமக்கென்று ஒரு எல்லைக்கொடு போடப்பட்டு நம்முடைய பணவரவு குறைக்கப்பட்டு சக்திகளுமே குறைக்கப்படுகிறது. இப்படி பணவரவு குறைவதால் அடிப்படையில் மூளையின் செயல்திறன் நன்றாக இருந்தாலும் நம்முடைய நல்ல திட்டங்களை செயல்பாட்டுக்கு கொண்டுவரும் முயற்சிகளாக நாம் எடுக்கும் முயற்சிகள் அனைத்தும் கானல் நீராக கரைந்துவிடுகிறது. நம்மிடம் இருக்கும் கொஞ்சம் பணமுமே நம்முடைய வாழ்க்கையில் கரைந்துவிட்டால் நமக்காக எந்த சப்போர்ட்டுமே இல்லாமல் தனித்து மோதவேண்டிய கடினமாக நிலையில் மாட்டிக்கொள்கிறோம். கஷ்டத்தில் இருப்பவர்களுக்கு பணத்தை கொடுத்தால் பணம் நிறைய விஷயங்களில் அவர்களுடைய வாழ்க்கையை முன்னேற்றம் அடைய வைக்கிறது. 

THIS IS LIFE !! I THINK !!! - இதுதான் வாழ்க்கை !! [REGULATION 2024 - 00082]

ஒரு மாலை நேரம், செப்டெம்பர் மாதத்தின் மழைப்பொழிவு முடிந்து கொஞ்சம் தூறல் விட்டுக்கொண்டு இருந்தது. பேருந்தில் இருந்து இறங்கியதும் ஒரு கடையில் தேநீர் சாப்பிடும்போது கிரிக்கெட்- சாலை நெரிசல்- இன்றைய வானிலை நிலவரம் என்று எக்கச்சக்கமான தகவல்கள் அந்த வானொலியில் கேட்டுக்கொண்டு இருக்கும். அந்த ரேடியோவில் ஒரு பாட்டு கேட்கும். "இரு விழி உனது.. இமைகளும் உனது.. கனவுகள் மட்டும் எனதே எனது.. நாட்கள் நீளுதே.. நீ எங்கோ போனதும். ஏன் தண்டனை நான் இங்கே வாழ்வதும்.. ஓஹோ ஹோ ஒரே ஞாபகம்.. ஓஹோ ஹோ.. உந்தன் ஞாபகம்.. காதல் காயம் நேரும்போது தூக்கம் இங்கு ஏது ? ஒரே ஞாபகம்.. ஒரே ஞாபகம். இங்கதான் ஒரு அன்பான கணவர் வேலை விஷயமாக வெளியூர் போக்கும்போதும் அங்கே தங்கும்போதும் மனைவியையும் குடும்பத்தையும் பிரிந்து வாழும் அந்த வாழ்க்கையின் நேசம் புரியும்..போதுமான அளவு பணம் இருந்தால் சொந்த ஊரில் ஒரு மளிகை கடையாவது வைத்து வாழ்க்கையில் சந்தோஷமாக இருக்கலாம். குழந்தைகள் கிரிக்கெட் விளையாடுவதை ரசிக்கலாம். தீபாவளியும் பொங்கலும் வரும்போது திரைப்படங்கள் பார்க்கலாம். பலகாரம் செய்து சாப்பிடலாம். இது எல்லாமே கொஞ்சம் அதிக சம்பளத்துக்காக முயற்சி செய்யும்போது உருவாக்கக்கூடிய பிரிவு.. இந்த பிரிவு ஒன்றும் அவ்வளவு சுலபமான விஷயம் அல்ல.. தொலை தூரத்தில் வேலை செய்யும்போதுதான் இந்த வாழ்க்கையில் ஒரு இனம் புரியாத உணர்வு உருவாகும்.. மழையில் ரைன் கோர்ட் போட்டுட்டு பைக்ல் இருந்து வீட்டுக்கு வந்தாலும் அந்த குளிரை தாங்கிக்கொள்ள முடியாதது போல ஒரு உணர்வு. இரவும் பகலும் வெயிலும் மழையும் என்னை ஒன்றும் செய்யாது என்ற உணர்வு. உடல் நிலை சரியில்லாதபோதெல்லாம் மாத்திரைகளும் மருந்துகளும் மட்டுமே இருக்கும்போது ஒரு தனிமையான உணர்வு. மனதுக்கு பட்டதை எல்லாம் பேச முடியாத ஒரு இடத்தில் மனம் விட்டு எல்லாமே சொல்லிவிட முடியாத மனிதர்களிடம் ஒரு ஸ்டிரேஞ்சான உணர்வு. பணம் இருந்தால் சிவாஜி படத்தில் இடம்பெற்ற சஹானா பாடல் அளவுக்கு ஒரு வாழ்க்கையை யாருமே விரும்ப மாட்டார்கள். ஒரு எளிமையான வாழ்க்கை.. ஒரு வீடு.. ஒரு பைக்..பக்கத்தில் ஒரு மளிகை கடை..தள்ளுபடி கொடுக்கும் ஒரு துணிக்கடை , கொஞ்சம் தூரத்தில் ஒரு பள்ளிக்கூடம், இன்னும் கொஞ்சம் தூரத்தில் ஒரு நல்ல ஹாஸ்பிடல் , முடிந்தால் ஒரு பஸ் ஸ்டாப் என்று அவ்வளவுதான் வாழ்க்கையில் இது இருந்தால் போதுமே.. இந்த வார்த்தைகளை படிக்கும் யாராக இருந்தாலும் குடும்பத்தை விட்டுவிட்டு வெளியூரில் தங்கியிருந்து வேலை பார்க்கும்போது இருக்கும் நினைவுகள் இருந்தால் அப்படி யாரேனும் இருந்தால் அவர்களுடைய அனுபவங்களை கேட்டுப் பாருங்கள். அனைவரும் நலமாக இருக்க இறைவனிடம் வேண்டிக்கொள்ளுங்கள். உங்களால் இந்த உணர்வை புரிந்துகொள்ள முடிகிறதா? நேசிபபவர்களிடம் இருந்து தொலைவில் வாழ்வது கடினமானது மட்டுமல்ல மோசமானது. இங்கே என்னுடைய இத்தனை வருடங்களின் வாழ்க்கையில் இதுபோன்ற சின்ன சின்ன உணர்வுகளும் சம்பவங்களும்  மட்டுமே வாழ்க்கைக்கு ஒரு அருமையான நினைவுகளின் களஞ்சியத்தை கொடுக்கிறது. !!

ஃபோகஸ் டைமர் - CODE TALKS !

 

Focus Timer

Ready

25:00

இன்னும் கொஞ்சம் புதிதாக ட்ரை பண்ணலாமா ?

 

Workspace Dashboard

Live Time

00:00:00 AM

Loading...

Loading...

Focus Countdown

25:00

Words: 0 | Characters: 0

வெற்றிக்காக போராடும்போது எல்லா நேரமும் நல்ல நேரம்தான் ! - CODE TALKS

 

Loading...

Loading...

00:00:00

AM

தமிழ் மொழியில் இருக்கும் எழுத்துக்கள் ! - CODE TALKS !

 

தமிழ் எழுத்துக்கள் களஞ்சியம் (247 Letters)

1. உயிரெழுத்துகள் (12)

அ ஆ இ ஈ உ ஊ எ ஏ ஐ ஒ ஓ ஔ

2. ஆய்த எழுத்து (1)

ஃ

3. மெய்யெழுத்துகள் (18)

க் ங் ச் ஞ் ட் ண் த் ந் ப் ம் ய் ர் ல் வ் ழ் ள் ற் ன்

4. உயிர்மெய்யெழுத்துகள் (216)

க கா கி கீ கு கூ கெ கே கை கொ கோ கௌ ங ஙா ஙி ஙீ ஙு ஙூ ஙெ ஙே ங்கை ஙொ ஙோ ஙௌ ச சா சி சீ சு சூ செ சே சை சொ சோ சௌ ஞ ஞா ஞி ஞீ ஞு ஞூ ஞெ ஞே ஞை ஞொ ஞோ ஞௌ ட டா டி டீ டு டூ டெ டே டை டொ டோ டௌ ண ணா ணி ணீ ணு ணூ ணெ ணே ணை ணொ ணோ ணௌ த தா தி தீ து தூ தெ தே தை தொ தோ தௌ ந நா நி நீ நு நூ நெ நே நை நொ நோ நௌ ப பா பி பீ பு பூ பெ பே பை பொ போ பௌ ம மா மி மீ மு மூ மெ மே மை மொ மோ மௌ ய யா யி யீ யு யூ யெ யே யை யொ யோ யௌ ர ரா ரி ரீ ரு ரூ ரெ ரே ரை ரொ ரோ ரௌ ல லா லி லீ லு லூ லெ லே லை லொ லோ லௌ வ வா வி வீ வு வூ வெ வே வை வொ வோ வௌ ழ ழா ழி ழீ ழு ழூ ழெ ழே ழை ழொ ழோ ழௌ ள ளா ளி ளீ ளு ளூ ளெ ளே ளை ளொ ளோ ளௌ ற றா றி றீ று றூ றெ றே றை றொ றோ றௌ ன னா னி னீ னு னூ னெ னே னை னொ னோ னௌ

LOVE TALKS - கோபத்தினால் பேசாமல் இருப்பதை தவிர்ப்பது எப்படி !

 

 

 

   காதல் வாழ்க்கையை பொறுத்த வரைக்கும் பேசுவதைத் தவிர்க்கும் துணையிடம் தொடர்ச்சியாகக் கேள்வி கேட்பதையோ அல்லது உடனடியாகப் பதில் சொல்ல வற்புறுத்துவதையோ முற்றிலுமாகத் தவிர்க்க வேண்டும். அந்தத் தருணத்தில் அவர்களின் மனம் ஒருவித பாதுகாப்பற்ற உணர்விலோ அல்லது அதிகப்படியான கோபத்திலோ (Fight or Flight mode) முடங்கியிருக்கலாம்; எனவே அவர்களுக்குத் தேவையான தனிப்பட்ட வெளியையும் (Space) கால அவகாசத்தையும் வழங்குவது முதல் படியாகும். அதேசமயம், "உன் மீது எனக்குள்ள அக்கறை குறையவில்லை, நீ அமைதியானதுமே நாம் மனம்விட்டுப் பேசலாம், நான் உனக்காகக் காத்திருக்கிறேன்" என்ற நம்பிக்கையான மற்றும் மென்மையான உணர்வை ஒரு சிறு குறுஞ்செய்தி மூலமாகவோ அல்லது அரவணைப்பான செய்கை மூலமாகவோ வெளிப்படுத்துவது அவர்களின் அகந்தையைக் கரைக்க உதவும். இந்த மௌனத்தை ஒரு தண்டனையாகப் பார்க்காமல், இருவருமே தங்களது உணர்வுகளைச் சீர்தூக்கிப் பார்ப்பதற்கான ஒரு வாய்ப்பாகப் பயன்படுத்திக் கொள்ள வேண்டும். அவர்கள் இயல்பு நிலைக்குத் திரும்பியவுடன், கடந்த காலப் பிரச்சினையைக் குத்திக் காட்டாமல், அந்தச் சூழலில் ஏற்பட்ட மனவலியை மிகப் பக்குவமாகப் பகிர்ந்து கொள்ள வேண்டும். "நீ என்னிடம் பேசாமல் இருந்த அந்தத் தருணம் என்னை ரொம்பவே பாதித்தது, நம்மிடையே எந்தத் குழப்பம் வந்தாலும் உடனே பேசித் தீர்த்துக்கொள்வதுதான் நமக்கு நல்லது" என்று குற்றஞ்சாட்டாமல் (Non - Violent Communication) பேசும் போது, பந்தம் இன்னும் பலமாகும். உறவில் ஈகோவைத் தூக்கி எறிந்துவிட்டு, "நான் வெல்வதை விட நம்முடைய பந்தம் வெல்வதே முக்கியம்" என்ற மனநிலையில் அணுகினால், எந்தவொரு கொந்தளிப்பான மௌனப் புயலையும் எளிதாகக் கடந்து மீண்டும் அழகிய காதலை மீட்டெடுக்க முடியும்.

 

LIFE TALKS - இந்த வாழ்க்கை மிகவும் முக்கியமானது

 

 

 திரைத்துறையில் இருக்கும் ஒரு நடிகருக்காகத் தனது உயிரைக் கொடுப்பேன் என்று தியேட்டர் வாசலில் அடித்துச் சத்தியம் செய்பவர்கள், தங்களை ஈன்றெடுத்த தாய்-தந்தை, தங்களை வாழவைக்கத் தினமும் உழைக்கும் ஆசிரியர்கள், உண்மையான அன்பைப் பொழியும் நண்பர்கள் மற்றும் கூடப்பிறந்தவர்கள் எனத் தன்னைச் சுற்றியுள்ள அத்தனை மனிதர்களின் பாசத்தையும் தியாகத்தையும் யோசிப்பதே இல்லை , அதுதான் பிரச்சனையே . இங்கே  திரைப்படங்களில் காட்டப்படும் வாழ்க்கை என்பது வெறும் மாயையும், இயக்குநரின் கற்பனையும், கேமரா கோணங்களும், பல மணி நேர எடிட்டிங்கும் இணைந்து உருவாக்கும் ஒரு செயற்கையான உலகமே தவிர, அது நிஜ வாழ்க்கை அல்ல. அந்தப் பொய்யான பிம்பத்தோடு தங்களின் நிஜ வாழ்க்கையைப் பொருத்திப் பார்த்து, அதன் பின்னால் ஓடுவது மிகப்பெரிய முட்டாள்தனமாகும். அந்த நடிகரின் நிஜ வாழ்க்கைக்கும், வெள்ளித்திரையில் அவர் ஏற்று நடிக்கும் கதாபாத்திரத்திற்கும் எந்தவிதமான சம்பந்தமும் இருக்காது என்பதைப் புரிந்து கொள்ளாமல், திரை மாயைக்குள் மூழ்கித் தங்களை இழந்து நிற்பவர்கள் தங்கள் வாழ்க்கையின் அர்த்தத்தையே இழந்துவிடுகிறார்கள். ஒரு மனிதனின் உயிர் என்பது சினிமாத் தியேட்டர் வாசலில் தூக்கி எறியும் அளவுக்குச் சாதாரணமான ஒன்றல்ல; அது பலருடைய கூட்டு உழைப்பாலும், பாசத்தாலும், அர்ப்பணிப்பாலும் உருவான ஒரு மகத்தான கொடை. அந்த உயிரின் விலையை அறியாமல், திரையில் தோன்றும் ஒரு சில மணி நேரக் காட்சிகளுக்காகத் தன் வாழ்வைத் தொலைக்கத் துணிவது கடுமையான மனமயக்கத்தின் வெளிப்பாடாகும். இந்தத் தவறான புரிதலால் எதிர்காலத்தில் அவர்கள் சந்திக்கும் விளைவுகள் மிகவும் கொடூரமானதாகவும், ஒரு கட்டத்தில் மீள முடியாத பெரும் தனிமையையும் ஏமாற்றத்தையுமே அவர்களுக்குப் பரிசளிக்கும். சினிமா என்பது ரசிப்பதற்கும் பொழுதுபோக்கிற்கான ஒரு கலை வடிவமாக மட்டுமே இருக்க வேண்டுமே தவிர, அதுவே வாழ்வின் லட்சியமாக மாறுவது மனிதகுலம் சந்திக்கும் மிக மட்டமான விஷயம ஆகும். தன் சொந்த வாழ்க்கையின் நிஜ எதார்த்தங்களை விட்டுவிட்டு, ஒரு திரைப் பிம்பத்தின் பின்னால் தன்னை முழுமையாகத் தொலைத்துவிட்டு நிற்பது என்பது மனித மனதின் அர்த்தமற்ற செயல், ஒரு ரசிகர் தியேட்டர் வாசலில் இருந்து இது போன்று கத்திக்கொண்டிருப்பதை நான் யூடியூபில் தற்செயலாகப் பார்த்தபோது, இந்த விஷயத்தை எழுதத் தோன்றியது

 

GENERAL TALKS - நாம் சசாசரியாக நம்ப மறுக்கும் விஷயம இது !

 

 

மேடைகளில்  "உண்மையே வெல்ல வேண்டும்" என்று முழங்கினாலும், நிஜத்தில் மனித மனம் எப்போதும் கசப்பான உண்மைகளை விட சுகமான கற்பனைகளையே அதிகமாய் ஏந்தித் தழுவுகிறது; 

ஏனென்றால், உலகத்தின் கொடூரமான எதார்த்தங்களை முகமூடி இல்லாமல் எதிர்கொள்வது பெரும் சுமையாக இருப்பதாலும், தங்களின் பலவீனங்களை மறைத்துத் தாங்கள் விரும்பும் ஒரு மாய உலகத்தைக் கண்முன்னே நிறுத்தக்கூடிய கற்பனைக் கதைகள் மனதுக்கு ஒரு தற்காலிகப் போதையான நிம்மதியைத் தருவதாலும் மக்கள் அதற்கு எளிதில் மயங்கிவிடுகிறார்கள். 

உலகப் புகழ்பெற்ற எழுத்தாளர் ராபர்ட் கிரீன் (Robert Greene) தனது நூல்களில் மிகத் தெளிவாகக் குறிப்பிடுவதைப் போல, இந்த உலகத்தில் அதிகாரத்தையோ அல்லது மக்களின் இதயங்களையோ வெல்ல விரும்பும் எவனுக்கும் உண்மையைச் சொல்வதை விட, மக்களின் ஆசைகளையும் கற்பனைகளையும் தீனி போட்டு வளர்ப்பதுதான் மிக எளிய வழியாகும். 

இன்னும் சொல்லப்போனால் மனிதர்கள் தங்களின் கடினமான நிஜத்திலிருந்து தப்பியோடவும், தங்களை ஒரு உயர்ந்த நிலையில் கற்பனை செய்து பார்க்கவும் ஏங்குவதால், எவன் ஒருவன் அவர்களின் கற்பனைக்கு உயிர்கொடுக்கும் பொய்களையும் மாயைகளையும் அழகாகப் பரிமாறுகிறானோ, அவனே காலங்காலமாக இந்தச் சமூகத்தின் மனங்களை ஆள்கிறான். 

இதில் எந்த ஒரு தனிமனிதனும் விதிவிலக்கல்ல; அறிவாளிகள் என்று தங்களைச் சொல்லிக்கொள்பவர்கள் கூட, தங்களின் ஆழ்மனத்து ஆசைகளைத் தாலாட்டும் ஒரு கற்பனைப் பிம்பம் கிடைக்கும் போது, அங்கிருக்கும் உண்மைகளை அடியோடு துறந்துவிட்டு அந்த மாயைக்குப் பின்னால் குருட்டுத்தனமாக ஓடத் துடிக்கிறார்கள் என்பதே இந்த மனித உளவியலின் மாறாத கசப்பான நிதர்சனமாகும்.

GENERAL TALKS - நமது உணவுகளில் கவனம் தேவை !

நம்மை அறியாமல் நாம் அன்றாடம் செய்யும் பல தவறான உணவு இணைப்புகளும் கடுமையான ஃபுட் பாய்சன் மற்றும் நச்சுத்தன்மையை ஏற்படுத்தக் கூடியவையே ஆகும். உதாரணமாக, பாலில் செய்யப்பட்ட இனிப்புப் பண்டங்கள் அல்லது பாயசத்தை உட்கொண்ட உடனேயே எலுமிச்சைச் சாறு, ஆரஞ்சு போன்ற புளிப்பு மிகுந்த சிட்ரஸ் பழங்களைச் சாப்பிடுவது வயிற்றுக்குள் அமிலங்களை மோதவிட்டு ஒவ்வாமையை உண்டாக்கும்; அதேபோல, அசைவ உணவுகளான மீன், இறைச்சி போன்றவற்றுடன் தயிர் அல்லது மோர் போன்ற அதிகப்படியான பால் பொருட்களைச் சேர்த்து உண்பது செரிமான மண்டலத்தை முற்றிலும் ஸ்தம்பிக்கச் செய்து, கடுமையான வாந்தி மற்றும் வயிற்றுப்போக்கைத் தூண்டிவிடும். மேலும், இன்றைய தலைமுறையினர் ஃபாஸ்ட் ஃபுட் மோகத்தில் துரித உணவுகளுடன் ஐஸ் க்ரீம் அல்லது ஐஸ் வாட்டர் போன்ற அதிதீவிரக் குளிர்ச்சியான பானங்களைச் சேர்த்துப் பருகுவது இரைப்பையின் வெப்பநிலையைச் சட்டெனக் குறைத்து, உணவு செரிப்பிற்காகச் சுரக்கும் உமிழ்நீரையும் அமிலங்களையும் செயலிழக்கச் செய்து குடலைச் சுளுக்குப் பிடித்துப்போக வைத்துவிடுகிறது. எந்தவொரு பொருளையும் எதனுடனும் சாப்பிடலாம் என்ற முட்டாள்தனமான விளம்பர மோகம் மனிதர்களின் ஆரோக்கியத்தைச் சிதைத்து, மருத்துவமனைகளின் படுக்கைகளை நிரப்புவதைத் தவிர வேறு எந்தப் பயனுமே தருவதில்லை. பாரம்பரியமாக நமது மூதாதையர்கள் எந்த உணவுடன் எந்த உணவு சேர வேண்டும், எதை எதையெல்லாம் ஒருபோதும் தொடக்கூடாது என்று வகுத்து வைத்த அறிவியல் பூர்வமான முறைகளைத் தூக்கி எறிந்துவிட்டு, இன்ஸ்டாகிராம் ரீல்ஸ்களுக்காக வயிற்றைக் குப்பைத்தொட்டியாக மாற்றுவது எந்த விதத்தில் நியாயமாகும்? உடலுக்கு எது தேவை, எந்தெந்த ஊட்டச்சத்துக்கள் எந்த இடைவெளியில் உள்ளே செல்ல வேண்டும் என்ற குறைந்தபட்சப் பொது அறிவு கூட இல்லாமல், கண்ட கண்ட காம்பினேஷன்களையும் நாக்கில் ருசி பார்க்கிறேன் பேர்வழி என்று உடலுக்குள் திணித்தால், அடுத்த கணமே மரணத்தின் விளிம்பில் நின்று மருத்துவர்களிடம் கெஞ்சித்தான் உயிர் பிழைக்க வேண்டியிருக்கும். எனவே, நாவில் எச்சில் ஊறும் அளவுக்கு விசித்திரமாக எதைச் பார்த்தாலும் அதை ஒன்றாகக் கலந்து தின்பதை விட்டுவிட்டு, ஆரோக்கியமான, முறையான உணவுப் பழக்கங்களை மட்டுமே பின்பற்றுவதே மனித வாழ்வின் எஞ்சிய ஆயுளை நிம்மதியாகக் கழிக்க ஒரே வழியாகும்.

GENERAL TALKS - மரங்களை வளர்க்க ஒரு புதிய யோசனை !

 

 

 தரிசு நிலங்களை மீண்டும் பசுமையாகவும் செழிப்பாகவும் மாற்றுவதற்கு மனிதகுலம் கையில் எடுக்கக்கூடிய மிகச் சிறந்த மற்றும் எளிய நடைமுறைத் தீர்வுகளில் விதைப்பந்துகள் (Seed Balls) தயாரித்து வீசுவது முதலிடத்தைப் பிடிக்கிறது. பயணம் செய்யும்போது அல்லது தரிசு நிலங்களுக்கு அருகில் செல்லும் போது நாட்டு மரங்களின் விதைகளைக் களிமண் மற்றும் சாணத்தில் உருட்டி வீசும் இந்த முறையானது, செல்கள் மட்டத்திலான தாவரவியல் அறிவியலை (Botany) அடிப்படையாகக் கொண்டது. விதை என்பது சரியான சுற்றுச்சூழல் தூண்டுதல்கள் கிடைக்கும் வரை உறக்க நிலையில் (Dormancy) இருக்கும் ஒரு கருவாகும். மழை பெய்யும்போது, விதைப்பந்தின் வெளிப்புறத்திலுள்ள களிமண் உலர் நிலையிலிருந்து ஈரப்பதத்தை உறிஞ்சி (Imbibition), விதைத்தோலுக்குள்ளே தண்ணீரைச் செலுத்தி உறக்க நிலையிலுள்ள செல்களை உயிர்ப்பிக்கிறது. இந்த நீரேற்றம் விதையின் உள்ளே உள்ள என்சைம்களைத் தூண்டி, சேமித்து வைக்கப்பட்ட ஸ்டார்ச் சத்துகளைச் சர்க்கரையாக மாற்றுகிறது; இதுவே விதை முளைப்பதற்குத் தேவையான வேதி ஆற்றலை (Chemical Energy) வழங்கி, முதலில் முதன்மை வேரை (Radicle) கீழே செலுத்திப் பிடித்துக்கொள்ளச் செய்து, பின்னர் தண்டினைச் சூரிய ஒளியை நோக்கி மேலே வளரத் தூண்டுகிறது. இந்த விதைப்பந்துகள் இயற்கையின் கடுமையான சோதனைகளிலிருந்து விதைகளைப் பாதுகாக்க மண் அறிவியல் (Soil Science) மற்றும் புவி வேதியியல் கொள்கைகளைப் பயன்படுத்துகின்றன. விதைப்பந்தின் வெளிப்புறத்திலுள்ள களிமண் கவசம் (The Clay Shield), உலர்வாக இருக்கும்போது சூரியனின் கடுமையான வெப்பம், புற ஊதா கதிர்கள் (UV Radiation), மற்றும் விதைகளை உண்ணும் பூச்சிகள் அல்லது பறவைகளிடமிருந்து ஒரு பாதுகாப்பான உடல் தடையாகச் செயல்படுகிறது. அதுமட்டுமின்றி, திடீரென்று பெய்து நின்றுவிடும் லேசான மழையின்போது விதை உடனடியாக முளைத்து, தகுந்த ஈரமின்றி காய்ந்து வீணாகிவிடாமல் களிமண் தடுத்து நிறுத்துகிறது. இந்த விதைப்பந்துகளில் கலக்கப்படும் சாணம் அல்லது மண்புழு உரம் போன்ற கரிமப் பொருட்கள் (Organic Matter), விதைக்குத் தேவையான நைட்ரஜன், பாஸ்பரஸ் மற்றும் பொட்டாசியம் போன்ற மக்ரோ ஊட்டச்சத்துகளையும் (Macronutrients) நன்மை தரும் நுண்ணுயிரிகளையும் வழங்குகின்றன. இதன் மூலம், வளரும் இளம் செடியின் வேர்கள் சொந்தமாகத் தாய்ச் மண்ணிலிருந்து சத்துகளை உறிஞ்சும் திறனைப் பெறும் வரை, அவற்றுக்குத் தேவையான முதற்கட்ட ஊட்டச்சத்து ஊக்கம் தடையின்றிச் கிடைக்கிறது.

விதைப்பந்துகளைப் பயன்படுத்துவதன் மூலம் கிடைக்கும் அடுத்த கட்டப் பலன் சூழலியல் அறிவியல் (Ecological Science) மற்றும் தாவரங்களின் வம்சாவழி வளர்ச்சியைச் சார்ந்துள்ளது. இயற்கையில் விலங்குகள் மற்றும் பறவைகள் மூலம் விதைகள் பரவுவது போல (Zoochory), இந்த முறை தாவரங்களின் இயற்கையான பரவலைப் பிரதிபலிக்கிறது. இதில் குறிப்பாக சத்து குறைந்த, கடினமான மற்றும் பாழடைந்த மண்ணிலும் தாக்குப்பிடித்து வளரக்கூடிய வலிமையான 'முன்னோடித் தாவர' (Pioneer Species) நாட்டு மர விதைகளே தேர்ந்தெடுக்கப்படுகின்றன; இவை பல ஆண்டுகளில் மண்ணின் தரத்தை மேம்படுத்திப் பிற உயிரினங்களும் வாழ வழிவகுக்கின்றன. மேலும், இந்தச் செடிகளின் வேர்கள் வளரத் தொடங்கும்போது, நிலத்திலுள்ள நன்மையான பூஞ்சை வலைப்பின்னல்களுடன் (Mycorrhizal Networks) இணைப்பை ஏற்படுத்திக் கொள்கின்றன. இந்த மைக்கோரைசா பூஞ்சைகள் தாவரத்திற்குத் தேவையான நீரையும் தாது உப்புகளையும் தேடித் தந்து, பதிலாகத் தாவரத்திடமிருந்து சர்க்கரையைப் பெற்றுக்கொண்டு, வறண்ட மற்றும் கடினமான சூழலிலும் மரங்களின் உயிர்வாழும் விகிதத்தை வியத்தகு முறையில் உயர்த்துகின்றன. இவ்வாறு விதைப்பந்துகள் மூலம் முளைத்து வளரும் மரங்கள் காலப்போக்கில் பெரிய காடுகளாக உருவெடுக்கும்போது, வளிமண்டலம் மற்றும் பருவநிலை அறிவியலில் (Atmospheric & Climate Science) மாபெரும் தாக்கத்தை ஏற்படுத்துகின்றன. ஒளிச்சேர்க்கை (Photosynthesis) செயல்முறை மூலம் மரங்கள் வளிமண்டலத்திலுள்ள கார்பன் டை ஆக்சைடை உறிஞ்சி, அதைத் தாவர உடலமைப்பாக மாற்றி, தூய்மையான ஆக்ஸிஜனை வெளியிடுகின்றன; இதன் மூலம் கார்பன் கச்சிதமாகத் தடுத்து நிறுத்தப்பட்டு (Carbon Sequestration) புவி வெப்பமயமாதலின் தாக்கம் குறைக்கப்படுகின்றது. மேலும், மரங்களின் இலைகளில் நிகழும் நீராவிப்போக்கு (Transpiration) செயல்முறையானது சுற்றுப்புற வெப்பநிலையைக் கணிசமாகக் குறைத்து, உள்ளூர் மைக்ரோ கிளைமேட்டை (Microclimate) உருவாக்கித் தருகிறது. இந்தச் செயல்முறை வெப்ப அலைகளைக் கட்டுப்படுத்துவதோடு மட்டுமல்லாமல், உள்ளூர் வளிமண்டலத்தில் மேகமூட்டத்தை ஒழுங்குபடுத்தித் தேவையான மழைப்பொழிவை ஈர்ப்பதற்கும், பூமியின் காலநிலையை ஸ்திரப்படுத்துவதற்கும் மிக முக்கியப் பங்கு வகிக்கிறது.

  

GENERAL TALKS - நமக்கு பிரச்சனை வராமல் பார்த்துக்கொள்வதா ?

 

 

 பார்வையாளர் விளைவு என்று ஒரு மேட்டர் இருக்கிறது மக்களே ! ஒரு ஆபத்தான சூழ்நிலையில் அல்லது யாரோ ஒருவர் பாதிக்கப்படும் போது, சுற்றிலும் நூற்றுக்கணக்கான மக்கள் பார்த்துக் கொண்டிருந்தும் யாரும் உதவ முன்வராமல் வேடிக்கை பார்த்துக் கொண்டிருப்பதற்கான அறிவியல் காரணத்தை விளக்கும் உளவியல் தத்துவம் இதுவாகும். 1964-ஆம் ஆண்டு நியூயார்க் நகரில் கிட்டி ஜெனோவிஸ் (Kitty Genovese) என்ற இளம் பெண் கொடூரமான முறையில் தாக்கப்பட்டு உதவிக்காகக் கத்தியபோது, அவளது வீட்டின் அருகில் இருந்த திறந்த வெளி ஜன்னல்களின் வழியே 30-க்கும் மேற்பட்டோர் அதைக் கவனித்தும் யாரும் காவல்துறைக்கு அழைக்கவோ அல்லது காப்பாற்றவோ முன்வராத கோரச் சம்பவத்தைத் தொடர்ந்து இந்தத் தத்துவம் உளவியலாளர்களால் தீவிரமாக ஆராயப்பட்டது. இதன் பின்னணியில் உள்ள அறிவியல் மற்றும் நடைமுறை உளவியலை பிரபல உளவியலாளர்கள் தான்டே லேட்னே (Bibb Latané) மற்றும் ஜான் டார்லி (John Darley) ஆகியோர் சோதனைகள் மூலம் நிரூபித்தனர். ஒரு கூட்டத்தில் தனிநபர் சந்திக்கும் அவலநிலையைக் காணும் போது, "பொறுப்புப் பரவலாக்கல்" (Diffusion of Responsibility) என்ற உளவியல் நிகழ்வு அங்கே ஏற்படுகிறது; அதாவது, "நமக்கு ஏன் வம்பு, இவ்வளவு பேர் பார்க்கிறார்களே, வேறு யாராவது போய் உதவுவார்கள்" என்று கூட்டத்தில் உள்ள ஒவ்வொருவரும் நினைப்பதாலேயே, யாருமே கடைசி வரை உதவிக்கு முன்வராமல் போய்விடுகிறார்கள். சுற்றிலும் கூட்டம் அதிகமாக இருக்க இருக்க, ஒரு தனிமனிதன் மீது விழ வேண்டிய தார்மீகப் பொறுப்பு அந்த மக்களிடையே சிதறிவிடுவதால், ஆபத்தில் இருப்பவனுக்கு உதவ வேண்டும் என்ற மனிதநேயத் துடிப்பு அந்தப் கூட்டத்தின் நடுவே காணாமல் போய்விடுகிறது என்பதை இந்தத் தத்துவம் மிக ஆழமாகப் படம்பிடித்துக் காட்டுகிறது. அடுத்த கிராமத்தில் அடிபடும் பிரச்சனை நாளை நம் வீட்டு வாசலிலும் வந்து நிற்கும் என்ற எளிய பிரபஞ்ச விதியை உணராமல், கூட்டத்தோடு கூட்டமாக ஒதுங்கி வாழ்வது என்பது தற்காலிகமான ஒரு தற்காப்பு போலத் தோன்றினாலும், அது காலப்போக்கில் ஒட்டுமொத்த சமூகத்தையுமே மாற்றுவது கவலையானது ! 

 

LOVE TALKS - நிரந்தர அன்பு இலவசமாக கிடைக்காது !!

 

 

     " நமக்கு எத்தனை வயதானாலும், நாம் எவ்வளவு மாற்றங்களைச் சந்தித்தாலும், நம்முடைய வாழ்க்கையில் யாராவது ஒரே ஒருவரையாவது உண்மையாக, முழுமையாக, கண்டிப்பாக, நிரந்தரமாக நேசிக்கப்பட வேண்டும் என்று நம்முடைய மனம் எப்பொழுதும் இயங்குகிறது, கடைசி வரைக்கும் இயங்கிக் கொண்டே இருக்கிறது."

 இந்த வரிகள் மிகவும் முக்கியமானது மக்களே ! திரைப்படங்களிலும் தொலைக்காட்சி மெகா தொடர்களிலும் காட்டப்படுவதைப் போல, நிபந்தனையற்ற அன்பு (Unconditional Love) என்பது எதார்த்த உலகத்தில் இயல்பாக நிலைப்பதில்லை என்பதே மறுக்க முடியாத உண்மை. சினிமாக்களும் கதைகளும் ரசிகர்களை உணர்வுபூர்வமாகக் கவர்வதற்காக, எந்தவித எதிர்பார்ப்பும் இல்லாத தூய காதலை மையமாகக் கொண்டு கற்பனைக் கதைகளை அமைக்கின்றன. ஆனால், நிஜ வாழ்க்கை என்பது அந்தப் பொய்ம்மையான உலகத்திலிருந்து முற்றிலும் மாறுபட்டது. நம்முடைய வாழ்க்கையில் செல்வம், கல்வி, வேலைவாய்ப்பு, தனிப்பட்ட திறன்கள் அல்லது குடும்பத்திற்குத் தேவையான பலம் என நாம் சேர்க்கும் ஆற்றல்களின் அளவைப் பொறுத்தே உறவுகளும் நம்மை அணுகும் விதமும் அமைகின்றன. எந்தவொரு பலனும் பங்களிப்பும் இல்லாமல் எக்காலத்திலும் ஒரு மனிதனுக்குக் கிடைக்கும் நிபந்தனையற்ற அன்பு என்பது எதார்த்தத்தில் நீண்ட காலம் தாக்குப் பிடிக்காது; அது காலப்போக்கில் தேய்ந்துவிடும்.

மனிதகுலத்தின் நிஜ வாழ்க்கைச் சூழலில் (Reality), அன்பு என்பது பெரும்பாலும் பரஸ்பரப் பங்களிப்புடன் தொடர்புடையதாகவே இயங்குகிறது. ஒரு குடும்பத்திற்கோ அல்லது சமூகத்திற்கோ நம்மால் எவ்வளவு சக்தியைக் கொடுக்க முடிகிறது, அவர்களின் பாதுகாப்பிற்கும் முன்னேற்றத்திற்கும் நாம் எத்தகைய பயனை வழங்குகிறோம் என்பதைப் பொறுத்தே நமக்குத் திரும்பக் கிடைக்கும் அன்பு நிர்ணயிக்கப்படுகிறது. மாறாக, நடைமுறை எதார்த்தங்களைப் புறக்கணித்துவிட்டுத் திரைப்படங்களைப்போல் நிபந்தனையற்ற அன்பு எக்காலத்திலும் நிலைக்கும் என்று நம்புவது ஏமாற்றத்தையே தரும். கதைகள் கற்பனைக்காக எதை வேண்டுமானாலும் விவரிக்கலாம்; ஆனால், நிஜ உலகத்தின் விதி என்னவென்றால், ஒருவருடைய மதிப்பு அவர் வழங்கும் பங்களிப்பை வைத்தே மதிக்கப்படுகிறது, அதற்கேற்பவே அவர்களின் அன்பும் பாசமும் அளவிடப்படுகிறது.

 

 

 

GENERAL TALKS - காலம் என்பது கட்டுப்பாடற்ற ஒரு சக்தி !!

 

 

 

   காலம் என்பது இந்தப் பிரபஞ்சத்தின் மிக வலிமையான, யாராலும் அடக்க முடியாத இயற்கையின் பேராற்றல்; மனிதன் தன் அறிவாலும் ஆற்றலாலும் எத்தனையோ சாதனைகளைப் படைத்திருந்தாலும், காலத்தை முழுமையாகக் கட்டுப்படுத்திவிட்டேன் என்று எவராவது கூறினால், அது வெறும் கற்பனைக் கதைகளுமே தவிர வேறு எந்த அறிவியல் உண்மையும் அதில் இல்லை. காலத்தை யாராலும் விலைக்கு வாங்கவோ, பின்னோக்கித் திருப்பவோ, தடுத்து நிறுத்தவோ முடியாது; அது தனது போக்கில், எந்தவிதத் தயவுதாட்சண்யமும் இன்றி, சரியான நேரத்தில் செய்ய வேண்டிய காரியங்களைச் சரியாகச் செய்து முடிக்கும். சில வேளைகளில் மனிதர்கள் தவறான பாதையில் சென்றாலும், காலப்போக்கில் அந்தத் தவறுகளுக்கான தகுந்த பாடங்களையும் விளைவுகளையும் காலம் கச்சிதமாக நிகழ்த்திக் காட்டும். காலம் என்பது உணர்ச்சிகளுக்கு இடம்கொடுக்காத ஒரு நிரந்தரச் சுழற்சி; அது யாருக்காகவும் தன் வேகத்தைக் கூட்டவோ குறைக்கவோ செய்யாது, யார் மீதும் தனிப்பட்ட இரக்கத்தையோ கோபத்தையோ கொண்டு முடிவுகளை எடுப்பதும் கிடையாது. அது முற்றிலும் கணித விதிகளையும் பிரபஞ்ச ஒழுங்கையும் (Scientific Law) அடிப்படையாகக் கொண்டு இயங்கக்கூடியது என்பதால், அதனிடம் நாம் எப்போதும் கவனத்துடனும் எச்சரிக்கையுடனும் இருக்க வேண்டியது அவசியமாகும். காலத்தின் சக்தியை உணர்ந்து, அதனுடன் இணைந்து பயணிப்பவர்களே வாழ்வில் விவேகமானவர்கள்; மாறாக, காலத்தை எதிர்த்து வெல்ல முயல்பவர்கள் எப்போதுமே அதன் சுழற்சியில் சிக்கித் தோற்றுப்போவதே வரலாறு சொல்லும் நிதர்சனமாகும்.

GENERAL TALKS - தேவையற்ற விவாதங்களை தவிர்க்க வேண்டும் !

 

  

   சமூக வலைதளங்களிலோ அல்லது நம்மைச் சுற்றியுள்ள மனிதர்களிடத்திலோ எதைப் பற்றியாவது விவாதித்து அவர்களைத் திருத்திவிடலாம் என்று களத்தில் இறங்குவது என்பது, நம்முடைய நிம்மதியையும் பொன்னான நேரத்தையும் நாமே விலை கொடுத்து வாங்கும் விஷயத்தை போன்றது

எப்பேர்ப்பட்ட கடினமான உண்மைகளையும், ஆதாரப்பூர்வமான அறிவியல் உண்மைகளையும் கொண்டு போய் அவர்கள் முன் வைத்தாலும், அவர்கள் எப்போதுமே தங்களுடைய குறுகிய கற்பனைவாதத்திற்கும், பிடிவாதமான கருத்தியல் மாயைகளுக்கும் மட்டுமே உயிர் கொடுப்பார்களே தவிர, கண்ணுக்குத் தெரியும் நிஜங்களை ஒருபோதும் ஏற்றுக்கொள்ள மாட்டார்கள். 

அறிவியல் என்பது எங்குமே மாறாதது; அது ஒரு தனித்த உண்மை, சூரியனைப் போல வெளிப்படையானது, எந்தக் காலத்திலும் அதன் அடிப்படையான தன்மை மாறப்போவதில்லை. ஆனால், அந்த உண்மையை மறைத்துத் தங்களுடைய பொய்களை நிலைநிறுத்த நினைக்கிறவர்களுக்கோ, பேசுவதற்கு ஆயிரம் உண்மைக்கு மாறான விவாதங்களும், ஆதாரமற்ற கற்பனைக் கதைகளும் நொடியில் கிடைக்கும். 

பொய் என்பது ஒரு பிரம்மாண்டமான நூலகம் போல அதில் நீங்கள் எத்தனை புத்தகங்களை வேண்டுமானாலும் அடுக்கிக் கொண்டே போகலாம், ஆனால் உண்மை என்பது ஒரே ஒரு சிறிய புத்தகம்; அதைத் தாண்டி அதற்கு வேறு மாற்று முகமோ அல்லது பல வண்ணப் பொய்களோ கிடையவே கிடையாது.

இத்தகைய அடிப்படையற்ற விவாதப் பிரியர்களிடம் சென்று நீதியின் பக்கமோ, உண்மையான தரவுகளின் பக்கமோ நின்று வாதிடுவது நேரத்தை வேகமாக வேஸ்ட் பண்ணும் வீடியோ கேம் விளையாட்டுக்கு சமமே தவிர வேறு எதுவுமே இல்லை; ஏனென்றால், அவர்களுக்குத் தேவை உண்மை அல்ல, மாறாக தாங்கள் வைக்கும் வாதம் எப்படியாவது ஜெயிக்க வேண்டும் என்ற அற்பமான அகந்தைப் போராட்டம் மட்டுமே. 

எவ்வளவு ஆழமான நியாயங்களை நீங்கள் எடுத்துவைத்தாலும், தங்களின் அறியாமையை ஒப்புக்கொள்ளத் திராணியில்லாமல் அவர்கள் திசை திருப்புவதையும், தர்க்கங்களைத் தொங்கவிட்டு உங்களை மன உளைச்சலுக்கு ஆளாக்குவதையுமே வாடிக்கையாகக் கொண்டுள்ளனர். இவர்களுடன் பேசுவதை தவிர்த்து அங்கிருந்து அமைதியாகக் கைகழுவிவிட்டு வெளியேறுவதே நமது மன அமைதிக்கு நாம் செய்யும் மிகப்பெரிய நன்மையாகும். 

வாழ்வில் இழப்பதற்கு எவ்வளவோ அழகான விஷயங்கள் இருக்க, இந்தத் தேவையில்லாத மனிதர்களின் பொய்யான தர்க்கங்களுக்குப் பதிலளித்து நம் சக்தியை வீணடிப்பதை விட்டுவிட்டு, நம்முடைய சுய முன்னேற்றத்திலும் அமைதியான வாழ்க்கையிலும் கவனம் செலுத்துவதே மிகச் சிறந்த புத்திசாலித்தனமாகும்.

CODE TALKS - உங்களுக்காக ஒரு பாஸ்வேர்ட் ஜெனரேட்டர் !

 

Secure Password Generator

Strong

Password Length 12

Uppercase (A-Z) Lowercase (a-z) Numbers (0-9) Symbols (!@#$)

Click generate for a secure key.

LIFE TALKS - இந்த சோர்வை எப்படியாவது சரிசெய்தல் வேண்டும்

This Feeling !

  பொதுவாக இந்த வேலை, வீடு, மீண்டும் அதே அலுவலகம் என்று எந்தவித மாறுதலும் இல்லாமல் ஒரே குறுகிய வட்டத்திற்குள்ளேயே சுழன்று, உலகத்தையே ஒரு சிறைச்சாலை போல மாற்றிக்கொள்ளும் அந்த இயந்திரத்தனமான வாழ்க்கை முறை தரும் சலிப்பு என்பது மனிதனை மனதளவில் பயங்கரமான சோர்வை உருவாக்கும் ஒரு சலிப்பான விஷயமாகும். 

நம்மைச் சுற்றிலும் நூறு பேர் இருந்தாலும், யாரும் நம்மை கண்டுகொள்ளவில்லை என்றால் ஆன்மா தனித்துத் தவிப்பது போன்ற அந்தப் பரிதவிப்பு எப்பேர்ப்பட்ட பலசாலியையும் உள்ளுக்குள் உதிர்த்துவிடும் என்பதுதான் இன்று தோன்றுகிறது. 

"உழைத்துக் கொண்டே இருந்தால் வாழ்க்கை நலம் பெறும்" என்று மேடைகளில் தத்துவங்கள் பேச எளிதாக இருக்கலாம், ஆனால் அந்தத் தொடர் உழைப்பே எந்தவிதப் புத்துணர்வும் இன்றி ஒரு குறிப்பிட்ட சுழற்சிக்குள் உங்களைச் சிறைப்பிடிக்கும் போது, சலிப்பு என்பது மனதை மூழ்கடிக்கும் ஒரு பெரும் சுமையாக மாறிவிடுகிறது. 

உடல் சார்ந்த களைப்பைத் தூங்கி எழுந்து சரி செய்துவிடலாம், ஆனால் சலிப்பு என்பது வெறும் உடலில் ஏற்படுவதல்ல அது உடலை இயக்கும் மனத்தின் ஆழத்தில் வேரூன்றி, எந்தச் செயலிலும் ஈடுபாட்டு இல்லாமல் செய்யும் ஒருவிதமான ஆன்மச் சோர்வாகும். 

இந்த வறண்ட யதார்த்தத்தை வெறும் புத்தக கருத்து போலவோ அல்லது அறிவுரைகளாகவோ கடந்து சென்றுவிட முடியாது; இதை நடைமுறையில் (Practical) அனுபவித்து, அந்தத் தனிமைச் சிறையின் சுவர்களைச் சுமந்து பார்த்தால் மட்டுமே அதன் வலியைத் துல்லியமாக உணர முடியும். 

எனவே, சலிப்பின் கோரப்பிடியில் சிக்கித் தவிக்கும் ஒரு மனிதனுக்கு, வெறும் "வேலை செய், நல்லது நடக்கும்" என்ற வார்த்தைகள் ஆறுதலைத் தராது; மாறாக, அந்தச் சக்கர வியூகத்திலிருந்து விடுபட்டு, மனதிற்கு உயிர் தரும் புதிய சுவாசத்தைத் தேட வேண்டிய அவசியத்தையே அது ஒவ்வொரு நாளும் உணர்த்துகிறது. - இது கொஞ்சம் பெர்ஸனல் பதிவு !! 

 

GENERAL TALKS - மனிதரின் மனங்களை மாற்றுகிறார்கள் !

 

 

பொதுவாக "நல்லவர்கள் எப்போதுமே நல்லவர்களாகத்தான் இருப்பார்கள், கெட்டவர்கள் மட்டும்தான் தவறு செய்வார்கள்" என்ற நம்முடைய நீண்டகால நம்பிக்கையை அடித்து நொறுக்கும் ஒரு புரட்சிகரமான உளவியல் கோட்பாடுதான் 'லூசிஃபர் விளைவு'. சொர்க்கத்தில் தேவதையாக இருந்த 'லூசிஃபர்' எப்படிப் பின்னர் நரகத்தின் தலைவனான 'சாத்தான்' ஆக மாறினானோ, அதேபோல எந்த ஒரு சாதாரணமான, நல்ல மனிதனையும் அவனது சூழலும் அமைப்புமுறைகளும் (System) எப்படித் தீயவர்களாக மாற்றுகின்றன என்பதை விளக்குவதற்காக, புகழ்பெற்ற உளவியலாளர் பிலிப் ஜிம்பார்டோ (Philip Zimbardo) 2007-ஆம் ஆண்டு இந்தச் சொல்லை உருவாக்கினார். மனிதனின் தனிப்பட்ட குணாதிசயங்களை விட, அவன் எத்தகைய சூழ்நிலையில் (Environment) வைக்கப்படுகிறான் என்பதுதான் அவனது நல்ல அல்லது கெட்ட செயல்களைத் தீர்மானிக்கிறது என்ற அதிர்ச்சியூட்டும் உண்மையை இந்தத் தத்துவம் வெளிச்சம் போட்டுக் காட்டுகிறது. இந்தக் கோட்பாட்டின் அறிவியல் அடிப்படையை நிரூபிக்க, கடந்த 1971-ஆம் ஆண்டு புகழ்பெற்ற 'ஸ்டான்போர்ட் சிறைச் சோதனை' (Stanford Prison Experiment) நடத்தப்பட்டது. ஸ்டான்போர்ட் பல்கலைக்கழகத்தின் அடித்தளத்தில் ஒரு போலியான சிறையை உருவாக்கி, எவ்வித குற்றப்பின்னணியும் இல்லாத, மனநலப் பரிசோதனைகளில் முழுமையாகத் தகுதிபெற்ற சாதாரணக் கல்லூரி மாணவர்களைக் கொண்டு இந்தச் சோதனை பரிசோதிக்கப்பட்டது; இதில் சில மாணவர்கள் தற்செயலாக 'காவலர்களாகவும்' (Guards), மற்றவர்கள் 'கைதிகளாகவும்' (Prisoners) நியமிக்கப்பட்டனர். எந்தவிதமான உண்மையான வன்முறையும் அங்கே திட்டமிடப்படவில்லை என்றாலும், அந்தச் சூழல் ஏற்படுத்திய அதிகாரம் மற்றும் அடிமைத்தனத்தின் தாக்கம் காரணமாக, வெறும் சில நாட்களில் சாதாரண மாணவர்களாக இருந்த காவலர்கள் கொடூரமான கொடுமைக்காரர்களாக மாறினர்; கைதிகளாக இருந்தவர்கள் கடுமையான மனச்சிதைவுக்கும் உடைந்துபோகும் நிலைக்குள்ளும் தள்ளப்பட்டனர். நிலைமை முற்றிலுமாக விபரீதமானதால், திட்டமிட்டு இரண்டு வாரங்கள் நடத்தப்பட வேண்டிய இந்தச் சோதனை வெறும் ஆறு நாட்களிலேயே பாதியில் நிறுத்தப்பட்டது. இதன் மூலம், ஒரு மனிதனின் அகத்தில் உள்ள நல்ல குணங்களை விட, அவன் மாட்டிக்கொள்ளும் 'அமைப்பு முறை' (System) மற்றும் அதிகாரம் அவனது ஆன்மாவை எப்படிக் கெடுத்துவிடும் என்பதை இந்தச் சோதனை உலகிற்கு உணர்த்தியது.

GENERAL TALKS - வானம் அன்பு மழையை கொட்டட்டும்

 

 

 

 

மனித வாழ்க்கையில் நாம் புரிந்துகொள்ள வேண்டிய மிக முக்கியமான பாடம் என்னவென்றால், யாருடைய இதயத்திலாவது நமக்கான அன்பு கொஞ்சமும் இல்லை என்பதும், அவர்களுக்கு எந்தவிதமான பாசமும் தேவையில்லை என்று அவர்கள் முற்றிலுமாகத் தன்னைச் சுருக்கிக் கொண்டு நிற்கிறார்கள் என்பதும் தெரிந்த பின்னரும், அங்கே சென்று "நான் உனக்கு அன்பு காட்டுகிறேன், என்னை ஏற்றுக்கொள்" என்று கெஞ்சி நிற்பது தன்மானத்தை இழப்பதற்குச் சமமான மாபெரும் முட்டாள்தனமாகும்; எங்கு கதவுகள் திறக்கப்படவே இல்லையோ அங்கே முட்டிக்கொண்டு நிற்பதை விட, நம்மை மதிக்காத இடத்திலிருந்து நம்முடைய சுயமரியாதையைக் காப்பாற்றிக்கொண்டு அமைதியாக விலகிச் செல்வதுதான் புத்திசாலித்தனமாகும். அன்பை விலைபேசவோ அல்லது பிச்சை எடுக்கவோ முடியாது; அது இரு மனங்களின் பரஸ்பர ஈர்ப்பால் மலர வேண்டுமே தவிர, ஒருவரின் காலில் விழுந்து கெஞ்சுவதால் எவனுக்கும் கிடைக்கப் போவதில்லை. எனவே, அன்பின் அருமை தெரியாதவர்களிடம் நமது பாசத்தை வீணடித்து நம்மை நாமே சிறுமைப்படுத்திக் கொள்வதை விட்டுவிட்டு, நம் அன்பைப் புரிந்து போற்றக் கூடிய மனிதர்களை நோக்கி நகர்வதே நமது மனநிம்மதிக்கும் உன்னத வாழ்க்கைக்கும் அடிப்படையாகும். வானம் எந்தவிதப் பாகுபாடும் பாராமல் தன் மழையைப் பூமிக்கு அள்ளி வழங்குவது போல, தன்னைச் சார்ந்தவர்கள், சுற்றியிருப்பவர்கள் என்று யாரிடமும் எதிர்பார்ப்பு வைக்காமல் உலகத்திற்கே அன்பு செலுத்தும் மாமனிதர்கள் பலரும், இந்தச் சமூகத்தின் கண்களுக்குத் தோல்வியடைந்தவர்களாகவே தெரிவதும், வாழ்நாள் முழுவதும் அவர்களின் வாழ்க்கையில் நிம்மதியைக் காட்டிலும் வேதனைகளே மிஞ்சுவதும் இந்த உலகத்தின் மிகக் கொடூரமான நிதர்சனமாகும். எவ்வித நிபந்தனையும் இன்றி அனைவரையும் நேசிக்கும் அந்தப் பரந்த உள்ளங்களுக்குச் சமூகம் பரிசாக அளிப்பது ஏமாற்றங்களையும் முதுகில் குத்தப்படும் காயங்களையும் தவிர வேறொன்றையும் தருவதில்லை

GENERAL TALKS - சமூக அங்கீகாரம் மட்டும் முக்கியமானது என்று ஆகாது

 

 

  சமூகத்தின் எதிர்பார்ப்புகளுக்கும் மற்றவர்களின் கட்டளைகளுக்கும் தலையாட்டி வாழ்ந்ததே வெற்றியെന്നു நம்பி, நாளடைவில் தன் சொந்தத் தனித்துவத்தையும் (Individuality) சிறுவயதுக் கனவுகளையும் முற்றிலுமாகத் துறந்துவிட்டு இயந்திரமாய் வாழும் எத்தனையோ மனிதர்களை இந்தச் சமூகம் கடந்து செல்கிறது; திருமணம், குழந்தைகள், குடும்பம் என்று ஒரு கட்டமைப்புக்குள் நுழைந்த பின்னர்தான், தான் இவ்வளவு காலம் வாழ்ந்தது தன் விருப்பத்திற்காக அல்ல, மாறாக மற்றவர்கள் போட்ட கோட்டில் நடப்பதற்காகத்தான் என்ற கசப்பான உண்மை அவர்களுக்குப் புரியவருகிறது. 

சிறுவயதில் தான் ஆசைப்பட்ட கலையைக் கற்க முடியாமலோ, தான் விரும்பிய லட்சிய வேலையைச் செய்ய முடியாமலோ, தன் மனத்திற்குப் பிடித்த எதையுமே தன் வாழ்நாளில் செய்து பார்க்காமலோ போன அந்த ஏக்கம், நாள்கள் செல்லச் செல்ல ஒரு தேக்கநிலையாக மாறி ஒட்டுமொத்த வாழ்க்கையையுமே நஞ்சாக மாற்றிவிடுகிறது. 

"குடும்பத்தைக் காப்பாற்றுகிறேன்" என்ற பெயரில் தன் ஆன்மாவின் குரலையும் தனது சொந்த விருப்பங்களையும் படுகொலை செய்துவிட்டு, அலுவலகமும் வீடும் என்று மட்டுமே தன் உலகைச் சுருக்கிக் கொள்ளும் பல கணவன்மார்கள், இன்று தங்களின் தற்போதைய வாழ்க்கையைத் தாங்க முடியாத ஒரு சாபமாகவே கருதி முடங்கிப் போயிருக்கிறார்கள்.

காலம் கடந்த பிறகு தன் விருப்பங்களை நினைத்து ஏங்குவதை விடப் பெரிய சித்திரவதை இந்த உலகத்தில் வேறு எதுவுமே இருக்க முடியாது; ஏனென்றால், வயதும் சூழலும் கையை மீறிச் சென்றபின் எழும் அந்த வெறுமை உணர்வு மனிதனை உள்ளுக்குள்ளேயே அரித்துத் தின்றுவிடும். 

இளமைக்காலத்தில் சமூகத்தின் பயத்தாலும் பெற்றோரின் வற்புறுத்தத்தாலும் நசுக்கப்பட்ட அந்த ஆசைகள், பிற்காலத்தில் குடும்பப் பொறுப்புகளின் சுமை அதிகரிக்கும்போது இன்னும் ஆழமான வலியாக மாறித் தம்பதியிடையே ஒரு தேவையற்ற விரக்தியையும் எரிச்சலையும் உருவாக்கிவிடும். 

எதற்காகவும் தன் சுய அடையாளத்தை மற்றவர்களுக்காகத் தாரைவார்த்துவிடக் கூடாது என்பதையும், தன் மீதான சமரசமற்ற காதலை எப்போதுமே உயிர்ப்புடன் வைத்திருக்க வேண்டும் என்பதையும் இந்த மனிதர்களின் வாழ்வு நமக்கு மிகத் தெளிவாகப் பாடமாகச் சொல்லித் தருகிறது. எனவே, எந்தக் கட்டத்தில் இருந்தாலும், குடும்பத்தின் பொறுப்புகளைச் சுமக்கும் அதே வேளையில், தங்களுக்குப் பிடித்தமான சின்னச் சின்ன விஷயங்களுக்காவது அந்த மனதுக்குள் ஒரு சிறு இடத்தை ஒதுக்கி வாழ்வதுதான் ஒரு மனிதனின் உண்மையான மனநிம்மதிக்கும் மனமகிழ்ச்சிக்கும் அடித்தளமாகும்.

GENERAL TALKS - கடினமான பாதைகளோடு வாழ்க்கை

 

 

 

வாழ்நாள் முழுவதும் நாம் எவ்வளவோ பாடுபட்டு, உயிரைக் கொடுத்துத் தேடியடைந்த லட்சியங்கள் அல்லது ஆசையோடு எதிர்பார்த்தப் பரிசுகள் அனைத்தும், நம் கையை வந்தடையும் அந்த இறுதி விநாடியில் ஒரு கானல்நீரைப் போல விலகித் தொலைதூரத்தில் மறைந்து போவது என்பது மனித மனத்தால் எவ்விதத்திலும் தாங்கிக்கொள்ள முடியாத மிகக் கொடூரமான ஏமாற்றமாகும். "தொடுவானம் தொடுகிற நேரம் தொலைவினில் போகும்" என்ற வரிகளுக்கு ஏற்ப, எல்லைக்கோட்டை நெருங்கிவிட்டதாக எண்ணி நாம் பெருமூச்சு விட்டு நிம்மதியடையும் அந்தத் தருணமே, நம்மை ஏமாற்றிவிட்டு அந்த இலக்கு மேலும் பல மைல்கள் தூரத்திற்கு நகர்ந்து செல்வது நமது ஒட்டுமொத்த உழைப்பையும் அர்த்தமற்றுப் போகச் செய்துவிடும். எத்தனையோ இரவுகள் கண் விழித்து, பல தடைகளைத் தாண்டி, அந்த வெற்றியைத் தொட்டுவிடும் தொலைவில் நின்றுகொண்டிருக்கும் போது அது சட்டெனக் கைநழுவிப் போவதை உணரும் அந்த ஒரு நொடி வலி, ஒரு மனிதனின் அக உலகத்தையே சுக்குநூறாக உடைத்து எறிந்துவிடும் வல்லமை கொண்டது. அந்தப் பெருந்துயரத்தை எந்த  வார்த்தைகளாலும் ஈடுசெய்துவிட முடியாது; ஏனெனில், அடைய முடியாத தூரத்தில் கனவு நிற்பதை விட, கண்முன்னே கைக்கெட்டும் தூரத்தில் வந்துவிட்டுத் தொலைந்து போவதுதான் ஆன்மாவை வாட்டி வதைக்கும் ஆகப்பெரிய வலதியாகும்.ஆனால் தரையில் விழுவதெல்லாம் மறுபடியும் எழுந்து நின்று போராடுவதற்காகத்தான் என்ற வாக்கியத்தை நாம் எப்பொழுதும் மறக்கக்கூடாது.இலக்கு கைநழுவிப் போனாலும், அடைந்த ஏமாற்றங்கள் நம்மைச் சோர்வுறச் செய்தாலும், வீழ்ந்த இடத்திலேயே முடங்கிப் போய்விடுவதற்காக நமது வாழ்க்கை கட்டமைக்கப்படவில்லை; மாறாக, அந்த அடி நமக்குக் கற்றுக்கொடுத்த எச்சரிக்கை உணர்வோடும், முன்பு இருந்ததை விடப் பல மடங்கு அதிகமான வைராக்கியத்தோடும் மீண்டும் நிமிர்ந்து நிற்பதற்காகவே அந்தச் சரிவுகள் நிகழ்கின்றன. கண்ணீரைத் துடைத்துவிட்டுப் புழுதியிலிருந்து எழுந்து நிற்கும் ஒரு மனிதனின் உறுதியை எந்தத் தோல்வியும் நிரந்தரமாகச் சிதைத்துவிட முடியாது; ஏனெனில், எத்தனை முறை தரையில் தள்ளப்பட்டாலும் அத்த அத்தனை முறையும் புதிதாகப் பிறப்பெடுத்துத் தன் இலக்கை நோக்கி ஓடும் அந்தத் தீராத போர்க்குணம்தான் மனிதனின் ஆகப்பெரிய அடையாளமும் அவனது வெற்றிக்கான உண்மையான தொடக்கமும் ஆகும்.

 

 

CODE TALKS - பண மேலாண்மை - வட்டி கணக்கு கணிப்பு செயலி !

 

 

 

 

Investment & Savings Growth Calculator

Interactive Widget

Initial Principal $5,000

Monthly Contribution $250

Estimated Annual Return 8%

Time Period (Years) 10 Years

$48,230

Total Future Value

$35,000

Total Contributions

$13,230

Estimated Interest Earned

Drag sliders to watch compound growth calculate instantly.