LOVE TALKS - கொஞ்சமாக காதல் கவிதைகள் !! #15

 

(੭˃ᴗ˂)੭♡⸝⸝

"நம் பிளாட் மெயின் போர்டில் 

அடிக்கடி மின்சாரம் பொறி பறக்கிறது! 

வயர்கள் பழசானது காரணம் 

என்று அப்பா சொல்கிறார்.. 

ஆனால் எனக்குத் தெரியும், 

நீ அந்தப் பக்கமாகப் போகும்போது 

உன் கண்களில் இருக்கும் 

மின்னலைப் பார்த்துவிட்டு 

அந்த ஒயர்களுக்கே கொஞ்சம் 

ஷாக் அடித்திருக்கும் என்று!"


"2014-ன் டைரியில் கடைசி பக்கத்தில் 

இன்றும் மங்காமல் இருக்கிறது 

உன் தொலைபேசி எண்! 

உனக்கு அழைக்கத் தைரியம் 

இல்லாத நாட்களிலும் 

அந்த எண்களை என் விரல்களால் 

வருடிக்கொண்டே உன் குரலை  

கற்பனை செய்தபடி எத்தனை 

இரவுகளைக் கடந்திருக்கிறேன் தெரியுமா?"

"ஜூன் மாதம் வந்தாலே 

உன் நோட்டுகளுக்கு 

பிரவுன் ஷீட் போட்டு தர 

நான் வருவேன்.. 

லேபிள் ஒட்டும்போது 

என் விரல்கள் உன் விரல்களில் 

தெரியாமல் பட்டுவிடும் 

அந்த ஒரு நொடிக்காக! 

அந்த ஒரு வருடப் பாடங்களை விட,

 உன் கைகள் பட்ட அந்த அட்டையில்தான் 

என் வாழ்க்கை முழுவதற்குமான அர்த்தம் இருந்தது!"