LOVE TALKS - கொஞ்சமாக காதல் கவிதைகள் !! #14

 

"

அபார்ட்மெண்ட் லிஃப்ட் கதவு 

மூடும்போது ஒரு நொடி 

என் இதயம் நின்று போகிறது! 

உன்னை என்னிடமிருந்து 

அது மறைப்பதாலோ என்னவோ.. 

அந்த இடைவெளியில் நீ தரும் 

அந்தச் சின்னப் புன்னகை போதும்  

நான் மொட்டை மாடி வரை 

மூச்சிறைக்கத் தேடி வர!

"

"

2013-ல் உன் கையில் இருந்த 

அந்த 'செலோ கிரிப்பர்' 

பேனாவாக நான் இருக்கக் கூடாதா? 

உன் விரல்கள் என்னை இறுக 

பிடித்திருக்கும் போதெல்லாம் 

உன் எண்ணங்கள் மையாக 

மாறி என் வழியே காகிதத்தில்

 கவிதையாக இறங்குவதை 

நான் ரகசியமாக ரசித்திருப்பேன்!

"

"
நமது இளமை காலத்தில் 

அபார்ட்மென்டு கிரவுண்ட்டில்

நாம் விளையாடிய அந்தப் பழைய 

பிளாஸ்டிக் பேட் உடைந்து போனது.. 

ஆனால், நீ பேட்டிங் செய்யும்போது 

அவுட் ஆகக்கூடாது என்பதற்காக 

வேண்டுமென்றே நான் வீசிய 

அந்த மெதுவான பந்துகள் 

இன்றும் என் நினைவுகளில் \

ஓடிக்கொண்டிருக்கின்றன!

"

( ˶˘ ³˘(⋆❛ ہ ❛⋆)!♡