LOVE TALKS - காதலில் விட்டுக்கொடுப்பது எப்படி ?

 

பொதுவாக நம் சமூகத்தில் "விட்டுக்கொடுத்துப் போக வேண்டும்", "அனுசரித்து வாழ வேண்டும்" என்று மேலோட்டமாகச் சொல்வார்கள். ஆனால், அதற்குப் பின்னால் இருக்கும் உண்மையான உளவியல் காரணங்கள் என்னவென்று பலருக்கும் தெரிவதில்லை, இது கொஞ்சம் பெரிய விஷயம் மக்களே, உங்களுடைய அடிப்படையில் இருந்தே உங்களை மாற்ற வேண்டும் !



ஒரு உறவில் யார் அதிக அன்பு செலுத்துகிறார்களோ, அல்லது யார் அந்த உறவு பிரிந்துவிடுமோ என்று பயப்படுகிறார்களோ, அவர்களுக்கே தெரியாமல் அந்த உறவின் "அதிகாரம்" அடுத்த நபர் கைக்கு மாறிவிடுகிறது. ஒரு சில பேருக்கு உறவுகளில் அதிகாரம் வைத்திருப்பது என்பதையே திருமணத்துக்கு பின்னால்தான் கவனிப்பார்கள்




ஒரு நபர் எப்போதும் சமாதானம் செய்பவராகவும், தன் சுயமரியாதையை இழந்து தவறை ஒப்புக்கொள்பவராகவும் இருக்கும்போது, அடுத்த நபர் அதைத் தங்களுக்குச் சாதகமாகப் பயன்படுத்தத் தொடங்குவார்கள். அது குடும்பமாக இருந்தாலும் சரி அலுவலகம் என்று இருந்தாலும் சரி காதலாக இருந்தாலும் சரி எல்லா வகை உறவுக்கும் இந்த பிரச்சனை இருக்கும்




உண்மையான காதல் இருக்கும் இடத்தில் அதிகாரப் போட்டி இருக்கக் கூடாது. ஒருவருக்கொருவர் தங்கள் பலவீனங்களை வெளிப்படுத்த பயப்படாத சூழல் இருக்கும்போதுதான், அந்த உறவில் நிம்மதி இருக்கும். பயத்தின் அடிப்படையில் வரும் அனுசரணை அல்லது அன்பு ஒருபோதும் நீடிக்காது