DREAMTALKS - EPISODE - 6 - கருணை காட்டாது சொந்த வாழ்க்கை !

 

பொதுவாக நாம் ஒரு வேலையைத் தொடங்கும் போது அந்த வேலை கடைசிவரையில் எப்படி முடிக்கப்பட வேண்டும் என்பதைப் பற்றி யோசிப்பதே இல்லை.பல சமயங்களில், ஆரம்பம் சரியாக இருந்தால், முடிவுகளும் சரியாகவே இருக்கும் என்ற அதீதமான, இலட்சியவாத நம்பிக்கையுடன் நாம் களத்தில் இறங்குகிறோம். அதுவே இறுதியில் நமக்குச் சிக்கலை ஏற்படுத்துகிறது. உப்புக்காக காந்தி போனார் தண்டி. ஆனால் திரும்பி வருவதற்கு யாராவது கொடுத்தார்களா வண்டி ? என்பது போல நம்முடைய வாழ்க்கையும் தற்காலிகமான நிலைமைக்கு நாம் தான் காரணம் என்று நினைத்துக் கொண்டிருப்போம். உண்மையை சொல்ல போனால் நாம் வருங்காலத்தில் என்னென்ன விஷயங்கள் நடக்கும் என்றும் வருங்காலத்தில் எப்படியெல்லாம் மனிதர்கள் மாறுவார்கள் என்றும் யோசிக்காமலேயே களத்தில் இறங்கி விடுகிறோம். மனிதர்கள் மாறி விடுகிறார்கள். விஷயங்கள் விபத்துகளை போல நடந்து விடுகிறது. நாமும் தோல்வியை ஒப்புக்கொண்டு அடுத்த கட்டத்துக்கு முன்னேற முயற்சி செய்து கொண்டு இருப்போம். எப்பொழுதுமே நினைவிருக்கட்டும். நீங்கள் உங்களுடைய வாழ்க்கையில் எந்த நிலையில் எந்த காரணத்துக்காக தோற்றுப் போனாலும் யாருக்காக தோற்றுப் போனாலும் வாழ்க்கை உங்களை புதுப்பேட்டை படத்தில் இடம் பெற்ற தனுஷ் கதாபாத்திரம் போல வைத்து செய்யப் போகிறது என்பதை கண்டிப்பாக புரிந்து கொள்ளுங்கள். நமது வாழ்க்கை இரக்கத்தைக் காட்டுவதில்லை; இரக்கத்தைக் காட்டுபவர்கள் மனிதர்களே. மற்றவர்கள் மீது இரக்கம் காட்டிய அந்த இதயங்களை தெய்வீகமானவையாகக் கருதி நீங்கள் வாழ வேண்டும். இது ஒரு வேண்டுகோள் அல்ல, மாறாக ஒவ்வொரு மனிதனும் கட்டாயம் செய்ய வேண்டிய ஒரு மனிதாபிமானச் செயலாகும். !!