LOVE TALKS - புரிந்துகொண்டு ரேலெசியன்சிப்பில் இறங்குபவர்கள் !

 

உங்களை வேண்டாம் என்று ஒதுக்குபவர்களிடம் இருந்து விலகி வருவது உங்களின் பலவீனம் அல்ல; அது உங்களின் ஆகச்சிறந்த ‘சுயமரியாதைப் பிரகடனம்’ (Declaration of Self-Worth).

உலகில் மனிதர்கள் பற்றாக்குறை எப்போதுமே ஏற்பட்டதில்லை. உங்களின் பேரன்பையும், உங்களின் அர்ப்பணிப்பையும் மதிக்கத் தெரியாத ஒருவரிடம் போய்த் பிச்சை கேட்பதை நிறுத்துங்கள். இந்தத் தற்காலிகப் பிரிவு உங்களுக்குத் தரும் வலியை விட, அந்த நச்சுத்தன்மையான உறவுக்குள் (Toxic relationship) நீங்கள் தினசரி அனுபவிக்கும் அவமானம் மிகக் கொடூரமானது.

விபத்து நடப்பதற்கு முன்பே காரிலிருந்து இறங்கிவிடுங்கள். உங்களுக்கான தனிமையைக் கொண்டாடுங்கள்; உங்களைச் செதுக்கிக் கொள்ளுங்கள். உங்களை உதாசீனப்படுத்திய அதே உலகம், ஒரு நாள் உங்களின் உயரத்தைக் கண்டு அண்ணாந்து பார்க்கும் அளவிற்கு உங்களின் உழைப்பை நோக்கிய பயணத்தைத் தொடங்குங்கள்!

காதல் வாழ்க்கை முழுவதும் நிறந்தரமாற்றது , அதுவே மாயாஜாலம், வாழ்க்கை சினிமா அல்ல, 5 வருடம் நிலைத்த காதல் கூட 2 நாளில் பிரிந்துவிடும், பங்குச்சந்தை விட மோசமானது

காதல் என்பது நம் நரம்பு மண்டலத்தில் நிகழும் சில வேதியியல் மாற்றங்களின் தற்காலிகக் கூத்து மட்டுமே. ஆனால், நம் நாட்டுச் சினிமாக்கள் அதை ‘ஏழேழு ஜென்மத்துப் பந்தம்’ என்று ஒரு மாபெரும் புனிதப் போர்வையைப் போர்த்தி, கல்லா கட்டிக் கொண்டிருக்கின்றன. சினிமா நமக்குக் கற்றுக்கொடுத்த ஆகப் பெரிய பொய் ‘சுபம்’ கார்டுக்குப் பின்னால் இருக்கும் வாழ்க்கை.

திரையில் ஹீரோவும் ஹீரோயினும் ஒன்று சேர்ந்ததோடு படம் முடிந்துவிடுகிறது; ஆனால் நிஜ வாழ்க்கை அங்கேதான் தொடங்குகிறது. ஐந்து வருடங்களாக உருகி உருகிக் காதலித்தவர்கள், ஆறாவது வருடத்தின் இரண்டாவது நாளில் "எனக்கு உன்னைப் பிடிக்கவில்லை" என்று ஒரு ஒற்றை குறுஞ்செய்தியில் (SMS) உறவை முறித்துக் கொண்டு நகர்வதை நாம் தினமும் பார்க்கிறோம். நிரந்தரம் இல்லாத ஒரு உணர்வை, காலத்திற்கும் நிலைக்கும் என்று நம்பி நம் ஒட்டுமொத்த வாழ்க்கையையும் பணையம் வைப்பது எவ்வளவு பெரிய அறியாமை