LOVE TALKS - நமது முடிவுகள் சமூகத்தால் மாற்றப்படுகிறது !

 

  "கன்ஃபர்மேஷன் பயாஸ்" (Confirmation Bias) அல்லது உறுதிப்படுத்தும் சார்புநிலை என்றால் என்ன என்பதை திருமண வாழ்க்கையில் இருப்பவர்கள் தெரிந்துகொள்ள வேண்டும். உதாரணமாக, ஒரு சிறுமி அல்லது சிறுவன் தனது பாட்டியிடமிருந்து, "குடும்பம் மகிழ்ச்சியாக இருக்க பெண்கள் இல்லத்தரசிகளாக இருக்க வேண்டும்" என்ற கருத்தைக் கேட்டு வளர்கிறான். அவன் சுற்றியுள்ள மகிழ்ச்சியான குடும்பங்களைப் பார்க்கும்போது, அங்கே தாய்மார்கள் இல்லத்தரசிகளாக இருப்பதைக் கவனிக்கிறான். இது அந்த நம்பிக்கையை அவனுக்கு மேலும் உறுதிப்படுத்துகிறது. ஆனால், வேலைக்குச் செல்லும் தாய்மார்களைக் கொண்ட குடும்பங்களும் மகிழ்ச்சியாக இருக்க முடியும் என்ற உண்மையை அவன் கவனிக்கத் தவறிவிடுகிறான் , இதுதான் 'கன்ஃபர்மேஷன் பயாஸ்'. நமது மனதிற்குப் பிடித்த, ஏற்கனவே இருக்கும் கருத்துகளுக்கு ஆதரவான தகவல்களை மட்டும் தேடிப் பெற்று, அதற்கு எதிரான ஆதாரங்களை நாம் கவனிக்காமல் விட்டுவிடுவதுதான் இது நாம் இப்படிச் செய்யும்போது, நமது சொந்தக் கருத்துகளின் எதிரொலியை மட்டுமே கேட்கும் ஒரு "எக்கோ சேம்பர்" (Echo chamber) நிலைக்குத் தள்ளப்படுகிறோம். இதனால், ஒரு விஷயத்தை அனைத்துப் பரிமாணங்களிலும் சிந்தித்துப் பார்க்கும் வாய்ப்பை நாம் இழந்துவிடுகிறோம், இது சில நேரங்களில் தவறான முடிவுகளை எடுக்க வழிவகுக்கலாம் நமது மனம் இப்படித்தான் செயல்படுகிறது என்பதை நாம் உணர்ந்துகொள்வதே இந்தச் சிக்கலைத் தீர்ப்பதற்கான முதல் வழி. எந்தவொரு விஷயத்தையும் நாம் ஒருதலைப்பட்சமாகப் பார்க்காமல், அதற்கு எதிரான கருத்துகளையும் ஆதாரங்களையும் நடுநிலையோடு ஆராய்ந்து பார்க்க வேண்டும். இப்படிச் செய்வதன் மூலம், ஒரு விஷயத்தைப் பற்றிய தெளிவான பார்வையைப் பெற்று, மிகச் சரியான முடிவுகளை நம்மால் எடுக்க முடியும்.