HELLO !! ITZ JUST RANDOM POSTS ! TAKE CARE EVERYONE! 🥰

HELLO EVERYONE, REGRETTABLY, DUE TO FINANCIAL CONSTRAINTS, THIS BLOG IS SCHEDULED TO BE DISCONTINUED THIS MONTH (AUGUST 2026). HOWEVER, IF YOU WANT TO HELP KEEP THIS BLOG ALIVE, THE BEST WAY TO SUPPORT IS BY SHARING MY POSTS AND SPENDING TIME READING THE CONTENT. INCREASED TRAFFIC AND ACTIVE READERS ARE THE ONLY WAY WE CAN BOUNCE BACK. THANK YOU ALL FOR YOUR INCREDIBLE SUPPORT. EVERY SINGLE VISIT AND SHARE COUNTS! SO ANYWAY #TAKE CARE #BE WELL - RANDOM POSTS BLOG 🥰 [GOOGLE TRANLATE AVAILABLE]

வெள்ளி, 12 ஜூன், 2026

TAMIL KADHAIGAL PESALAAM VAANGA - டிரேடிங் பிளேஸஸ் படத்தில் இடம்பெற்ற காட்சி !

நிஜ வாழ்க்கையில், ஒரு பொருள் சேதமடைவதன் மூலம் காப்பீட்டுத் தொகையைப் பெற்று, அதன் மூலம் இலாபம் (Profit) ஈட்டுவது என்பது சட்டப்பூர்வமாக சாத்தியமற்றது. காப்பீட்டுத் துறையின் மிக முக்கிய அடிப்படை விதியே "ஈட்டுறுதி கோட்பாடு" (Principle of Indemnity) ஆகும். இதன்படி, ஒரு விபத்தோ அல்லது இழப்போ ஏற்படும் போது, பாதிக்கப்பட்டவருக்கு அந்தப் பொருள் இழப்பிற்கு முன்னால் என்ன மதிப்பில் இருந்ததோ, அந்த அசல் மதிப்பை (Actual financial position) மட்டுமே இன்சூரன்ஸ் நிறுவனம் வழங்கும். இழப்பை ஈடுகட்டலாமே தவிர, அதன் மூலம் ஒரு நபர் ஒரு ரூபாய் கூட இலாபம் சம்பாதிக்க இன்சூரன்ஸ் சட்டம் அனுமதிக்காது.

இருப்பினும், Trading Places திரைப்படத்தில் காட்டியது போல ஒரு கலைப்பொருள் (Fine Art) அல்லது பழங்காலப் பொருள் (Antique) உடையும் போது இலாபம் வர வாய்ப்புள்ளதா என்றால், அதற்குப் பின்னால் "மதிப்பிடப்பட்ட பாலிசி" (Valued Policy / Agreed Value Clause) என்ற ஒரு குறிப்பிட்ட விதிமுறை உள்ளது. காப்பீடு செய்யப்படும் போதே இன்சூரன்ஸ் நிறுவனமும், வாடிக்கையாளரும் இணைந்து அந்தப் பொருளின் மதிப்பை ஒரு குறிப்பிட்ட தொகைக்கு ஒப்பந்தம் செய்து கொள்வார்கள். உதாரணத்திற்கு, சந்தை மதிப்பு $35,000 உள்ள ஒரு ஜாடியை, அதன் அரிய தன்மையைக் கருதி $50,000 என மதிப்பிட்டு பிரீமியம் செலுத்தி இன்சூரன்ஸ் செய்திருக்கலாம். அப்படிப்பட்ட பொருள் முழுமையாகச் சேதமடையும் போது, இன்சூரன்ஸ் நிறுவனம் சந்தை விலையைப் பார்க்காமல், ஒப்பந்தம் செய்யப்பட்ட $50,000 தொகையையும் வழங்கிவிடும். திரைப்படத்தில் டுகே பிரதர்ஸ் (Duke brothers) கூறுவது இந்த விதியின் அடிப்படையில் தான்.

ஆனால், நிஜ வாழ்க்கையில் இந்தச் சம்பவத்தை அப்படியே செயல்படுத்த முயன்றால் அது மிகப்பெரிய "காப்பீட்டு மோசடி" (Insurance Fraud) மற்றும் குற்றவியல் விவகாரமாக மாறிவிடும். இன்சூரன்ஸ் உலகில் இதற்கு "மோரல் ஹசார்ட்" (Moral Hazard - நெறிமுறை ஆபத்து) என்று பெயர். அதாவது, ஒரு பொருளின் அசல் மதிப்பை விட இன்சூரன்ஸ் தொகை அதிகமாக இருக்கும் போது, அந்தப் பொருளின் உரிமையாளரே அதைத் திட்டமிட்டு உடைக்கவோ அல்லது திருடக் கொடுக்கவோ தூண்டப்படுவார். இதைத் தடுக்க, இன்சூரன்ஸ் நிறுவனங்கள் கடுமையான புலனாய்வு (Underwriting & Forensic Investigation) செய்வார்கள். திரைப்படத்தில் காட்டியது போல ஒரு அதிதி (Billy Ray) தற்செயலாக உடைத்தால் கூட, இன்சூரன்ஸ் நிறுவனம் அசல் ரசீதுகள், சர்வதேச கலைச் சந்தையின் மதிப்பீடுகள் (Appraisals) ஆகியவற்றை ஆராய்ந்த பிறகே தொகையை வழங்கும். வேண்டுமென்றே இலாபத்திற்காகப் பொருட்களை உடைப்பது கண்டுபிடிக்கப்பட்டால், இன்சூரன்ஸ் பணம் கிடைக்காது என்பதுடன் சிறைத்தண்டனையும் நிச்சயம்!

2 கருத்துகள்:

madan-gowri-fanbase சொன்னது…: சொந்த தம்பி, தங்கையின் பெயர்களை இணைத்து “பாரதிராஜா” ஆனவர்… 🥰

சினிமா என்ற கனவு வெறியாக மனதில் ஆட்சி செய்த காலம் அது. சொந்தமாக இசைக்கருவிகள் கூட இல்லாத நாட்களில், இரும்புக் கம்பியிலும் திண்டுக்கல் பூட்டிலும் இசையை உருவாக்கிக் கொண்டிருந்த இளையராஜா என்ற மேதையை ஆச்சரியத்துடன் பார்த்துக் கொண்டிருந்த ஒரு சின்னசாமி, தேனி மாவட்டத்தின் பண்ணைப்புரம் கிராமத்தில் வாழ்ந்தார்.

நாடகக் குழுக்களுடன் அலைந்தபோது மனதில் பற்றிய சினிமா ஆசையின் தீப்பொறியே பின்னாளில் “பாரதிராஜா” என்ற பெயரில் தமிழ் சினிமாவின் வரலாற்றையே மாற்றியது.

டி.எம். சௌந்தரராஜன் மற்றும் பி. சுசீலா ஆகியோரின் இசை நிகழ்ச்சியை பார்த்தபோதுதான், புகழும் பணமும் பெறுவதற்கான பாதை சினிமாதான் என்ற எண்ணம் சின்னசாமியின் மனதில் வலுப்பெற்றது.

“மெட்ராஸ்… மெட்ராஸ்…” என்று மந்திரம் போல உச்சரித்துக் கொண்டிருந்த மகனைப் பார்த்த தாய், அவன் மனநிலை பாதிக்கப்படுமோ என பயந்து, கடன் வாங்கிய 300 ரூபாயை கையில் கொடுத்து ஒரு லாரியில் ஏற்றி சென்னை அனுப்பிவைத்தார்.

கோடம்பாக்கம் தெருக்களில் அலைந்த நாட்களில், பசியை அடக்க உறவினர் வீட்டில் கிடைத்த காலை உணவின் ஒரு பகுதியை ஒளித்து வைத்து பாக்கெட்டில் எடுத்துச் சென்ற காலமும் அவருக்கு இருந்தது.

இளமையில் தந்தையுடன் ஏற்பட்ட மனஸ்தாபத்தால் மதுரை ரயில் நிலையத்தில் தங்கியிருந்தபோது, பசியை போக்க அவர் கண்டுபிடித்த வழியும் வித்தியாசமானதே. சரக்கு வண்டிகளில் இருந்த அரிசி மூட்டைகளை சிறிது கிழித்து, கால்சட்டைப் பைகளில் அரிசி நிரப்பிக் கொண்டு, அதில் தண்ணீர் ஊற்றி ஊறவைத்து சாப்பிடுவார். அந்தக் கஷ்ட வாழ்க்கை பின்னாளிலும் அவருக்கு மன உறுதியை அளித்தது.

சென்னைக்கு வந்த பிறகு, இளையராஜாவின் நாடகக் குழுவுடன் இணைந்து செயல்பட்டார்.

பின்னர் கன்னட இயக்குநர் புட்டண்ணாவின் உதவியாளராக சேர்ந்ததே அவரது வாழ்க்கையின் திருப்புமுனையாக அமைந்தது.

ஆனால் “சின்னசாமி” என்ற பெயர் சினிமாவுக்கு பொருத்தமாக இருக்காது என்று புட்டண்ணா கூறியதால், புதிய பெயரைத் தேடத் தொடங்கினார். இறுதியில் தனது தங்கை பாரதி மற்றும் தம்பி ஜெயராஜ் ஆகியோரின் பெயர்களை இணைத்து “பாரதிராஜா” என்ற பெயரை உருவாக்கினார். ❤️

புட்டண்ணா பெங்களூருக்குச் சென்ற பிறகு, எம். கிருஷ்ணன் நாயர் மற்றும் கே.எஸ். சேதுமாதவன் ஆகியோரின் உதவியாளராக பணியாற்றினார். அடையார் திரைப்படக் கல்லூரி மாணவர்கள் தயாரித்த “தாகம்” திரைப்படத்தில் பணியாற்றிய அனுபவம், திரைப்பட உருவாக்கத்தின் அனைத்து அம்சங்களையும் கற்றுத் தந்து, தனி இயக்குநராக உருவாகும் தன்னம்பிக்கையை அளித்தது.

தயாரிப்பாளர் ராஜ்கண்ணனிடம் மூன்று கதைகளைச் சொன்னபோது, “மயில்” என்ற கதை அவருக்கு மிகவும் பிடித்தது. “யார் இயக்கப் போகிறார்?” என்ற கேள்விக்கு எஸ்.பி. முத்துராமன் உள்ளிட்ட பலரின் பெயர்களை பாரதிராஜா கூறினாலும், ராஜ்கண்ணன் திருப்தியடையவில்லை.

ஒரு மாலை நேரத்தில் சாலையில் நடந்து கொண்டிருந்த பாரதிராஜாவின் சட்டைப் பையில் ஐந்து ரூபாய் நோட்டை வைத்து, “இந்தப் படத்தை நீங்கள்தான் இயக்க வேண்டும்” என்று கூறியதே அவரது இயக்குநர் வாழ்க்கையின் தொடக்கமாக அமைந்தது.

இளையராஜா மற்றும் அவரது சகோதரர்கள் திருமணம் செய்து கொண்ட பிறகு, பாரதிராஜாவின் தாய்க்கும் கவலை அதிகரித்தது
குறைந்த வருமானம் கொண்ட உதவி இயக்குநருக்கு பெண் கொடுக்க பலரும் தயங்கினர்.

ஒரு கட்டத்தில் நிச்சயிக்கப்பட்ட திருமணமும் கலைந்தது. பின்னர் உறவினரான சந்திரலீலா வாழ்க்கைத் துணையாக வந்தார். ❤️

“மயில்” திரைப்படம் தாமதமாகிக் கொண்டிருந்த காலத்தில், சிறிய வாடகை வீட்டில் பாரதிராஜாவின் குழந்தை பிறந்தது. அப்போது தயாரிப்பாளர் ராஜ்கண்ணன் வந்து குழந்தையின் தொட்டிலில் 100 ரூபாய் நோட்டுக் கட்டை வைத்து, படப்பிடிப்பை உடனே தொடங்குமாறு கூறிய சம்பவம் மறக்க முடியாதது.

அடுத்த நாள் ஒளிப்பதிவாளர் நிவாஸுடன் இடங்களைத் தேடி சென்ற பாரதிராஜா, பின்னர் தமிழ் சினிமாவின் திசையையே மாற்றிய வரலாற்றைப் படைத்தார். 🔥

“மயில்” என்ற கதை, “16 வயதினிலே” என்ற திரைப்படமாக உருவானது. சிறுவயது நண்பரான இளையராஜா இசையமைத்த அந்தப் படத்தில் இடம்பெற்ற “செந்தூரப்பூவே” பாடலுக்காக எஸ். ஜானகி தேசிய விருது பெற்றார்.

1977-ஆம் ஆண்டு வெறும் ஐந்து லட்சம் ரூபாயில் தயாரிக்கப்பட்ட அந்தப் படம், ஒரு ஆண்டுக்கும் மேலாக திரையரங்குகளில் ஓடி சாதனை படைத்தது. நட்சத்திரங்களின் புகழை மையமாகக் கொண்டிருந்த தமிழ் சினிமாவை, இயக்குநரின் கலை மற்றும் பார்வையை மையமாகக் கொண்ட புதிய பாதைக்கு அழைத்துச் சென்றவர் பாரதிராஜா.

அதனால்தான் இன்று வரை தமிழ் சினிமாவின் வரலாறு “பாரதிராஜாவுக்கு முன்” மற்றும் “பாரதிராஜாவுக்கு பின்” என்று பேசப்படுகிறது.

கிராமங்களில் இருந்து எண்ணற்ற இளைஞர்களுக்கு சென்னை நோக்கி கனவுகளுடன் பயணிக்கத் தைரியம் கொடுத்த அந்த மகத்தான கலைஞருக்கு எங்கள் மரியாதைமிகு வணக்கங்கள். 🙏; 12 ஜூன், 2026 அன்று 9:19 AM
பெயரில்லா சொன்னது…: என் அறையில்
கோடை என்னைத் தின்றுகொண்டிருந்த அந்தியில்
திடீரெ மழை பெய்யத் தொடங்கியது

என் சக்கர நாற்காலியில்
மழையின் சாலையில்
இறங்கிச் சென்றேன்
இலைகளிலிருந்து நீர்
என் மேல் சொட்டிக்கொண்டே வந்தது

அடுத்த சாலையிலிருந்த
தேநீர் கடையில்
ஒரு தேநீரை வேண்டி நின்றேன்

ஒரு இளைஞனும் அவன் தோழியும்
அடையாளம் கண்டு
அருகில் வந்தார்கள்
என் சொற்களின் வழியே
என்னை நினைவுகூர்ந்தபடி
மழையோடு சிரித்தார்கள்

ஒரு உதவி இயக்குநன்
மழையில் நனைந்தபடியே
அவன் நெஞ்சிலிருக்கும் கதையை
317ஆவது ஆளாக
என்னிடம் சொல்லத் தொடங்கினான்

பானிப்பூரி வாங்க வந்த
ஒரு மாணவி
மலர்ந்த முகத்தோடு கையசைத்தாள்
மழையில் அந்த முகம் மயங்கியது

நான் மழையில் சாலையில்
திரும்பிச் சென்றேன்
பின்னாலேயே யாரோ வந்தார்கள்
மூச்சிறைக்க
ஒருத்தி வந்துகொண்டிருந்தாள்
மூச்சிறைக்க அருகில் வந்து நின்றாள்

" சார்...சார்...
அங்கயே பார்த்தேன்
' நெர்வஸா' யிடுச்சு
உங்கள் கவிதைகள்
அவ்ளோவ் பிடிக்கும்
ஒரு போட்டோ எடுத்துகலாமா?
ஒரு ஆட்டோக்ராஃப் போடுவீங்களா?
அய்யோ கையில்
ஒரு புத்தகம்கூட இல்லையே
ஒரு பேப்பர்கூட இல்லையே"

சுற்றும் முற்றும் பார்த்தாள்
மாயக் காட்சிகளில் வருவதுபோல
நாங்கள் நின்றிருந்த இடத்தின் முன்னேயே
ஒரு ஸ்டேஷனரி கடை இருந்தது
அவள் எனக்கு
ஒரு மலரைத் தர விரும்பியிருந்தால்
அங்கே ஒரு பூக்கடையும்
ஒரு சாக்லேட்டை தரவிரும்பியிருந்தால்
ஸ்வீட் ஸ்டாலும் இருந்திருக்கும்

அவள் கடைக்குள் ஓடி
ஒரு வெள்ளைக் காகிதத்தோடு
ஓடி வந்தாள்
அந்தக் காகிதத்தின்
ஒரு பக்கத்தில் நானும்
இன்னொரு பக்கத்தில் மழையும்
கையெழுத்திட்டோம்

தெய்வங்களல்ல
மருத்துவர்களல்ல
நான் வழியில் காணும்
இவர்களெல்லாம்தான்
என்னை வலியிருந்து காக்கிறார்கள்
சாவிலிருந்து காக்கிறார்கள்

ஒரு சிறிய மழை வந்ததும்
என் இயல்பு வாழ்க்கை
திரும்பிவிடுகிறது
எல்லாமே திரும்பி வருகின்றன

18.6.2026
இரவு 8.31
மனுஷ்ய புத்திரன்; 20 ஜூன், 2026 அன்று 12:01 AM