LIFE TALKS - சூழ்நிலைகள் எதிராகவும் மாறலாம் !

       நாம் சந்திக்கும் சூழ்நிலைகள், நமக்கு எதிராக வருபவர்கள் அல்லது மற்றவர்கள் நம் மீது வீசும் விமர்சனங்கள், சோதனைகள் ஆகியவை எத்தகையதாக இருந்தாலும், அவற்றை நாம் எவ்வாறு கையாண்டு நம்முடைய வெற்றிக்கான படிக்கட்டுகளாக மாற்றுகிறோம் என்பதில்தான் நம்முடைய உண்மையான வெற்றியே அடங்கியிருக்கிறது. சேற்றில் வீசப்பட்டாலும், அங்கேயும் தாமரையாக மலர்வது மனிதனின் மனவுறுதியைப் பொறுத்ததுதான். வாழ்க்கை நமக்கு எதை வீசுகிறது என்பது நம் கட்டுப்பாட்டில் இல்லை அது தோல்வியாகவோ, வறுமையாகவோ, அவமானமாகவோ இருக்கலாம். ஆனால், அவற்றை நமது விடாமுயற்சியால் படிக்கட்டுகளாக மாற்றுவது நம் கைகளில்தான் உள்ளது.கடந்த காலத்தில் செய்த தவறுகளையே அல்லது சந்தித்த தோல்விகளையே திரும்பத் திரும்ப நினைத்து, "நம்மால் முடியாது" என்று நமக்கு நாமே கூறித் தாழ்த்திக் கொள்வது மிகப் பெரிய முட்டாள்தனம். அந்தத் தற்காலிகச் சோகத்தில் மூழ்கி நாம் எடுக்கும் ஒவ்வொரு செயலற்ற பொழுதும், எதிர்காலத்தில் நாம் அடைய வேண்டிய உயரத்திற்கான பாதையை இன்னும் நீளமாக்கிவிடும். அதாவது, நாம் கடக்க வேண்டிய தொலைவை நாமே நம் கைகளால் அதிகரித்துக்கொள்கிறோம் என்று அர்த்தம். வாழ்க்கையில் சறுக்கல்கள் இயல்பானவைதான்; ஆனால், அந்தச் சறுக்கல்களையே நிரந்தரமான தடைகளாக மாற்றிவிடக் கூடாது. கடந்த காலக் குறைகளை வெறும் அனுபவப் பாடங்களாக (Lessons) மட்டுமே எடுத்துக் கொண்டு, உடனடியாகத் தற்காப்பு மனநிலையிலிருந்து வெளியேறி உழைக்கத் தொடங்க வேண்டும். எவ்வளவு தாமதமாகத் தொடங்கினாலும், தொடர்ந்து முயற்சி செய்து கொண்டே இருக்கும் போதுதான் அந்தத் தொலைவு குறையும். மாறாக, கையைக்கட்டிக் கொண்டு வருத்தப்பட்டுக் கொண்டிருந்தால் தூரம் இன்னும் அதிகமாகிக் கொண்டேதான் போகும்!