உங்கள் வாழ்க்கை இன்னொருவர் கைகளில் உள்ளதா ?

 

 

 

         மற்றவர்கள் சொல்லும் அறிவுரைகளுக்கும், நம்மைத் திசைதிருப்பச் செய்யப்படும் மூளைச்சலவைகளுக்கும் (Manipulation) இடையே உள்ள மெல்லிய கோட்டைப் புரிந்துகொள்வது சாதாரணமானதல்ல. பலர் நல்லவர்கள் போல முகமூடி அணிந்து கொண்டு, தங்களது சுயநலத்துக்காக நம்மைப் பயன்படுத்த நினைக்கலாம். அப்படிப்பட்ட சூழ்நிலைகளில் நாம் எளிதில் ஏமாந்துவிடாமல் இருக்க,  ஒருவர் என்ன சொல்கிறார்கள் என்பதைப் பார்ப்பதை விட, அந்த நபர் யார், அவதூறுகளுக்கு அப்பால் அவர்களின் நோக்கம் என்ன என்பதைத் தனிப்பட்ட முறையில் ஆராய்ந்து புரிந்துகொள்வதுதான் புத்திசாலித்தனம்.  சரியான வழிகாட்டுதல் இல்லாமல், நம் மீது போலியான அக்கறையை வெளிப்படுத்துபவர்களை நம்பி ஏமாந்து, தங்களின் வாழ்க்கையின் பெரும்பகுதியை இழந்துவிட்ட மனிதர்கள் நம்மைச் சுற்றிலும் எத்தனையோ பேர் இருக்கிறார்கள். அந்த ஏமாற்றங்களும் இழப்புகளும் தரும் வலிகளிலிருந்து மீண்டுவர, ஒருவன் தனது ஆழ்மனதை நோக்கி எழுப்ப வேண்டிய கேள்விகள் யாரை நம்புவது, யாரை நான் ஏன் இன்னும் சுயசார்பு அடையவில்லை? விலக்கி வைப்பது?  என் வாழ்க்கையின் சக்கரத்தை இயக்குபவர் யார்? வெளித்தோற்றத்தையும் உதட்டளவில் பேசும் வார்த்தைகளையும் நம்பி ஏமாறாமல், ஒருவரின் நிஜமான நோக்கத்தை ஆராய்ந்து அறியும் பக்குவத்தை நாம் ஏன் வளர்த்துக்கொள்ள வேண்டும்? எனது செயல்களும் முடிவுகளும் என் சொந்தக் கட்டுப்பாட்டில்தான் இருக்கிறதா, அல்லது மற்றவர்களின் சூழ்ச்சிகளுக்கும் கருத்துகளுக்கும் அடிபணிந்து இருக்கிறேனா ? எல்லாவற்றுக்கும் மற்றவர்களின் தயவை எதிர்பாராமல், எனக்கான வேலைகளை நானே செய்யும் அளவுக்குத் தேவையான திறமைகளையும் அறிவையும் வளர்த்துக்கொள்ளத் தவறியது ஏன்? கேள்விகளுக்கான விடைகளை ஒருவன் தனக்குள்ளேயே தேடத் தொடங்கும் போதே, அவனுடைய அறியாமை விலகி தெளிவு பிறக்கத் தொடங்கிவிடும். மற்றவர்களின் கரங்களில் தன் வாழ்வின் ரிமோட்டைக் கொடுத்துவிட்டு வேடிக்கை பார்ப்பதை விட்டுவிட்டு, தன் வாழ்க்கையின் ஒவ்வொரு அடியையும் தன் சொந்தக் கட்டுப்பாட்டிற்குள் கொண்டுவருவதுதான் உண்மையான பக்குவம், சுதந்திரம் மற்றும் மனிதனின் மிகப்பெரிய வெற்றி!