காதல் தோல்வி அடைந்தவர்களுக்காக ஒருவர் இணையத்தில் எழுதிய அட்வைஸ் -
வாழ்த்துக்கள்! எவரெஸ்ட் சிகரத்தை ஸ்பூனால் தோண்டி எடுக்க முயன்ற அதே புத்திசாலித்தனத்தோடு, மாறாத ஒரு மனதை மாற்றப் போராடி இன்று நடுத்தெருவில் நிற்கிறாய். "காதல் கைகூடும்" என்று நீ நம்பியது, காலாவதியான ஒரு லாட்டரி சீட்டை வைத்துக்கொண்டு ஜாக்பாட் அடிக்கும் என்று கனவு காண்பதற்கு சமம்.
உன் உணர்வுகளை எல்லாம் ஒரு அழகான கவிதையாக்கி அவரிடம் கொடுத்திருப்பாய், அவரோ அதை ஒரு பழைய செய்தித்தாள் போல அலட்சியமாகப் படித்துவிட்டு, அதில் வடை மடித்துச் சாப்பிட்டுவிட்டுப் போயிருப்பார்.
உன்னுடைய தியாகங்கள் அனைத்தும் ஒரு காமெடி ஷோவில் வரும் பின்னணிச் சிரிப்பைப் போல அர்த்தமற்றதாகிவிட்டன. ஜெயிக்கவே முடியாத ஒரு போர்க்களத்தில், மரக்கட்டையை வைத்துக்கொண்டு அணுவாயுதத்தோடு சண்டை போட்ட உன் வீரம் உண்மையிலேயே "போற்றத்தக்கது".
இரண்டாவது ரவுண்டில் இன்னும் சுவாரஸ்யம் அதிகம். "அன்பால் எதையும் மாற்றலாம்" என்கிற அந்தப் பழைய சினிமா வசனத்தை நம்பி, ஒரு பாறாங்கல்லுக்கு பன்னீர் ஊற்றி வளர்க்க முயன்றாயே, அங்கேதான் உனது மேதாவித்தனம் வெளிப்படுகிறது.
உன் வாட்ஸ்அப் ஸ்டேட்டஸ்கள் எல்லாம் சோக கீதங்களாக ஒலிக்க, அவர் அங்கே வேறொருவருக்கு "ஹார்ட் இன்" எமோஜி அனுப்பிக்கொண்டிருப்பார். நீ தூங்காமல் அழுதுகொண்டிருந்த இரவுகளில், அவர் குறட்டை விட்டுத் தூங்கி, அடுத்த நாள் காலையில் ஜிம்முக்குச் சென்றிருப்பார்.
உனது இந்த ஒருதலைப்பட்சமான யுத்தம், ஒரு சுவரை முட்டி அதை நகரச் சொல்லிக் கெஞ்சுவதற்குச் சமம். சுவர் நகராது என்று தெரிந்தும், உன் தலையை உடைத்துக்கொண்டதுதான் இதில் உச்சக்கட்ட நகைச்சுவை.
கடைசியாக, இந்த "தோல்வி" உனக்குத் தரும் அந்தப் பெருமை இருக்கிறதே, அதுதான் இருப்பதிலேயே பெரிய சாபக்கேடு. தோற்றுப்போவோம் என்று தெரிந்தே ஓடிவிட்டு, இப்போது காலில் காயம் என்று அழுதுகொண்டிருக்கிறாய்.
விதி உன்னைப் பார்த்து எள்ளி நகையாடுகிறது; ஆனால் நீயோ அதை "காதல் வலி" என்று பெயரிட்டு நளினமாகப் பேசுகிறாய். உண்மையில், கிடைக்காத ஒன்றுக்காகக் கையேந்தி நின்றது காதலல்ல, அது ஒரு வெட்டி முயற்சி. இப்போது உன் கையில் மிஞ்சியிருப்பது சில பழைய மெசேஜ்கள், சில வறண்ட நினைவுகள், அப்புறம் "நாம ஏன் இப்படி லூசுத்தனமா நடந்துகிட்டோம்?" என்கிற ஒரு கசப்பான உண்மை.
எப்போதுமே ஜெயிக்க முடியாத ஒரு சூதாட்டத்தில் உன் மொத்த வாழ்க்கையையும் பணையம் வைத்துவிட்டு, இப்போது வெறும் கையோடு நிற்பது பார்ப்பதற்கு எவ்வளவு "அழகாக" இருக்கிறது தெரியுமா? தயவு செய்து கொஞ்சமாவது முன்னேறுங்கள் , திருச்சிற்றம்பலம் போல டெலிவேரி வேலை பாத்துக்கொண்டு பறவையே எங்கு இருக்கிறாய் என்று ராஜா பாடல்களில் பொழுதை போக்கவேண்டாம் !
4 கருத்துகள்:
மச்சான், கவலைப்படாதடா! அந்தப் பொண்ணு உன்னை விட்டுட்டுப் போனா என்ன? அவளை விட அழகான பொண்ணு உனக்கு கிடைப்பா,"மச்சான்... கடல்ல இல்லாத மீனா? ஒரு மீன் போனா இன்னொரு மீன் சிக்காமலா போயிடும்?" என்று அட்வைஸ் பண்ணதுக்கு "நீ சொல்றது எல்லாம் சரிதான் மச்சான். ஆனா எனக்குத்தான் குறைந்தபட்சம் தூண்டில் போடவே தெரியாதே!"
என்று சொன்னதுக்கு நண்பன் மைண்ட் வாய்ஸ் : இவன் கடல்ல மீன் பிடிக்கிறத பத்தி சொல்றான்னு நெனச்சுட்டானோ? டேய் மொதல்ல வலைய விரிக்க கத்துக்கங்க, அப்பறம் படகு வாங்கறத பற்றி யோசிக்கலாம் !
ப்ரண்டு ஒருத்தன் கேட்டான்
மச்சான் , சர்ப்ரைஸ்கும்
அதிர்ச்சிக்கும் என்ன வித்தியாசம்னு, அதுக்கு அவன் ப்ரண்டு சொன்னான்
பொண்டாட்டி ஊருக்கு போறேன்னு சொன்னால் அது சர்ப்பிரைஸ் , அதே நாள் சாயங்காலம் போன் பண்ணி வீட்டுக்கு வந்துட்டு இருக்கேன் சாப்பாடு வாங்கி வைங்கன்னு சொன்னா அது அதிர்ச்சி!
இந்த நகரத்தில்
காதல் மலர்கிறது
ஆனால் திருமணங்கள்
மிக அரிதாகவே நடக்கின்றன
இந்த நகரத்தின் வானில்
பறவைகள் தங்கள்
சிறகுகளை விரிக்கின்றன
கனவுகள் மட்டுமே
ஜன்னல் வாட்டில் ஒட்டிக்கொண்டு
உறைந்து கிடக்கின்றன
புதிதாக வளர்ந்த
ஒரு பெண்ணின் மனதில்
ஒரு மலர் மலர்கிறது
பின்னர் அந்த மலர்
எந்தக் காரணமும் இன்றி
உதிர்ந்துவிடுகிறது
அனைத்து வாக்குறுதிகளும்
புறக்கணிப்பில் கிடக்கின்றன
முட்டாள்தனமான பேச்சு
திகைப்பூட்டும் பார்வைகள்
அனைத்து நினைவுகளையும்
அழித்துவிடுகின்றன
💔💔💔
நிறைவேறாத ஆசைகள்...😌
நிழலாய் தொடரும் பாசங்கள்...🤗
நித்தம் துரத்தும் ஏக்கங்கள்...🥹
நிஜத்தைச் சொல்லும் காயங்கள்...💔
மறக்க முடியாத காயங்களும்,🖤
மறைக்க முடியாத நினைவுகளும் 💌
கருத்துரையிடுக