GENERAL TALKS - இணைந்த செயல்பாட்டில் நம்பிக்கையின் முக்கியத்துவம் !

 

மனிதன் தன் கனவுகளைத் தேடிப் பயணம் செய்யும் போது, சோர்வு, கடுமையான உழைப்பு, ஏமாற்றங்கள் மற்றும் சூழல் தரும் தாக்கங்கள் காரணமாகப் பாதியிலேயே விலகிச் செல்வது தவிர்க்க முடியாத வேதனையான யதார்த்தமாக மாறுகிறது. தனியொரு மனிதனாக மட்டுமே நின்று தன் கனவுகளை அடைவது எப்போதுமே சாத்தியமில்லை என்பதையும், அதற்காகச் சரியான ஒரு குழுவை (Team) அமைத்துச் செயல்பட்டால் மட்டுமே வெற்றி பெற முடியும் என்பதையும் இந்தச் சூழல் தெளிவாக உணர்த்துகிறது. தனிநபர் முயற்சியோ அல்லது விறைப்பான கட்டுப்பாடுகளோ மட்டுமே வெற்றியைத் தந்துவிட முடியாது. குறிப்பாக இந்த 2025 ஆம் ஆண்டில், சரியான இணைப்புகளும் (Networking) ஒத்துழைப்பும் இல்லாமல் எதையுமே சாதிப்பது கடினம். இந்தத் தேடலில் தான் பல மனிதர்கள் தவறான அல்லது நம்பத்தகாத நபர்களை நம்பி ஏமாந்து, தங்களின் வாழ்க்கையில் பல விலைமதிப்பற்ற விஷயங்களை இழந்து கேள்விக்குறியாகி நிற்கிறார்கள். மனிதன் தன் வாழ்க்கையில் மிகக் குறுகிய கால வயதிலேயே ஃபைனான்சியல் ரிட்டையர்மென்ட் (Financial Retirement) அதாவது போதுமான பணத்தை ஈட்டிவிடும் நிலையை அடைந்தாக வேண்டும் என்பதில் பலரும் தவறிழைத்துவிட்டுப் பின்னாடி வருந்துகிறார்கள். பணத்தை முறையாகச் சேர்த்துவிட்டால், பிரபல 'பீகீஸ்' (Bee Gees) பேண்டுடைய 'ஸ்டேயிங் அலைவ்' (Stayin' Alive) பாடலைப் போட்டுக் கொண்டு, எந்தவிதமான வேலையும் இல்லாமல், முழுச் சுதந்திரத்துடன் தனக்குப் பிடித்தவர்களுடன் நேரத்தைச் செலவழித்து வாழ்க்கையை மகிழ்ச்சியாக வாழலாம். மாறாக, அதிகமான கடன்கள் நிறைந்த வாழ்க்கை மனிதனுக்கு நரகத்தையும், கடினமான மற்றும் தர்மசங்கடமான சூழ்நிலைகளையுமே பரிசளிக்கிறது என்பதை நாம் எப்போதும் நினைவில் கொள்ள வேண்டும்.