LOVE TALKS - சந்தேகத்தில் சிக்கிவிட வைக்கும் பிரேக் அப் !

 

ஒருமுறை பிரேக் அப் ஆகிவிட்டு மீண்டும் இணையும் உறவுகளில் (Patch-up) ஆகக் கொடூரமான விஷயம் என்னவென்றால், அங்கே ‘சுதந்திரமும் நம்பிக்கையும்’ அடியோடு மரணித்துவிட்டிருக்கும்.

இன்னொரு எதார்த்தமான உதாரணம்: நீங்கள் பிரிந்திருந்த அந்த 6 மாத காலத்தில் அவர் யாருடன் பேசினார், வேறு யாருடனாவது பழகினாரா என்ற ‘சந்தேகப் பேய்’ உங்கள் மூளைக்குள் நிரந்தரமாகக் குடியேறிவிடும். 

இப்போது நீங்கள் ‘செகண்ட் இன்னிங்ஸ்’ (Second Innings) விளையாட உள்ளே வரும்போது, அது காதலாக இருக்காது; ஒருவரையொருவர் கண்காணிக்கும் உளவுத்துறையாக (Intelligence Bureau) மாறிவிடும். 

போனை காட்டு, பாஸ்வேர்டை கொடு, நேத்து யார்கூட ஆன்லைன்ல இருந்த?" என்ற டாக்ஸிக் விசாரணைதான் நடக்கும். ஒரு சிறைச்சாலைக்குள் வாழ்வதற்குப் பெயர் காதல் அல்ல. 

ஒருமுறை உடைந்த கண்ணாடியை எவ்வளவுதான் ஒட்ட வைத்தாலும், அதில் விரிசல் கோடுகள் அசிங்கமாகத் தெரிந்துக் கொண்டேதான் இருக்கும் 

பிரேக் அப் என்பது ஒரு விபத்து. விபத்துக்குள்ளான அதே காரை மீண்டும் எடுத்துக்கொண்டு அதே வேகத்தில் அதே சுவரில் போய் மோதுவதற்குப் பெயர்தான் ‘பிரேக் அப் ரிவர்சல்’ (Breakup Reversal).

அனுபவம் வாய்ந்த மனிதர்கள் யாரும் பழைய நரகத்தை நோக்கித் திரும்பப் பயணப்பட மாட்டார்கள். உங்களை ஒருமுறை வேண்டாம் என்று தூக்கி எறிந்தவர்களின் மனதில், உங்களைப் பற்றிய மதிப்பு என்றோ குறைந்துவிட்டது. இப்போது நீங்கள் மீண்டும் அவர்களிடம் போவது, அவர்களின் ‘இரக்கப் பிச்சையை’ (Sympathy Pity) வாங்குவதைப் போன்றது.

அங்கே காதலும் இருக்காது, மரியாதையும் இருக்காது. உங்களை விட்டு விலகிய ரயில் நிலையத்திலேயே இன்னும் எத்தனை நாட்கள் காத்துக் கொண்டிருக்கப் போகிறீர்கள்? அடுத்த பிளாட்ஃபார்மிற்கு மாறுங்கள்,

 உங்களுக்கான புதிய சொகுசு ரயில் அங்கே காத்துக் கொண்டிருக்கிறது. பழைய அத்தியாயத்தை அடியோடு மூடிவிட்டு, அடுத்த பக்கத்தைத் திருப்புங்கள் பாஸ்!