CINEMA TALKS - THE BOYS SEASON 5 பற்றி ஒரு விஷயம் !

 

      

 

 

     பிரபலமான 'The Boys' தொடரின் இறுதிப் பகுதிகளைப் பார்க்கும்போது, அதில் வரும் 'Soldier Boy' கதாபாத்திரம் நம்மைக் கடுமையாக யோசிக்க வைக்கும். இந்தத் தொடரே சூப்பர் பவர் கொண்டவர்கள் மோசமானவர்களாக மாறினால் என்ன நடக்கும் என்ற ஆக்ஷன், டார்க் காமெடி கலந்த ஒரு மிரட்டலான உலகம்தான். (குறிப்பு: முதிர்ந்த பார்வையாளர்களுக்கானது!). இதில் இந்த சோல்ஜர் பாயின் விசித்திரம் என்னவென்றால், அவர்தான் அதிக சூப்பர் பவர் கொண்டவராக இருப்பார்; ஆனால், அவருக்கு என்று தனிப்பட்ட லட்சியமோ, அடுத்து என்ன செய்ய வேண்டும் என்ற தொலைநோக்குப் பார்வையோ சுத்தமாக இருக்காது. அவரைப் போன்ற சக்தி வாய்ந்த ஒருவரை மற்றவர்கள் தங்களின் சொந்த லாபத்திற்காகப் பயன்படுத்திக் கொள்கிறார்களே தவிர, அவர் எதை நோக்கியும் சுயமாக இயங்குவதில்லை. தன் பலம் என்னவென்றே முழுமையாகப் புரியாமல், அடுத்தவர்களின் பிடியில் இயங்கும் ஒரு மாபெரும் சக்தியின் மனநிலையை இந்தத் கதாபாத்திரம் அச்சுப் பிசகாமல் பிரதிபலிக்கும். ஒரு கதையின் நாயகனுக்கோ அல்லது வில்லனுக்கோ ஒரு நோக்கம் (Purpose) இருக்க வேண்டும்; ஆனால், நோக்கமே இல்லாமல் ஒரு சக்தி இருப்பது எவ்வளவு பெரிய முரண் என்பதை இந்தத் தொடர் அழகாகப் பேசும்! நீண்ட காலமாக 'The Boys' தொடரைத் தொடர்ந்து ஃபாலோ செய்து வந்த ரசிகர்களுக்கு, அந்த இறுதிச் சீசனின் கடைசி எபிசோடு கிளைமாக்ஸ் பெரிய அளவில் பிரம்மாண்டமாகவோ, மிரட்டலாகவோ இருந்ததா என்றால்... நிச்சயம் இல்லை என்றுதான் சொல்ல வேண்டும்! ஆனால், அது அந்த ஒட்டுமொத்த கதைக்களத்திற்கும் அதன் பயணத்திற்கும் எந்தளவுக்குப் பொருந்துமோ, அந்தளவுக்கு யதார்த்தமாகவே முடிக்கப்பட்டிருந்தது. ஆனாலும் உண்மை என்னவென்றால், இத்தனை ஆண்டுகள் இந்தத் தொடரைத் தீவிரமாகத் தொடர்ந்து ரசித்து வந்த எந்தவொரு ரசிகரும், இப்படிப்பட்ட ஒரு எளிய அல்லது வித்யாசமான கிளைமாக்சை ஒருபோதும் எதிர்பார்த்திருக்கவே மாட்டார்கள்!