LOVE TALKS - காலத்தில் மறைந்துள்ள ஜெனட்டிக்ஸ் !

 

நவீனச் சமூகம் நமக்குக் கற்றுக்கொடுத்த ‘நல்ல தங்கமான பையன், காதலித்தது அடக்கமான அமைதியான பெண்’ என்ற இலக்கணங்கள் எல்லாமே, நம் ஆழ்மனதில் இருக்கும் ஆதிமனிதனின் மரபணுக்களுக்கு (Genes) முன்னால் மண்டியிட்டு விடுகின்றன என்பதுதான் உலக மகா ரகசியம். இன்றைக்கு இருக்கும் பலருக்குத் தெரியாத விஷயம் என்னவென்றால், இந்த ‘டாக்ஸிக்’ என்று நாம் முத்திரை குத்தும் ஆண்களிடமும், ‘ஃபெம் ஃபடேல்’ எனப்படும் ஆபத்தான கவர்ச்சிமிக்க பெண்களிடமும் இருக்கும் அதீத ஈர்ப்பு, நேற்றோ இன்றோ உருவானது அல்ல; அது நம் முன்னோர்கள் நமக்கு எழுதி வைத்த ‘பரிணாம அடிமைச் சாசனம்’. 

காட்டில் சிங்கம், புலி, கரடிகளோடு வாழ்ந்த நம் முப்பாட்டன்களுக்குத் தேவைப்பட்டது ஒரு ‘ஜென்டில்மேன்’ அல்ல; எதிரிகளைப் பிய்த்துப் போடும் ஒரு ‘டாக்ஸிக் வேட்டைக்காரன்’. அதேபோல, தன் மதிநுட்பத்தால் எந்தவொரு ஆபத்தான சூழலையும் தனக்குச் சாதகமாக மாற்றும் ஒரு ‘ஃபெம் ஃபடேல்’ தான் அன்று குலத்தைக் காக்கும் அரசியாகத் தெரிந்தாள். நமது மரபணுக்கள் இன்னும் அந்தக் காட்டுக்குள்ளேயேதான் வாழ்ந்து கொண்டிருக்கின்றன; அதனால்தான் இன்ஸ்டாகிராமில் ‘டாக்ஸிக் ரெட் ஃபிளாக்’ (Red Flag) என்று தெரிந்தும், நம் கண்கள் அவளையே, அவனையே தேடி ஓடுகின்றன!

அடிப்படையில் அனிமல் என்று ஒரு படம் சக்கை போடு போட்டு ஹிட் ஆன விஷயமும் இந்த ஆல்பா ? காலத்து கலாச்சார மறு தொடக்கம்தான், நாம் எவ்வளவுதான் கோட்-சூட் அணிந்து கொண்டு, மென்மையாகப் பேசி, படித்துப் பக்குவமடைந்த மனிதர்களாக மாறினாலும், ஆபத்தானவர்களை நோக்கியே நம் இதயம் துடிப்பதற்குக் காரணம் நம் முன்னோர்களின் ‘பாதுகாப்பு சார்ந்த கவலை’ (Survival Anxiety) தான். அன்று காட்டில் உயிர் பிழைத்திருக்க வேண்டும் என்றால், ஆபத்தானவர்களோடு கூட்டணி வைப்பதுதான் ஒரே வழி. இன்று காட்டுப் மிருகங்கள் இல்லை; ஆனால் அந்தப் பயம் மட்டும் இன்னும் ஜெனட்டிக்ஸ் உள்ளே அப்படியே இருக்கிறது. 

அதன் விளைவுதான் என்னவென்றால், ஒரு ‘பச்சை பச்சையான நல்ல பையனை’ப் பார்க்கும்போது நம் மரபணுக்களுக்குத் ‘தாய்மாமன்’ போலத் தோன்றுகிறது; ஆனால், ஒரு ‘டாக்ஸிக் பேட் பாய்’ (Bad Boy) வரும்போதுதான் ‘ஆகா, இவன்தான் நம்மைப் பாதுகாப்பான்’ என்று மூளைக்குள் எச்சரிக்கை மணி அடிக்கிறது. 

அதேபோல், சாந்தமான பெண்களை விடுத்து, தன் பார்வையாலேயே சாம்ராஜ்யங்களைச் சரிக்கும் ‘ஃபெம் ஃபடேல்’களின் பின்னால் ஆண்கள் விழுந்து கிடப்பதற்கும் இந்த மரபணுச் சுழற்சிதான் காரணம். இது ஒரு விசித்திரமான முரண்பாடு மனதிற்கு அமைதி வேண்டும் என்று நினைப்போம், ஆனால் நம் மரபணுக்களோ ‘ஆபத்து எங்கே இருக்கிறதோ, அங்கேதான் காதல் இருக்கிறது’ என்று நம்மை இழுத்துக் கொண்டு போய் அந்தப் பங்குச்சந்தை சரிவுக்குள் தள்ளிவிடுகிறது!