LOVE TALKS - காதல் திருமணங்களின் வெகுவான புரிதல் !

 

உங்களை ஒரு ‘படிக்காத புத்தகமாகவே’ வைத்திருங்கள். உங்கள் காதலர்/காதலி ஒவ்வொரு நாளும் உங்களின் ஒரு புதிய பக்கத்தை மட்டுமே வாசிக்க அனுமதிக்க வேண்டுமே தவிர, ஒரே நாளில் ஒட்டுமொத்தப் புத்தகத்தையும் படித்து முடிக்கக் கூடாது.

அதிகமாகத் பேசுவதை விட, சில நேரங்களில் மௌனமாக இருப்பது உங்களின் மதிப்பை இன்னும் பல மடங்கு உயர்த்தும். "இவருக்குள் ஏதோ ஒன்று இருக்கிறது" என்ற அந்தத் தேடல் அவரிடம் இருக்கும் வரை, உங்களை விட்டு அவர் விலகப் போவதே இல்லை. 

எனவே, காதலில் முழுமையாக உங்களை அர்ப்பணிக்கிறேன் என்ற பெயரில் உங்கள் ‘மிஸ்டரி’ என்ற ஆயுதத்தை இழந்துவிடாதீர்கள். காதலை ஒரு அழகான புதிராகவே வைத்திருங்கள்; சஸ்பென்ஸ் உடைந்தால் படம் முடிந்துவிடும்!

இதுபோக காதலில் பேசவேண்டிய விஷயம் நிறைய இருக்கிறது மக்களே ! நம் முன்னோர்கள் ஏன் இருபதுகளின் தொடக்கத்திலேயே (20-22 வயதில்) திருமணம் செய்து வைத்தார்கள் தெரியுமா? அவர்களுக்குப் பங்குச்சந்தையும் தெரியாது, உறவுமுறை அறிவியலும் (Relationship Science) தெரியாது; ஆனால், மனித உடலின் ‘உயிரியல் கடிகாரம்’ (Biological Clock) மிகத் துல்லியமாகத் தெரிந்திருந்தது. 

22 வயதில் உடலில் ரத்தம் அனலாகக் கொதிக்கும், டோபமைனும் ஆக்ஸிடோசினும் உச்சக்கட்ட வேகத்தில் சுரக்கும். இந்த வயதில் இணையும் போது, அந்த இளமையின் வேகம் காதலை அடுத்த 15 முதல் 20 வருடங்களுக்குத் தடையின்றி இழுத்துச் செல்லும். அந்த ‘இருபது வருடக் காதல் ஆயுள்’ என்பது உண்மையில் இளமை என்னும் எரிபொருளால் ஓடும் வண்டி. 

ஆனால் இன்றைய நவீன உலகில், முப்பதுகளைக் கடந்த பின் (32-35 வயதில்) செட்டிலாகிவிட்டுப் பொறுமையாகத் திருமணம் செய்யும்போது, அங்கே காதல் வாழ்க்கையின் ஆயுள் வெறும் 10 வருடங்களாகக் சுருங்கிவிடுகிறது. ஏனென்றால், அங்கே காதலுக்குப் பின்னால் இருக்கும் ‘இளமையின் வேகம்’ பாதியாகக் குறைந்திருக்கிறது! 

இருந்தாலும் கவலை இல்லை, தரமான வாழ்க்கையை குறைந்த வருடங்களிலும் வாழலாம், சுற்றுலா, உறவுகள், ஆசைகளை நிறைவேற்றுதல், ஷாப்பிங் என்று எல்லாமே கொடுக்க பணம் இருக்க வேண்டும், நேரமும் இருக்க வேண்டும் ! இதனை மட்டும் கற்றுக்கொள்ள வேண்டும் மக்களே !