TECH TALKS - சமூக வலைத்தள அதீதம் தேவையற்றது !

 

 

 

 

    சமூக வலைதளங்கள் நமது தகவல் தொடர்பை எளிதாக்கியிருந்தாலும், அதில் வெளிவரும் பொய்யான செய்திகளும், குறுகிய கால விளம்பர மோகமும் இன்றைய இளைய தலைமுறையின் மனநலத்தையும் நிஜ உலகத் தொடர்புகளையும் கடுமையாகப் பாதிக்கின்றன. இந்த டிஜிட்டல் போதையில் இருந்து விடுபட்டு, ஆரோக்கியமான உறவுகளையும் ஆழமான சிந்தனையையும் மீட்டெடுக்க நாம் அனைவரும் விழிப்புணர்வுடன் செயல்பட வேண்டும். அந்த விழிப்புணர்வு வெறும் வார்த்தைகளில் நின்றுவிடாமல், நமது தினசரி பழக்கவழக்கங்களில் மாற்றமாக மாற வேண்டும். திரைகளில் தேடும் அங்கீகாரத்திற்குப் பதிலாக, அருகில் இருப்பவர்களிடம் வெளிப்படுத்தும் நிஜமான புன்னகையிலும், நேரடி உரையாடல்களிலும் தான் உண்மையான நிம்மதி அடங்கியிருக்கிறது. டிஜிட்டல் உலகின் மாயவலைகளைத் தாண்டி, புத்தகங்கள், கலை, இயற்கை மற்றும் ஆழமான சிந்தனைகளுடன் நம்மை இணைத்துக் கொள்ளும்போது, மனம் தெளிவடைகிறது; வாழ்க்கை அர்த்தமுள்ளதாகிறது. தொழில்நுட்பத்தின் அடிமையாக மாறுவதற்குப் பதிலாக, அதை நமக்குத் தேவையான கருவியாக மட்டும் பயன்படுத்தப் பழகினாலே, இளைய தலைமுறையின் எதிர்காலம் ஒளிமயமானதாகவும், மனஅமைதி நிறைந்ததாகவும் மாறும். தொழில்நுட்பங்கள் என்பவை நமது மனித குலத்தின் வளர்ச்சிக்கும் முன்னேற்றத்துக்காகவும் உருவாக்கப்பட்டவைதானே தவிர, அவை நம்முடைய வீழ்ச்சிக்கும் அழிவுக்கும் காரணமாக மாறுதல் கூடாது.