இப்போது வாரிசு என்ற தமிழ் படத்தின் விமர்சனத்தை பார்க்கலாம் , இல்லை.. இல்லை.. "வாரிசுடு" என்ற தமிழில் எடுக்கப்பட்ட தெலுங்கு படங்களின் கமர்ஷியல் விஷயங்களை மட்டும் வைத்து எடுக்கப்பட்டு வெளிவந்த ஒரு டப்பிங் பண்ணப்படாத டப்பிங் படத்தை பற்றி பார்க்கலாம். விஜய்யின் அனைத்து படங்களும் பெர்சனலாக எனக்கு பிடிக்கும். ஒரு விமர்சனம் பண்ணும் விமர்சகராக நான் சப்போர்ட் பண்ணி பேச வேண்டும் என்று யோசிக்கவில்லை.
பொதுவாக விஜய் எப்போதும் ஃபேமிலியுடன் ரசிக்கும்படியான ஆக்ஷன் படங்களை அதிகமாக கொடுத்துள்ளார். ஆனால் ஃபேமிலி எலிமெண்ட்ஸ் படத்தின் ஒரு பகுதியாக இருக்கலாம் ஆனால் படமே அப்படி இருப்பது கொஞ்சம் புதிதாக இருக்கிறது. 2 மணி நேரம் 50 நிமிஷம் படம் மொத்தமும் அப்பாவுக்கு கேன்சர் , தங்கை கடத்தல் , அண்ணன்கள் வெறுப்பு , ஸ்டாக் ஃபைட் காட்சிகள் , பணக்கார குறும்புகள் என்று கமர்ஷியல் படங்களில் இருக்கும் சுமாரான காட்சிகளே இருக்கிறது, ஒரு பெரிய பங்களாவில் இருக்கும் பணக்கார குடும்பம் மற்றும் பிசினஸ் போட்டிகளைத்தான் காலாகாலமாக சீரியல்களில் பார்த்துக்கொண்டு இருக்கிறோமே ? மறுபடியும் எதுக்காக சினிமாவில் பார்க்க வேண்டும் ?
வாரிசு மோசமான படம் இல்லை.. ஆனால் சென்டிமெண்ட் , சென்டிமெண்ட் , சென்டிமெண்ட் . சென்டிமெண்ட் , இந்த படத்துக்கு பெரிய பின்னடைவு எக்கச்சக்கமான சென்டிமெண்ட்களை போட்டு தாக்கியதுதான். மேலும் காட்சிகள் அவ்வளவு சிறப்பான டுவிஸ்ட்களை கொடுக்கவில்லை. ஒரு எக்ஸாம்ப்பிள்க்கு போக்கிரி படத்தை பார்த்தால் விஜய் ஒரு அன்டர்கவர் ஆபரேஷன்க்காக மிகவும் கெட்டவர்களுடைய நெட்வொர்க்களில் சேரந்து இருக்கும் ஒரு இளம் காவல் துறை அதிகாரி என்பதை கடைசி வரைக்கும் ஒரு பெரிய ஸஸ்பென்ஸ் டுவிஸ்ட் ஆக வைத்து இருப்பார்கள். ஆனால் ஒரு கமர்ஷியல் படத்தில் இருந்தாலும் அந்த டுவிஸ்ட் நன்றாக வேலை செய்து இருந்தது. கிளைமாக்ஸ் மாஸ் ஆக இருந்தது. மேலும் முந்தைய படங்கள் சர்க்கார் படம் எடுத்துக்கொள்ளலாம் இங்கே துணிவோடு நடக்கும் அரசியல் பிரச்சனைகளில் இருந்து மக்களை காப்பாற்ற ஒரு திறன்மிக்க தொழில் அதிபர் முடிவு எடுத்தால் என்ன நடக்கும் என்ற ஒரு லைன் படத்தில் மிக அழகாக எக்ஸெக்கியூட் செய்யப்பட்டு இருந்தது. ஆனால் இந்த படத்தில் அப்படி ஒன்றும் பெரிதான டுவிஸ்ட் இல்லை. இருந்தால் நன்றாக இருந்திருக்கும். ராஸ்மிக்கா கொஞ்சம் காட்சிகளே இருந்தாலும் அவருடைய காட்சிகளை நிறைவாக கொடுத்து இருக்கிறார், யோகிபாபு ஒரு சீனியர் காமெடி ஆக்டராக நன்றாகவே அவருடைய வெற்றியை பதித்து இருக்கிறார், நான் கண்டிப்பாக பரோமிஸ் பண்ணி சொல்லுவேன் இந்த படத்தின் நேரடி தமிழ் பாதிப்பை தவிர தெலுங்கு , கன்னடம் , ஹிந்தி , மலையாளம் , பதிப்புகளில் நல்ல மாஸ் ஆன வசனங்கள் இருந்திருக்கும். ஒரு ஸ்டாக் வசனம்தான் தமிழில் இருக்கிறது.
கம்பேர் பண்ணி பார்த்தால் வைகுந்தபுரம் படம் அளவுக்கு இந்த படம் இல்லை. ஹார்ட் விஜய் ஃபேன்ஸ்க்கு கண்டிப்பாக இந்த படத்தை சப்போர்ட் பண்ணவேண்டும் என்று தோன்றும். ஆனால் இப்போது நான் இப்படி பண்ணாமல் இருந்தால் நடிகர்களுக்கு மட்டும் 100 கோடி சம்பளம் கொடுப்பதால் படத்தின் பட்ஜெட் குறைந்து பெரிய காட்சிகள் இல்லாமல் சுமாரான காட்சிகளை வைத்து படத்தை கொடுக்கும் கட்டாயம் வரும். விவசாயம் பண்ணும் விவசாயிகளுக்கு இலாபம் இல்லை ஆனால் விவசாயியாக நடிப்பவர்களுக்கு கோடிக்கணக்கில் சம்பளம் என்றால் இந்த திரைப்படக்கலை மக்களிடம் எவ்வளவு நெருக்கமான விஷயமாக வாழ்க்கையில் இருக்கிறது என்பதை அனைவரும் புரிந்துகொள்ள வேண்டும். அதனால்தான் படத்துக்கு ஸீன் எடுக்க வைத்த காசு சம்பளம் கொடுக்க சரியாக போய்விட்டது என்று சொல்லி தீபாவளி மற்றும் பொங்கல் நாள் அன்று ஒரு நத்தையை விட மெதுவாக நகரும் டிராமாக்களை பார்க்க வேண்டிய கட்டாயத்துக்கு தள்ள வேண்டாம். மொத்ததில் வாரிசு படத்துக்கு நிஜமாக வைக்க வேண்டிய டைட்டில் - குடும்பம் ஒரு கதம்பம் !!!
"சரத் குமார் யாரென்று தெரியுமா ? அவரை போய் இறந்து போவதாக காட்டிவிட்டீர்களை ? அதுக்காகவே இந்த படத்தை நான் வெறுக்கிறேன் !! "
No comments:
Post a Comment