ஒரு வீட்டுக்கு வேண்டாத விருந்தாளி என்று ஒருவர் சென்று இருந்தார்! கணவன் மனைவியிடம் காபி போட்டு கொண்டுவருமாறு சொன்னான். இங்கே காபி பொடியும் இல்லை சர்க்கரையும் இல்லை அடுப்பங்கரையிலிருந்து சத்தமிட்டார். எப்போதும் உனக்கு பஞ்ச பாட்டுதான் என்று கணவன் சத்தமிட வாய் பேச்சு முற்றி மனைவியை கன்னத்தில் அறைந்துவிடுகிறான். இந்த அநியாயத்தை கேட்க ஆள் இல்லையா என்று அழ ஆரம்பித்தாள். இந்த அமளி துமளியை கண்டு சொல்லிக்கொள்ளாமல் வெளியேறினார் விருந்தாளி. அவர் வெளியேறிவிட்டதும் கணவரும் மனைவியும் ஒருவரை ஒருவர் பார்த்துக்கொண்டு சத்தம் போட்டு சிரித்தனர், கணவனும் மனைவியும் எப்படி இருந்தது என் நடிப்பு. அடிப்பது போல் அடித்தேனே. என்றான் கணவன். ஆஹா. அழுவது போல் அழுதேனே. எப்படி இருந்தது. என் நடிப்பு.”என்றாள் மனைவி பிராமாதம் ! என்றான் கணவன். பின்னால் இருந்து ஒரு குரல் கேட்டது, நானும் போவதுபோல் போய்விட்டு திரும்பி விட்டேன். என்றார் வந்த விருந்தாளி. காசு செலவு பண்ணாமல் கஞ்சமாக இருக்க வேண்டும் என்று நினைப்பவர்கள் கண்டிப்பாக கஞ்சமாக இருப்பதில் இருந்து சாகும் வரைக்குமே திருந்த மாட்டார்கள். இவர்கள் இருப்பதே வேஸ்ட் என்றுதான் இருக்கும். இருந்தாலும் கஞ்சமாக இருப்பதையே ஒரு இலட்சியமாக வைத்து இருக்கும் குடும்பங்கள் குறிப்பாக கணவன்-மனைவியை கூட அவ்வப்போது பார்க்க முடிகிறது./ ஒரு முறை கணவனும் மனைவியும் பயங்கர சண்டை போட்டார்கள் அப்புறம் நாள் முழுக்க இருவரும் பேசவே இல்லை. மனைவியால் பொறுக்க முடியல. கணவன் கிட்ட இப்படி பேசாம இருக்கிறது இனிமேலும் சரி இல்லை. ரெண்டு பேரும் விட்டுக் கொடுத்து ஆளுக்கொரு நல்ல காரியம் செஞ்சா சமாதானமாப் போயிடலாம் என்றதும் ரொம்ப நல்லது. என்ன செய்யலாம் சொல்லு என்று கணவர் கேட்கவே மனைவி நீங்க பெரிய மனசு பண்ணி செஞ்ச தப்புக்கு மன்னிப்பு கேளுங்க. நானும் உங்களை பெரிய மனசு பண்ணி மன்னிச்சு விட்டுடறேன் என்றாளாம். விருப்பு வெறுப்பு இல்லாமல் நாசூக்காக விஷயங்களை பேசும் நுணுக்கம் இத்தகைய தம்பதிகளிடம் இருந்தாலும் இவர்களின் மலிவான நடந்துகொள்ளும் விதம் கடுப்பைதான் வரவைக்கிறது.
No comments:
Post a Comment