STORY TALKS - இது நிஜமல்ல கதை !

 

நம் ஊர் டெலிவிஷன் பெட்டிகளுக்குள் நடக்கும் கூத்துக்களைப் பற்றிப் பேசினால், பக்கம்பக்கமாக எழுதிக் கொண்டே போகலாம். குறிப்பா, ஒரு சீரியல் நம்மை எப்படிலாம் சோதிக்குது பாருங்க! அந்தக் கதையின்படி, நாயகி தன் மாமியார் வீட்டிலிருந்து துரத்தி அடிக்கப்படுகிறாள். கையில் ஒரு குழந்தையோட நிற்கும் அவள், "இந்தக் குழந்தையின் உண்மையான தந்தை என் கணவர்தான்" அப்படீங்குறதை நிரூபிக்கிறதுக்காக ஒரே ஒரு சின்ன டி.என்.ஏ (DNA) டெஸ்ட் எடுத்து காட்டணும். இதுதான் விஷயமே! நாமும் என்ன நினைப்போம்னா, 'சரி, அடுத்த வாரத்துல டெஸ்ட் ரிசல்ட் வந்துரும், கதை முடிஞ்சுரும்'னு பாப்போம். ஆனா, அங்கதான் டைரக்டருடைய மாஸ்டர் பிளான் தொடங்கும். ஒரு மாசத்துல ரிசல்ட் வரும்னு பாத்தா ரெண்டு மாசம் ஆகுது; ரெண்டு மாசத்துல வரும்னு பாத்தா அப்படியே நீட்டிக்கிட்டே போய், கிட்டத்தட்ட ஏழு முதல் எட்டு மாத காலத்திற்கு அந்த ஒரே ஒரு டி.என்.ஏ டெஸ்ட்டை இழுத்துக்கிட்டே போறாங்க பாருங்க... அதுதான் உண்மையான சாதனை! இந்த இடைப்பட்ட காலத்தில் கதை என்னவாகிறது தெரியுமா? திடீர்னு ஒரு விபத்து நடக்கும், குழந்தை கடத்தப்படும், முக்கிய கதாபாத்திரங்கள் திடீர்னு காணாம போயிடுவாங்க, அடுத்தடுத்து குடும்பச் சண்டைகள் வெடிக்கும், நடுவுல ஒரு கல்யாணம் நடக்கும், ஊர் திருவிழா கொண்டாடப்படும், குடும்பத்தோட எல்லாரும் டூர் போவாங்கன்னு சொல்லி—ட்விஸ்ட் மேல ட்விஸ்ட் வச்சு, கதையை எங்கெங்கோ திசைமாற்றி இழுத்துட்டே இருப்பாங்க ! யோசிச்சு பாருங்க... உலகத்திலேயே ஒரு பத்து வயது குழந்தையை அவனுடைய உண்மையான அப்பாவோட சேர்த்து வைக்கிறதுக்கு, ஒரு டி.என்.ஏ டெஸ்ட் ரிசல்ட்டை வச்சுக்கிட்டு எட்டு மாத காலத்தை இழுத்தடித்த ஒரே இயக்குநர் இவராகத்தான் இருக்க முடியும் ! இந்த மாதிரி சப்பையான விஷயங்களை எல்லாம் பூதகரமாக்கி, எண்களைக் கூட்டிக் காலத்தை ஓட்டும் மெகா சீரியல்களை எல்லாம் எப்போதான் தடுத்து நிறுத்தப் போறாங்களோ? அப்படிப்பட்ட ஒரு மாற்றம் நடந்தாதான், அதை நம்பி உட்கார்ந்திருக்கும் நமது பாசமான பெண்மணிகளின் பொன்னான நேரமும், வாழ்க்கைத் தரமும் உயரும்!