'டே ஷிப்ட்' திரைப்படம் ஆங்கில படங்களின் ரத்தக் காட்டேரிகளை (Vampires) வேட்டையாடுபவர்களை BLADE , VAN HELISING போல ஒரு கோதிக் ஸ்டைல் போர்வீரர்களாகக் காட்டாமல், அன்றாடக் கூலி வேலை செய்யும் ஒரு தொழிலாளியாகச் சித்தரிக்கிறது. ஜேமி ஃபாக்ஸ் (Jamie Foxx), பட் ஜாப்லோன்ஸ்கி என்ற கதாபாத்திரத்தில் நடித்துள்ளார். அவர் ஒரு சாதாரண நீச்சல் குளத்தைச் சுத்தம் செய்பவர் போலத் தெரிந்தாலும், உண்மையில் அது ஒரு வேஷம்; அவருடைய நிஜத் தொழில் ரத்தக் காட்டேரிகளின் கதையை முடித்து வேல்யூ மிகுந்த பற்களைப் பிடுங்கிப் பணமாக மாற்றுவதுதான். தன் மகளின் படிப்புச் செலவிற்காகவும், தன் குடும்பம் தன்னை விட்டுப் பிரிந்து செல்லாமல் இருக்கவும், நம்ம ஹீரோ தனது கர்வத்தை விட்டுவிட்டு "த யூனியன்" (The Union) என்ற வேட்டைக்காரர்களின் அமைப்பில் மீண்டும் சேர வேண்டிய கட்டாயத்திற்குத் தள்ளப்படுகிறார். இது குடும்பப் பாசத்திற்கும் ரத்தக் களரிக்கும் இடையே நடக்கும் ஒரு அதிரடிப் போராட்டம்; பில் கட்ட வேண்டிய நெருக்கடி இருந்தால், பிசாசுகளைக் கொல்வதும் காலை 9 முதல் 5 மணி வரையிலான ஒரு சாதாரண வேலைதான் என்பதை இந்தப் படம் நிரூபிக்கிறது. இந்தப் படத்தின் உண்மையான பலம், சிஜிஐ (CGI) மாயாஜாலங்களை விட, எலும்புகள் நொறுங்கும் சத்தத்தோடு அரங்கேறும் சண்டைக் காட்சிகளில்தான் இருக்கிறது. ஸ்னூப் டாக் (Snoop Dogg), பிக் ஜான் எலியட் என்ற கதாபாத்திரத்தில் ஒவ்வொரு காட்சியிலும் ஸ்கோர் செய்கிறார்; ஒரு பழம்பெரும் வேட்டைக்காரராக அவர் காட்டும் கம்பீரம் படத்திற்குப் புதிய எனர்ஜியைத் தருகிறது. கதை என்னவோ பழகிய ஒன்றாகத் தெரிந்தாலும், ரத்தக் காட்டேரிகளுக்குள் இருக்கும் பல்வேறு பிரிவுகள் மற்றும் அவற்றின் பற்களுக்கான கறுப்புச் சந்தை போன்ற விஷயங்கள் படத்தைச் சுவாரஸ்யமாக நகர்த்துகின்றன. கூர்மையான வசனங்கள், ஸ்டைலான ஆக்ஷன் மற்றும் துளியும் தயக்கமில்லாத வேகம் என, 'டே ஷிப்ட்' ஒரு அதிரடியான அனுபவம்; சில நேரங்களில் ரத்தக் காட்டேரிகளைச் சமாளிக்க ஒரு ஷாட்கன்னும் (Shotgun) நையாண்டியான ஒரு வசனமுமே போதும் என்பதை இது நமக்கு நினைவூட்டுகிறது. செம்ம காமெடியாக திரைக்கதை இருக்கவேண்டும் என்று கதை கொண்டு செல்லப்பட்டாலும் அடிப்படையில் தரமான மேக்கிங் இருக்கிறது. மீண்டும் ஒருமுறை, நெட்ஃபிலிக்ஸ் திரைப்பட வரிசையில் ஒரு தரமான படைப்பு. இந்தப் படத்தைக் கட்டாயம் பார்க்க வேண்டும்.
கருத்துகள் இல்லை:
கருத்துரையிடுக