1. "வெற்றி என்பது ஒரு பயணமே தவிர இலக்கல்ல."
2. "உன்னால் முடியும் என்று நம்பு, அதுவே பாதி வெற்றிக்குச் சமம்."
3. "கடின உழைப்புக்கு மாற்று ஏதுமில்லை."
4. "சிறு சிறு முயற்சிகளே ஒரு நாள் பெரும் வெற்றியாக உருவெடுக்கும்."
5. "வாய்ப்புக்காகக் காத்திருக்காதே, உனக்கான வாய்ப்பை நீயே உருவாக்கு."
6. "வியர்வை சிந்தாத உழைப்பும், கண்ணீர் சிந்தாத வெற்றியும் நிலைக்காது."
7. "உழைப்பு ஒருபோதும் கைவிடாது."
8. "இன்று நீ செய்யும் சிறு மாற்றம், நாளை உன் வாழ்வையே மாற்றும்."
9. "வெற்றி பெறுபவர்கள் ஒருபோதும் கைவிடுவதில்லை; கைவிடுபவர்கள் ஒருபோதும் வெற்றி பெறுவதில்லை."
10. "தூக்கத்தில் காண்பது கனவல்ல, உன்னைத் தூங்கவிடாமல் செய்வதே கனவு." – **ஏ.பி.ஜே. அப்துல் கலாம்.**
11. "உன்னை நீயே செதுக்கிக்கொள், உலகம் உன்னைப் போற்றும்."
12. "யார் உன்னை நம்பாவிட்டாலும், உன்னை நீ நம்பு."
13. "உன் பலமே உன் நம்பிக்கை; உன் பலவீனமே உன் சந்தேகம்."
14. "எல்லோராலும் முடியும் என்றால் உன்னாலும் முடியும்; யாராலும் முடியாது என்றால் உன்னால் மட்டுமே முடியும்."
15. "விழுவது தோல்வியல்ல, விழுந்த இடத்திலேயே தங்கிவிடுவதுதான் தோல்வி."
16. "மற்றவர்களுடன் உன்னை ஒப்பிடாதே, நீ தனித்துவமானவன்."
17. "உன் இதயம் சொல்வதைக் கேள், வெற்றி உன்னைத் தேடி வரும்."
18. "நேற்று என்பது உடைந்த பானை, நாளை என்பது மர்மம், இன்று மட்டுமே உனக்கானது."
19. "பயத்தை எதிர்கொள், பயம் தானாக ஓடிவிடும்."
20. "சிங்கம் போலத் தனித்து நின்றாலும் கம்பீரமாக இரு."
21. "தோல்வி என்பது வெற்றிக்கான முதல் படி."
22. "தவறு செய்வது மனித இயல்பு, ஆனால் அதிலிருந்து பாடம் கற்காதது மிகப்பெரிய தவறு."
23. "தோல்வி உன்னைத் துரத்தினால், நீ வெற்றியை நோக்கி ஓடிக்கொண்டிருக்கிறாய் என்று அர்த்தம்."
24. "வெற்றியின் போது கைதட்டும் கைகளை விட, தோல்வியின் போது கை கொடுக்கும் கைகளே சிறந்தது."
25. "இருள் சூழ்ந்தால் தான் விடியல் வரும்."
26. "நிராகரிப்புகளை உனது ஏணியாக மாற்றிக்கொள்."
27. "வலிகள் உன்னை மாற்றும், அல்லது உன்னை உருவாக்கும்."
28. "முயன்று தோற்பது தப்பில்லை, முயலவே பயப்படுவதுதான் தப்பு."
29. "தோல்வி ஒரு முற்றுப்புள்ளி அல்ல, அது ஒரு கமா (Comma) போன்றது."
30. "இழப்பதற்கு எதுவுமில்லை என்று நினைக்கும்போதுதான் உன் உண்மையான பலம் வெளிப்படும்."
31. "அமைதியாக உழை, உன் வெற்றி சத்தமாகப் பேசட்டும்."
32. "நேரத்தை வீணாக்காதே, காலம் யாருக்காகவும் காத்திருக்காது."
33. "நல்ல எண்ணங்களே நல்ல வாழ்க்கையைத் தரும்."
34. "உன் வாழ்க்கை உன் கையில் மட்டுமே உள்ளது."
35. "இன்னும் ஒரு முறை முயற்சி செய், அதுவே வெற்றியாக மாறலாம்."
36. "கஷ்டங்கள் வரும்போது கடவுளிடம் முறையிடாதே, 'இதோ நான் தயார்' என்று கஷ்டங்களிடம் சொல்."
37. "புன்னகையோடு தொடங்கும் நாள் நன்நாளாகும்."
38. "உதவிக் கேட்பதை விட உதவி செய்வதில் இன்பம் காணு."
39. "கடவுள் உனக்குக் கதவை மூடினால், ஜன்னலைத் திறந்து வைப்பார்."
40. "கல்வி என்பது ஒரு ஆயுதம், அதைப் பயன்படுத்தி உலகையே மாற்றலாம்."
41. "திட்டமிடுதல் பாதி வெற்றியைத் தரும்."
42. "ஒழுக்கம் தான் முன்னேற்றத்தின் திறவுகோல்."
43. "உன் இலக்கை நோக்கி ஓடு, முடியாவிட்டால் நட, முடியாவிட்டால் ஊர்ந்து செல்."
44. "வெற்றி என்பது தற்செயலானது அல்ல, அது தொடர்ச்சியான உழைப்பின் பலன்."
45. "மற்றவர்களைப் பார்த்து பொறாமைப்படாதே, அவர்களை விடச் சிறப்பாகச் செய்ய நினை."
46. "தன்னடக்கம் உன்னை உயரச் செய்யும்."
47. "பெரிய காரியங்களைச் செய்ய வேண்டுமானால், சிறிய காரியங்களைச் சரியாகச் செய்."
48. "அனுபவம் தான் உலகிலேயே சிறந்த ஆசிரியர்."
49. "எண்ணம் போல் வாழ்க்கை."
50. "வாழ்க்கை ஒரு முறைதான், அதைச் சாதனையாக வாழ்ந்து காட்டு."
2 கருத்துகள்:
திமுக ஆட்சியின் மீது கடுமையான விமர்சனங்களை (சரியாகச் சொன்னால் குற்றச்சாட்டுகளை) வைத்த நண்பர் ஒருவர், எப்படி நீங்கள் திமுக தலைமையிலான கூட்டணிக்கு ஒட்டு போடுவேன் என்று சொல்கிறீர்கள் என்று கேட்டார்.
திமுக ஆட்சியில் லஞ்சம், ஊழல் இருக்கிறது. அடித்தட்டு மக்கள் மீது காவல்துறையின் அடக்குமுறைகள் தொடர்கின்றன. பல்வேறு தருணங்களில் தொழிலாளர்களுக்கு விரோதமாக நடந்து கொண்டதைப் பார்க்க முடிந்தது. பள்ளிக்கூடங்களில் கூட போதைப் பொருட்கள் புழக்கத்திற்கு வந்திருக்கின்றன. இவையெல்லாம் அவர் வரிசையாகவும் , உணர்வு பூர்வமாகவும் தி.மு.க அரசின் மீது முன்வைத்த குற்றச்சாட்டுகளில் முக்கியமானவை.
அவற்றை மறுக்கவில்லை. மறுக்கவும் முடியாது. நண்பர் முன்வைத்த மோசமான நிலைமைகள் திமுக ஆட்சியில் மட்டும் இருக்கிறதா என்றால் இல்லை. அதற்கு முன்னர் அமைந்த ஆட்சிகளின் தொடர்ச்சியே அவை. இந்தியாவின் பெரும்பாலான மாநிலங்களிலும் அதே நிலைமைகள்தான் இருக்கின்றன. முதலாளித்துவ அமைப்பின் ஊற்றுக்கண்ணே ஊழல்தான். அதிமுக, தவெக, நாம் தமிழர் வந்தாலும் இந்த நிலைமையில் எந்த மாற்றமும் ஏற்படப் போவதில்லை.
அதே வேளையில், திமுக ஆட்சி தனக்கென்று சில தனித்தன்மைகளையும், சிறப்புகளையும் கொண்டிருப்பது உண்மை. அவைகளே மற்ற கட்சிகளை விட திமுகவை உயரத்தில் நிறுத்தி வைக்கின்றன.
முதலாவதாக - படிப்பைத் தூண்டுவதற்கும், ஊக்கப்படுத்துவதற்கும் அமல்படுத்தப்பட்டிருக்கிற திட்டங்கள் முக்கியமானவையாய் இருக்கின்றன. எதிர்காலத் தலைமுறை குறித்த அக்கறை அதில் இருக்கிறது.
மகளிருக்கு வழங்கப்பட்டு வரும் உரிமைத் தொகையும், இலவச பஸ் பயணமும் நிச்சயம் குறிப்பிட வேண்டியவை. ஒன்றும் இல்லாத இடத்தில், கையில் கொஞ்சம் பணப்புழக்கத்தையும், அடித்தட்டுப் பெண்களுக்கு ஒரு தன்னம்பிக்கையையும் தருகிற ஏற்பாடுகள் அவை.
ஒவ்வொரு வருடமும் மாவட்டம் தோறும் அரசு இயந்திரமே முன்னின்று நடத்தும் புத்தகத் திருவிழாக்கள். தமிழ்ச்சமூகத்தை அறிவுசார்ந்ததாக உயர்த்தும் நோக்கில் ஒரு முயற்சியாக தொடர்கிறது.
இதுபோன்ற சமூக நலத் திட்டங்களை இன்னும் விரிவாகக் குறிப்பிடலாம். அவைகளில் குறைபாடுகள் இருப்பினும், விளைவுகள் வரவேற்கத் தக்கவை. ஆரோக்கியமானவை.
இரண்டாவதாக - மாநில அரசின் உரிமைகளை விட்டுக் கொடுக்காமல் பாதுகாப்பதற்கு திமுக அரசின் நடவடிக்கைகள் வெடிப்புற இருக்கின்றன. மாநில அரசின் நலன்களையும், உரிமைகளையும் பறிக்கும் பாஜக அரசை எதிர்ப்பதில் இதுவரை தமிழ்நாடு காணாத அளவுக்கு ஒரு வேகத்தையும், துடிப்பையும் கொண்டிருக்கிறது திமுக ஆட்சி. அதிமுக பாஜகவின் அடிமையாகவே வீழ்ந்து கிடக்கிறது. தவெக, நாம் தமிழர் போன்ற கட்சிகளிடம் அதுபோன்ற எதிர்ப்புக்கான அறிகுறிகளே இல்லாமல் இருக்கின்றன. பாராளுமன்ற தொகுதி மறு வரையறையில் இந்த நிலைமை வெட்ட வெளிச்சமானது.
மூன்றாவதாக - மதத்தின் பேரால் வெறுப்பை விதைத்து, மக்களின் ஒற்றுமையை குலைத்து, சமூகப் பதற்றத்தைத் தூண்டி, அந்த நெருப்பில் குளிர்காய நினைக்கும் மதவெறி சக்திகளுக்கு சவாலாய் இருக்கிறது திமுக ஆட்சி. மதச்சார்பின்மைக்கு நம்பிக்கையளிக்கிறது. திருப்பரங்குன்றம் விவகாரத்தில் அதனைத் தமிழ்நாடு கண்டது. அதிமுக, தவெக, நாம் தமிழர் போன்ற கட்சிகளிடம் அந்த பார்வையும் இல்லை. அரசியல் உறுதியும் இல்லை.
எனவேதான், அதிமுக, தவெக, பாமக, நாம் தமிழர் போன்ற கட்சிகளை விட திமுக சிறந்த கட்சியாக, நம்பிக்கையளிக்கும் கட்சியாக இருக்கிறது. எனவே அதற்கு வாக்களிக்கலாம் என்றேன்.
சொல்லிய எதையும் மறுக்க முடியாமல் கேட்டுக் கொண்டிருந்த நண்பர் கடைசியாக ஒன்றைக் கேட்டார்.
காலமெல்லாம் ஊழலை எதிர்த்து, தொழிலாளர்களுக்காக போராடி, அடித்தட்டு மக்களுக்காக கட்சி நடத்துகிற கம்யூனிஸ்ட் இயக்கத்தைச் சேர்ந்த நீங்கள் இப்படிச் சொல்வது சரிதானா என்று வருத்தத்தோடு கேட்டார்.
உண்மைதான். காலமெல்லாம் மக்களுக்காக ஆட்சியில் இருந்த அரசுகளை எல்லாம் எதிர்த்து போராடி, அடிபட்டு, ரத்தம் சிந்தி, காயம்பட்டு, எழுந்து, மீண்டும் போராடி என்று வாழ்கிறவர்கள்தான் கம்யூனிஸ்டுகள். அந்த வலியையும், வடுக்களையும் மக்களுக்காக சுமந்தவர்கள்தாம் கம்யூனிஸ்டுகள். மழையிலும், வெயிலிலும் மக்களோடு எப்போதும் இருப்பவர்கள் கம்யூனிஸ்டுகள். அவர்களின் போராட்டங்கள், தேர்தல், தொகுதி பங்கீடுகள் எல்லாமே மக்களுக்காகத்தான். அதில் பெறும் அடிகளையும், அவமானங்களையும் பொறுத்துக் கொள்வதும் மக்களுக்காகத்தான்.
அது ஏன்? கடந்த ஐந்து வருட திமுக ஆட்சியிலும் கூட தொழிலாளர்களுக்காகவும், அடித்தட்டு மக்களுக்காகவும் தெருவில் நின்று போராடி காவல்துறையின் அடக்குமுறைகளுக்கு ஆளானவர்கள் கம்யூனிஸ்டுகள்தான். ‘இதோ கம்யூனிஸ்டுகள் வீட்டிலிருந்து புறப்பட்டு விட்டார்கள்’ என எந்த தொலைக்காட்சி சேனலும் நேரடியாக அந்த போராட்டங்களையும், கம்யூனிஸ்டுகளையும் காட்டுவதில்லை. ஆனால் நேரடியாக அதிகாரத்தையும், ஆயுதம் தாங்கிய காவல்துறையையும் எதிர்த்துக் களத்தில் நின்ற கம்யூனிஸ்டுகளுக்குத்தான் வலிகள் நிறைந்த அந்த வரலாறு தெரியும். அந்த அனுபவத்தில்தான் ‘இதை விட மோசமான ஆட்சி வந்துவிடக் கூடாது’ என்று கம்யூனிஸ்டுகள் சொல்கிறார்கள். திமுக தலைமையிலான மதச்சார்பற்ற முற்போக்குக் கூட்டணிக்கு வாக்களிக்க வெண்டும் என்கிறார்கள்.
மக்களுக்காக எந்தப் போராட்டங்களையும் முன்னெடுக்காதவர்களைக் காட்டிலும், மக்களுக்காக காலமெல்லாம் இயங்கும் கம்யூனிஸ்டுகளுக்குத்தான் யாருக்கு வாக்களிக்க வேண்டும் என்று சொல்வதற்கு, அதிக தகுதி இருக்கிறது என்று சிரித்துக் கொண்டே சொன்னேன். நாளை திமுக ஆட்சிக்கு வந்தாலும், மக்களுக்காக முதலில் தெருவில் இறங்கிப் போராடப் போகிறவர்களும் கம்யூனிஸ்டுகள்தானே என்று முடித்தேன்.
அவரிடம் ஒரு பெருமூச்சு வெளிப்பட்டதைக் காண முடிந்தது.
கருத்துரையிடுக