GENERAL TALKS '26 - E2 - கட்டுப்பாடு இல்லாமல் செல்லும் மக்கள் !!

 

இந்த பிரச்சனைகள் அனைத்தையும் எப்படி வகைப்படுத்துவது என்று கூட தெரியவில்லை. நாட்கள் நகர்ந்து கொண்டே இருக்கின்றன; ஒவ்வொரு கடினமான சம்பவமும் வாழ்க்கையில் நமக்கு நேரும் போது, அந்த பாரத்தை தாங்க முடியாமல் போகிறது. “இதையெல்லாம் எப்படித் தான் சரி செய்ய முடியும்?” என்ற கேள்வி மனதில் எழுகிறது. உண்மையில், கடினமான சம்பவங்கள் வாழ்க்கையில் முக்கியமானவை. காரணம் என்னவென்றால், அவை நம்முடைய மனங்களை சோதித்து, நம்மை வலுவாக்குகின்றன. இருந்தாலும், வாழ்க்கையை முழுவதும் கடினமான சம்பவங்களால் மட்டுமே வாழ வேண்டும் என்பது எந்த வகையிலும் நியாயமாகாது.

 

பணம் சம்பாதிப்பதற்காக செய்யப்படும் திட்டங்கள் பல நேரங்களில் நஷ்டமாகி விடுகின்றன. இன்றைய தேதியில் ஏற்பட்டிருக்கும் நஷ்டம் மிகவும் பெரியது; அதை எப்படிச் சரி செய்வது என்றே தெரியவில்லை. இதற்கு மேலாக, நம்மைச் சுற்றியுள்ள சுற்றுச்சூழலும் கொஞ்சம் கொஞ்சமாக பாதிப்படைந்து கொண்டே இருக்கிறது. அதை கண்டும் காணாமல் இருப்பது, அதைவிடவும் கடினமானது. இந்த பாதிப்புகள் மறைமுகமாகவும், நேரடியாகவும் நம்மை தாக்குகின்றன.

திடீரென்று உருவாகும் உடல் நலக்குறைவால், மருத்துவமனைகளில் (Hospital) பணம் கட்டிக் கட்டி, பணக்காரர்களிலிருந்து ஏழைகளாக மாறியவர்கள் ஆயிரக்கணக்கில் இருக்கிறார்கள். இப்படிப்பட்ட சூழ்நிலையை நம்முடைய சமுதாயம் எப்படி அனுமதிக்கிறது? சுற்றுச்சூழல் பாதுகாப்பற்ற நிலையில் இருப்பதற்கான காரணம் என்ன? இவை அனைத்தும் கவனிக்க வேண்டிய கேள்விகள்.

இந்த உலகத்தில் பணம் தனது மதிப்பை இழந்து பயன்படுத்தப்பட்டாலோ, அல்லது பணம் அதிகமாக இருப்பதால் அளவுக்கு மீறி செலவு செய்யப்பட்டாலோ, அதை நாம் கவனிக்க வேண்டும். ஒருவர் பணத்துக்கு கஷ்டப்படுகிறார் என்றால், அவருக்கே அந்த பணத்தின் வலிமை தெரியும். ஆனால், பணத்தை அதிகமாக செலவு செய்பவர்கள், இப்போது அதை குப்பை போல நடத்துகிறார்கள். இதை நாம் எப்போதுமே அனுமதிக்கக் கூடாது.

  

சிலர், அதிகமான பணத்தை கொடுத்து, கடினமான சாதனங்கள் iPhone, கார் போன்றவற்றை வாங்கி, பின்னர் அவற்றை உடைத்து வீணாக்குகிறார்கள். இதனால் அந்த சாதனங்கள் யாருக்கும் பயன்படாமல் போகின்றன. இது சமுதாயத்தில் இருந்து நீக்கப்பட வேண்டிய பிரச்சனை. பணத்தை அலட்சியமாக நடத்துவது, சமூகத்தின் சமநிலையை குலைக்கும்.

ஒரு விஷயம் மக்களுக்கு புதிதாக இருந்தாலோ, அல்லது ஒரு விஷயம் மக்களுக்கு அளவுக்கு அதிகமாக போய் சேர்ந்தாலோ, அந்த விஷயத்தின் மீது எதிர்மறையான (Negative) கருத்துக்கள் உருவாவது சகஜம். இது மனித மனதின் இயல்பு. புதியதை ஏற்றுக்கொள்ளும் போது, அதற்கான எதிர்வினைகள் உருவாகும்; அதுவே சமுதாய வளர்ச்சியின் ஒரு பகுதி