POST TALKS - மக்களின் ரசனை மாறுபட்டது !

 

    சினிமாவில் நாம் எவ்வளவுதான் உழைப்பைக் கொட்டினாலும், மக்கள் எதை ஏற்பார்கள், எதை நிராகரிப்பார்கள் என்பதை யாராலும் கணிக்கவே முடியாது. அதற்குச் சமீபத்திய சிறந்த உதாரணம் நடிகர் சந்தானம் பகிர்ந்த ஒரு சுவாரஸ்யமான தகவல்! 'ஆள் இன் ஆல் அழகு ராஜா' படத்தில் 'கரீனா சோப்ரா' கெட்டப்பில் சந்தானம் அவர்கள் பட்ட கஷ்டம் சாதாரணமாக இருக்காது. அந்த மேக்கப் மற்றும் எஃபெர்ட்ஸ் பின்னால் பெரிய உழைப்பு இருந்தது. ஆனால், படப்பிடிப்பின் போதே "இந்தப் பாத்திரம் மக்கள்கிட்ட சேராது சார், கதைக்கு இதோட தேவையில்லை" என்று சந்தானம் இயக்குனரிடமே கூறினாராம். சொன்னபடியே, முழுநீளக் காமெடிப் படமாக இருந்தாலும், லாஜிக் இல்லாத அந்தத் திணிப்பு மக்களிடம் பெரிதாக வொர்க்கவுட் ஆகவில்லை. 'அவ்வை சண்முகி' போன்ற படங்களில் பெண் வேடம் வெற்றி பெறக் காரணம், அங்கே கதைக்கு அந்தப் பாத்திரம் தேவையாய் இருந்தது. ஆனால், எங்கு எதார்த்தம் தவறுமோ, அங்கு நடிகர்களின் எக்கச்சக்க உழைப்பும் வீணாகிவிடும்! ஒரு முக்கியமான உதாரணம் "Film within a film" (படத்திற்குள் படம்) அல்லது சினிமா எடுப்பதைப் பின்னணியாகக் கொண்ட திரைக்கதை உத்தி தமிழ் சினிமாவில் பலமுறை முயற்சிக்கப்பட்டிருக்கிறது. ரஜினிகாந்தின் 'குசேலன்' படத்தில் அந்த உத்திதான் பயன்படுத்தப்பட்டிருக்கும், ஆனால் அது எதிர்பார்த்த வணிக வெற்றியைப் பெறவில்லை. ஆனால், சமீபத்தில் சந்தானம் நடிப்பில் வெளியான 'டிடி ரிட்டர்ன்ஸ்' (DD Returns) படம் அந்த கான்செப்டை எந்த அளவுக்கு ஜாலியாகவும், லாஜிக் பார்க்காமல் சிரிக்க வைக்கும் வகையிலும் கொடுக்க முடியும் என்பதற்கு ஒரு அசத்தலான உதாரணம்! ஒரு முழுநீளப் பேய்-காமெடிப் படத்திற்குள் பல கலகலப்பான திருப்பங்களை வைத்து, இறுதிவரை ரசிகர்களைச் சலிப்படையாமல் கொண்டு சென்ற அந்த திரைக்கதை நேர்த்தி உண்மையிலேயே பாராட்டுக்குரியது.