GENERAL TALKS - தீர்ப்பதுக்கு கடினமான சிக்கல் !

 

   தகவல் என்பது உலகத்தில் பொதுவானது, அதை ஒரு குறிப்பிட்ட வர்க்கம் அல்லது கார்ப்பரேட் நிறுவனங்கள் மட்டும் தனியுடைமையாக்கிக் கொள்வது எந்த வகையில் நியாயம்?" - அப்படின்னு ஒரு கேள்வி , காப்புரிமைச் சட்டத்தின் அடிப்படை விதியே "ஒரு கருத்தை (Idea) யாருக்கும் காப்புரிமை செய்ய முடியாது; ஆனால், அந்தக் கருத்தை நீங்கள் எப்படி வெளிப்படுத்துகிறீர்கள் (Expression) என்பதற்குத்தான் காப்புரிமை உண்டு" என்பதுதான். இதனை கொஞ்சம் விரிவாக யோசிக்க வேண்டும் மக்களே , லேசர் கண்கள், பறக்கும் திறன், புல்லட் தாங்கும் பலம் கொண்ட ஒரு சூப்பர் ஹீரோவை உருவாக்குவது என்பது பொதுவான ஒரு 'கருத்து'. இதைப் பலரும் பயன்படுத்தலாம். ஆனால், அதே 'சூப்பர்மேன்' உடையின் சின்னம், அதே நிறக் கலவை, அதே கதைக்களம் மற்றும் அதே பெயர் ஆகியவற்றை அப்படியே காப்பி அடித்து வணிகம் செய்வதுதான் காப்புரிமை மீறல் என்கிறார்கள். பெரிய பன்னாட்டு நிறுவனங்கள் இந்தச் சட்டத்தின் ஓட்டைகளைப் பயன்படுத்தி, ஒட்டுமொத்தக் கற்பனைச் சுதந்திரத்தையுமே தங்களுக்குக் கீழ் குத்தகைக்கு எடுத்தது போலச் சுவீகரித்துக் கொள்வதுதான் இங்கே மிகப்பெரிய முரண். மனித குலத்தின் தொல்காப்பிய கதைகள், புராணங்கள், காவியங்கள் மற்றும் நாட்டுப்புறக் கதைகளில் பறக்கும் மனிதர்கள், அசுர பலம் கொண்டவர்கள், காலம் கடந்து செல்பவர்கள் பற்றிய கற்பனைகள் நூறாண்டு காலத்திற்கும் முன்பே இருந்து வந்துள்ளன. ஆனால், ஒரு குறிப்பிட்ட அமெரிக்க நிறுவனமோ அல்லது கார்ப்பரேட்டோ இதைப் பதிவு செய்துவிட்டு, "இனி இந்தக் குறிப்பிட்ட சக்தியை என் அனுமதியின்றி வேறு யாரும் பயன்படுத்தக் கூடாது" என்று உரிமை கொண்டாடுவது, மனித குலத்தின் ஒட்டுமொத்தக் கற்பனை வளத்தையே வணிகப் பொருளாக மாற்றுவதாகும். இது தகவல் மற்றும் படைப்புச் சுதந்திரத்தின் மீதான மறைமுகத் தடையாகும். "யார் மூலதனத்தைப் போடுகிறார்களோ, யாருடைய மூளையிலிருந்து ஒரு பிராண்ட் உருவாகிறதோ, அது அவர்களுக்கு மட்டுமே சொந்தம். அதைக் காக்க காப்புரிமை அவசியம்." "அறிவு, கலை, தகவல் மற்றும் கற்பனை என்பது மனித குலத்தின் பொதுச் சொத்து (Common Goods). அதை ஒரு சில கோடீஸ்வர நிறுவனங்கள் முடக்கி வைத்துக்கொண்டு, ஏனைய மக்களை அதைப் பயன்படுத்த விடாமல் தடுப்பதும், அதன் மூலம் கோடிக்கணக்கில் சம்பாதிப்பதும் சமூக ஏற்றத்தாழ்வைத்தான் அதிகரிக்கும்." ஜேம்ஸ் பாண்ட் மாதிரியாக கோட் சூட் அணிந்து ஸ்டைலாகச் செல்வது ஒரு வசதிபடைத்த வர்க்கத்தின் அடையாளமாகவும், சாதாரண மனிதர்கள் அதைப் பின்பற்றுவதைக் கூடக் காப்புரிமை மற்றும் பிராண்ட் கட்டுப்பாடுகள் மூலமாகத் தடுத்து நிறுத்துவதும் ஒருவிதமான வர்க்க ஆதிக்கத்தின் வெளிப்பாடுதான். "கலை மற்றும் படைப்பாற்றல் என்பது மனிதர்களை இணைக்க வேண்டிய ஒன்று; ஆனால், இன்று அது கார்ப்பரேட்டுகளின் லாப வெறிக்காகவும், எல்லைகளை வகுத்து மக்களைப் பிரித்து வைப்பதற்காகவும் பயன்படுத்தப்படுகிறது" இந்த விஷயத்தை பொறுத்தவரை இப்போது இந்த பிரச்சனையை சரி செய்வது என்பது மிகவும் சிக்கலானது. அதற்கான தெளிவான தீர்வுகள் வரையறுக்கப்படுவதில்லை. அப்படி வரையறுக்கப்பட்டாலும் அது உலக அளவிலான பிக்ஷனலான புத்தகங்கள் மற்றும் திரைப்படங்களை எந்த அளவுக்கு மாற்றத்தை கொண்டுவர வைக்கும் என்றும் தெரியவில்லை. இருந்தாலும் பொறுத்திருந்து இதற்கான ஒரு சரியான தீர்வு உலகத்தில் கொண்டுவரப்படும் என்று நாம் நம்பலாம்.