PERSONAL AREA - ஒரு பேர்ஸனல் பதிவு !! #4

 

      

          இந்த வலைப்பூவை பல வருடங்களாகப் படித்துக் கொண்டிருப்பவர்களுக்கு நான் ஒரு உண்மையைச் சொல்ல விரும்புகிறேன். ஒரு சில காலகட்டங்களில் என்னுடைய மனம் மிகவும் உடைந்துபோயிருந்தது; உணர்வு ரீதியாக அல்லாமல், உயிரியல் ரீதியாகவே என்னுடைய மூளை அதிகமான அளவில் சேதமடைந்திருந்தது. அப்படிப்பட்ட கடினமான நிலையிலும்கூட, ஒருசில நேரங்களில் என்னுடைய கருத்துப் பகிர்வை நான் சரியாகவே வழங்கியிருக்கிறேன்; ஏனெனில் கருத்துக்களைப் பகிர்வதுதான் இந்த வலைப்பூவின் மிக முக்கியமான நோக்கமாக இருந்தது. பின்னாளில் இந்த வலைப்பூவை முழுக்க முழுக்கப் பொழுதுபோக்கு வலைப்பூவாக மாற்றிவிட்டேன். நமக்கு உடல்நிலை சரியில்லாத போது நமது எண்ணங்களும் செயல்களும் மாறுவது இயல்புதான் மக்களே. உடல்நலமும் மனநிலையும் சரியில்லாத அந்தச் சூழ்நிலைகளில் நான் பல பதிவுகளை இட்டிருக்கிறேன்; அவை உலகத்தில் யாருக்கும் பிடிக்காமல் போயிருக்கலாம். பல நேரங்களில் அப்படிப்பட்ட பதிவுகளை நான் டெலீட் செய்வதுண்டு; இருப்பினும், எனக்கே தெரியாமல் இத்தனை பதிவுகளுக்கு நடுவே அவை தப்பியிருக்கலாம் அல்லது யாராவதொருவரால் காப்பகம் (Archive) செய்யப்பட்டிருக்கலாம். அது எதுவுமே என்னுடைய கட்டுப்பாட்டில் இல்லை. எவ்வாறாயினும், இந்த வலைப்பூ மூலமாக மக்களுக்கு எப்போதும் ஒரு மகிழ்ச்சியான விஷயத்தையே கொடுக்க வேண்டும் என்பதற்காக நான் மிகவும் கஷ்டப்பட்டேன் என்பதே உண்மையாகும். ஒரு சில நேரங்களில், "பெரிய நிறுவனங்களை எதிர்த்தோ அல்லது கடுமையாக விமர்சித்தோ பதிவுகள் இருந்தால் அவற்றை உடனே நீக்கிவிடு" என்று பலரும் என்னிடம் கூறுவதுண்டு. ஆனால், இப்போது என்னால் என்னுடைய வலைப்பூவின் பழைய பதிவுகளை உட்கார்ந்து திருத்திப் பார்க்கவோ (revision) முழுமையாகப் பரிசீலிக்கவோ முடிவதில்லை; ஏனென்றால், நான் என் அன்றாட வாழ்க்கையில் மிக அதிகமான வேலைப்பளுவில் மூழ்கியுள்ளேன். அந்தப் பணிகளுக்கெல்லாம் பிறகு எஞ்சியிருக்கும் சிறிதளவு நேரத்தில்தான், இந்த வலைப்பூவை மேலும் மேம்படுத்த வேண்டும் என்ற எண்ணத்துடன் என் பணிமேசையில் வந்து அமர்கிறேன். இந்த உலகம் முழுக்கவே தனியார் நிறுவனங்களின் பிடியிலும் கட்டுப்பாட்டிலும் தான் இயங்குகிறது என்ற உண்மையை உணர்ந்து, "யாரும் என்னிடம் வம்புக்கோ சண்டக்கோ வர வேண்டாம்; நான் இந்த விஷயத்தில் வெறும் ஒரு சாதாரணக் காமெடி பீஸ்தான், யாருடனும் சண்டைக்குப் போக விரும்பவில்லை" எந்தவொரு வம்புக்கும் போகாமல், அமைதியை விரும்பும் ஒரு சமாதானக் கொடியாக இதனை எடுத்துக் கொள்ளுங்கள். இந்த வலைப்பூவில் யாருக்காவது எதாவது குறைகளோ அல்லது பிரச்சனைகளாகத் தோன்றும் பதிவுகள் இருந்தால் தயவுசெய்து சுட்டிக் காட்டுங்கள்; நான் உடனே சென்று அவற்றைச் சரி செய்து விடுகிறேன்.