ஒரு நெகட்டிவ்வான கதாப்பாத்திரத்தை படத்துடைய கிளைமாக்ஸ் வரைக்கும் நெகட்டிவ்வாகவே கொண்டு போவது ரொம்பவுமே சிக்கலான விஷயம். கார்த்திக் சுப்புராஜ் இந்த படத்துல இந்த கதைக்கு ரொம்பவுமே கவனமாக கேரக்டர் டிசைன் கொடுத்து இருக்காரு. இந்த படத்துடைய ஹீரோ சுருளி உங்களுக்கு பிடித்தாலும் பிடிக்காவிட்டாலும் இந்த படத்தில் ரொம்ப மாஸ்ஸான ஹீரோதான். இந்த படத்துடைய கதை , சுருளி சென்னையின் முக்கியமான பகுதிகளில் தன்னுடைய நெருக்கமான ஆட்களை மட்டுமே ஆதரவு கொடுத்து அதிகாரத்தை காட்டும் ஒரு மனிதர். தான் செய்யும் விஷயங்கள் சரியானதா என்று யோசித்ததே இல்லை. இங்கே ஒரு இன்டர்நேஷனல் அஸ்ஸைன்மென்ட் , இந்த அசைன்மெண்ட் கொடுத்த பீட்டர் வெள்ளை ஆதிக்கத்தை மட்டுமே விரும்பும் ஒரு வில்லனாக அமெரிக்காவில் இனவெறிமிக்க கோபக்கார அதிகாரியாக இருக்கிறார். இவருடைய அமெரிக்க வாழ்க்கையில் இவருடைய நிறத்தையும் இனத்தையும் வெறுக்கும் மனநிலையால் நிறைய பேரை துன்புறுத்துகிறார். இவரால் தோற்கடிக்க முடியாத ஒருவராகவும் சமூக சமநிலையற்ற அமெரிக்காவால் பாதிக்கப்பட்ட ஆதரவற்றவருக்கு உதவி பண்ணும் நல்ல மனதுள்ள கடத்தல் தலைவராக இருக்கும் சிவதாஸை சதிசெய்து கொல்லத்தான் சுருளியை வேலைக்கு சேர்க்கிறார். அடுத்து நடக்கும் திருப்பங்கள் என்ன ? இந்த நேர் மோதல் கடைசியில் எப்படிப்பட்ட பாதிப்புகளை நிகழ்த்துகிறது என்பதுதான் ஜகமே தந்திரம் படத்தின் கதை, நான் கண்டிப்பாக ரசித்த ஒரு விஷயம் காமிரா வொர்க். சொல்லப்போனால் ஒவ்வொரு காட்சியும் ரொம்ப ரொம்ப பெஸ்ட்டாக எடுக்கப்பட்டு இருக்கிறது. ஒரு படமாக அமெரிக்காவில் எடுக்கப்பட்ட ஒரு நல்ல ஃபிக்ஷன் மாஸ் எண்டர்டெயின்மெண்ட். இருந்தாலும் காட்சிகளில் கரெக்ட்டான கலர்ஸ் இருப்பதால் இந்த படம் சினிமாடோகிராபிக்காகவே திரும்ப திரும்ப பார்க்கலாம் என்று தோன்றுகிறது. பின்னணி இசை டீஸண்ட் , ஸ்வாக் அப்பறம் மாஸ். ஒரு பக்காவான கேங்ஸ்டர் படம் என்பதால் கொஞ்சமுமே குறை வைக்காமல் ஆக்ஷன்னை இந்த பின்னணி இசை கொடுத்துள்ளது. இந்த படத்தில் நிறைய பிளஸ் பாயிண்ட் இருந்தாலும் பெரிய பிளஸ் பாயிண்ட் தனுஷ் அண்ட் பீட்டர் உடைய நேர் ஆப்போஸிட்டான எண்ணங்கள் கிளைமாக்ஸ்ல நேருக்கு நேராக மோதும்போது வெளிப்படுவதுதான். அதுவரைக்கும் நல்லவன் , ஹீரோ , திருந்திவிட்டாரு , மனது வருந்திவிட்டார் என்று எந்த கதையும் சொல்லாமல் தனக்கு சரியென்று பட்டதை யோசிக்காம பண்ணும் ஒரு மோசமான மனிதனாகவே கிளைமாக்ஸ் வரைக்குமே ஹீரோவின் கதாப்பாத்திரம் சென்றுக்கொண்டு இருக்கும், ஒரு மாஸ் ஹீரோவாக நம்ம தனுஷ் ரொம்ப அருமையான கேரக்டர் டிசைன் எடுத்து நடித்துள்ளார். கார்த்திக் சுப்புராஜ் இந்த படம் ரொம்ப பெஸ்ட்டாகவே கொடுத்து இருக்கிறார். இந்த படம் பார்க்காதவர்கள் கண்டிப்பாக சென்று பாருங்கள். ஒரு நல்ல கமர்ஷியல் ஆக்ஷன் டிராமா. கொஞ்சம் மெசேஜ் கலந்து இருக்கும். ஒரு மனுஷன் தனக்கு ஆதரவு இல்லை என்று சொன்னால் அவனிடம் பேப்பர்ஸ் பார்க்கக்கூடாது. மனிதன்மை காட்டாமல் வெறுப்பு மட்டும் காட்டும் மனுஷங்களும் உலகத்தில் இருக்கதான் செய்கிறார்கள். புது ஜெனெரேஷன்க்கு இந்த கருத்துக்கள் கண்டிப்பாக சென்று சேர வேண்டும்.
No comments:
Post a Comment