LOVE TALKS - சரியான தெளிவான வாழ்க்கை கட்டமைப்பு தேவை !

 

    

    பல நேரங்களில் இருவர் மீதும் உண்மையான அன்பும் அக்கறையும் இருக்கும். ஆனால், "சமூகம் நம்மை எப்படிப் பார்க்கும்?", "பெரியவர்கள் என்ன நினைப்பார்கள்?" என்ற பயத்தாலும், தங்களுக்குள் இருக்கும் காதலை அல்லது பாசத்தை வெளிப்படையாகப் பேசத் தெரியாத ஈகோவாலும், அந்த உறவைத் தாங்களே தாங்களே சிதைத்துக் கொள்கிறார்கள்.

    "நான் மட்டும்தான் குடும்பத்தைக் காப்பாற்றுகிறேன், என் மனைவியைத் தாங்கிப் பிடிக்கிறேன்" என்ற ஒருவித மேட்டிமைத்தனமான (Patriarchal) எண்ணத்திலிருந்து ஆண்கள் வெளிவர வேண்டும். திருமணம் என்பது ஒருவரை ஒருவர் காப்பாற்றிக் கொள்வதற்கான கயிறு அல்ல; இருவர் கைகோர்த்து சமமாக நடக்கும் ஒரு பயணம். படித்து, வேலைக்குச் சென்று, அல்லது சொந்தமாகச் சாதிக்க நினைக்கும் ஒரு பெண்ணின் உழைப்பையும் சுதந்திரத்தையும் கணவன் தன் பலவீனமாகவோ அல்லது தனக்குப் போட்டியாகவோ நினைக்கக் கூடாது. மாறாக, அவளது சொந்தத் தற்சார்பை (Independence) முழுமையாக மதிக்க வேண்டும்.

  குடும்பம் என்று வந்துவிட்டால், வருமானம் ஈட்டுவது முதல் வீட்டு வேலைகளைப் பகிர்வது வரை எல்லாவற்றிலும் சமமான பங்களிப்பை வழங்குவதுதான் உண்மையான முதிர்ந்த ஆளுமையின் அடையாளம். சமூகம் சொல்லும் நிபந்தனைகளுக்கும் கட்டுப்பாடுகளுக்கும் அடிபணிந்து, ஒருவரையொருவர் குற்றம் சுமத்தி, திருமண உறவுகளைத் துண்டிப்பது என்பது அன்பை 'அழிக்கும்' செயலாகும். ஆனால், உண்மையான காதல் என்பது தடைகளை மீறி, ஒருவருக்கொருவர் பலமாக நின்று, குடும்பத்தையும் வாழ்க்கையையும் 'உருவாக்குவதாகும்'.

 "சினிமாவில் வருவது போல காதலன் இருக்க வேண்டும், கல்யாணம் முடிந்ததும் வாழ்க்கை முழுவதும் எந்த ஒரு கஷ்டமும் இல்லாமல் சந்தோசமாக மட்டுமே இருக்க வேண்டும்" என்ற அவுட் ஆஃப் தி பாக்ஸ் (Out of the box) கற்பனைகளுக்கு நிஜ வாழ்க்கையில் இடமே இல்லை. திருமணத்திற்குப் பிறகு அடுத்த 10 வருடங்களுக்கு நாம் என்ன செய்யப் போகிறோம் என்ற தெளிவான திட்டமிடல் (Financial & Life Planning) இல்லாமல் திருமணக் கோலத்திற்குள் நுழைவது மிகப்பெரிய முதிர்ச்சியின்மை