HELLO !! ITZ JUST RANDOM POSTS ! TAKE CARE EVERYONE! 🥰 [SPECIAL THANKS FOR INTERNATIONAL AUDIENCE]

OUR BLOG, WHICH WAS ON THE VERGE OF CLOSING DOWN, HAS NOW BEEN SUCCESSFULLY REVIVED WITH FRESH ENTHUSIASM AND ENERGY! IN THE DAYS AHEAD, PLENTY OF INTERESTING INFORMATION AND ENTERTAINMENT-FILLED POSTS ARE CONTINUOUSLY WAITING FOR YOU. WITH YOUR CONTINUOUS SUPPORT AND LOVE AS DEAR READERS, OUR JOURNEY CONTINUES HERE ! SO STAY CONNECTED, TAKE CARE AND BE WELL ! P.S. GOOGLE TRANSLATE OPTION AVAILABLE !!

செவ்வாய், 19 ஜூன், 2018

FILM TALKS - முதல் முதலாய் ஒரு காதல் இசை !

திரைப்படங்களை நாம் வெறும் பொழுதுபோக்காகப் பார்த்துவிட்டு கடந்து சென்றாலும், அங்கே இயக்குநர் ஒளித்துவைத்திருக்கும் சில நுணுக்கமான விஷயங்கள் (Minute Details) நம் மனதை விட்டு நீங்காது. அப்படிப்பட்ட ஒரு க்யூட்டான, ரசிக்கக்கூடிய தருணம் சூரியின் 'ஆதவன்' படத்தில் உண்டு. படத்தில் நடிகர் ரமேஷ் கண்ணா, 'இளையமான்' என்ற பெயரில் வலம் வருவார். தமிழ் சினிமாவின் ஜாம்பவான்களான இசைஞானி இளையராஜா மற்றும் இசைப்புயல் ஏ.ஆர். ரகுமான் ஆகிய இருவரின் பெயர்களின் கலவையாகவும், அதே சமயம் நகைச்சுவை ததும்பும் பாத்திரமாகவும் அது படைக்கப்பட்டிருக்கும். அவர் தான் காதலிக்கும் பெண்ணைக் கவர ஒரு பாட்டை இசையமைப்பார்; அதுதான் நமக்கெல்லாம் பரிச்சயமான "வாராயோ வாராயோ காதல் கொள்ள..." பாடல். இந்தப் பாடலுக்கு சூர்யாவும் நயன்தாராவும் செம கலக்கலாக நடனமாடியிருப்பார்கள். இந்தப் பாடலின் வரிகளில் ஒரு மிக முக்கியமான வரி இடம்பெற்றிருக்கும்:

"நான் முதல் முதலாய் எழுதிய காதல் இசை... அதற்கு ஒரு ஆதார சுருதி நீ..."

இந்த வரிக்குப் பின்னால் ஒரு க்யூட்டான கதை இருக்கிறது. அதாவது, அந்த 'இளையமான்' தன் வாழ்க்கையில் காதலுக்காக முதன்முறையாகப் போட்ட முதல் டியூன் அது! அந்தப் பொண்ணை இம்ப்ரஸ் செய்வதற்காகவே அவர் உருவாக்கிய முதல் காதல் இசை அதுதான் என்பதை அந்த வரிகள் மிக அழகாகச் சுட்டிக்கட்டும். இதற்கு முந்தையக் காட்சியில் கூட, வடிவேலுவிடம் அந்தத் டியூனைப் பெருமையோடு போட்டுக் காட்டி அவர் சிலிர்த்துப் போவது காமெடியாகவும் அதே சமயம் ரசிக்கும்படியும் இருக்கும். ஒரு பாடலின் வரிகளுக்குள் இப்படிப்பட்ட ஒரு சின்ன கதாபாத்திரத்தின் சொந்தக் கதைக்கும், உணர்வுகளுக்கும் இடம் கொடுத்திருப்பது இயக்குநர் கே.எஸ். ரவிகுமார் அவர்களின் திறமைக்குச் சான்று. திரைப்படங்களை வெறும் படங்களாகப் பார்க்காமல், இதுபோன்று உள்ளே இருக்கும் சின்னச் சின்ன அழகிய டீடெய்ல்ஸைக் கவனித்து ரசிப்பதில்தான் உண்மையான சினிமாப் பிரியம் இருக்கிறது!