POST TALKS - மலரோடு தனியாக நின்ற கதை !

 "மலரோடு தனியாக ஏன் இங்கு நின்றேன்..."  இந்தப் பாடலை ரேடியோ காலங்களில் கேட்டவர்களுக்கு அதன் அலைவரிசை தரும் ஏக்கம் நன்றாகப் புரியும். எம்.ஜி.ஆர் மற்றும் சிவாஜி கணேசன் காலத்துத் தங்கமான பழைய பாடல்களில், ஒரு சிறந்த 50 பாடல்களைத் தேர்ந்தெடுத்தால் அதில் இந்தப்பாடல் நிச்சயம் முதலிடம் பிடிக்கும். அந்த அளவுக்கு அன்று வானொலியில் இது ஒரு மெகா ஹிட்!

நீ வருகின்ற வழி மீது யார் உன்னைக் கண்டார்…
உன் வலைகொஞ்சும் கை மீது பரிசென்ன தந்தார்…

 உன் மலர் கூந்தல் அலைபாய அவர் என்ன சொன்னார்
உன் வடிவான இதழ் மீது சுவை என்ன தந்தார்…

 பொன்வண்டொன்று மலரென்று முகத்தோடு மோத…
நான் வளைகொண்ட கையாலே மெதுவாக மூட…

 என் கருங்கூந்தல் கலைந்தோடி மேகங்கள் ஆக…
நான் பயந்தோடி வந்தேன் உன்னிடம் உண்மை கூற

இந்தப் பாடல்களின் சிறப்பு என்னவென்றால், அதில் காதலனும் காதலியும் சந்திக்கும்போது நடக்கும் உரையாடல் மிக இயல்பாகவும் அழகாகவும் வடிக்கப்பட்டிருக்கும். காதலன் கேட்கும் ஒரு கேள்விக்கு, அடுத்த வரியிலேயே காதலி மிகவும் சாதுர்யமாகவும் க்யூட்டாகவும் பதில் சொல்வது என்று அந்தச் சூழ்நிலையை வார்த்தைகளால் வர்ணிக்கும் விதம் கேட்போரை வேறொரு உலகத்திற்கே அழைத்துச் சென்றுவிடும்.

இன்றைய காலத்து வேகமான வாழ்க்கையில் எல்லாமே நொடியில் நடக்கிறது; ஆனால், அன்று அந்தப் பாடல்களில் வெளிப்பட்ட ரசனையும், காதலின் தவிப்பும், வரிகளின் ஆழமும் கொடுத்த சுகமே தனி. சினிமாவின் பொற்காலப் பாடல்கள் நம்மை எப்போதுமே ஒரு அழகான நாஸ்டால்ஜியா உலகத்திற்குள் கூட்டிச் சென்றுவிடுகின்றன!

 …