LOVE TALKS - நிலைக்காத ஒரு காதல் !

 சில நேரங்களில் வாழ்க்கை நமக்கு சில மனிதர்களைக் காட்டுகிறது; அவர்களின் செய்கையைப் பார்க்கும்போது ஆச்சரியமாகவும் வருத்தமாகவும் இருக்கும். குறிப்பாக, காதலிப்பதாகவோ அல்லது வாழ்க்கைத்துணையாக இருப்பதாகவோ சொல்லிக்கொள்ளும் ஒரு நபர், தமக்கு மிகவும் பிடித்தவரையே அனைவர் முன்னிலையிலும் மிக மோசமாக அவமானப்படுத்துவதும், கேவலப்படுத்துவதும் தொடர்கதையாகிறது. தன் சொந்த வாழ்க்கையில்தான் அந்த நபர் வேண்டும் என்பார்கள்; ஆனால், அவனது/அவளது அடையாளத்தையே மாற்ற வேண்டும் என்று மூச்சுமுட்டக் கட்டாயப்படுத்துவார்கள். நண்பர்கள் முன்னிலையிலோ, சொந்தக்காரர்கள் முன்னிலையிலோ துளியளவுகூட மரியாதை கொடுக்க மாட்டார்கள். அதே நேரத்தில், அந்த நபர் தன் வாழ்க்கையில் இல்லை என்றால் அது பெரிய வருத்தமாக இருக்கும் என்று ஃபீல் செய்வது போலவும் நடிப்பார்கள். இப்படிப்பட்ட இரட்டை வேடங்களைப் போட்டு எதையோ சாதிக்க நினைக்கிறார்களே... யார் வேண்டுமானாலும் இருக்கட்டும், தயவுசெய்து சொல்கிறேன், இந்த நச்சுத்தனமான உறவை விட்டு உடனடியாக விலகி வெளியே வந்துவிடுங்கள்! இது என் சொந்த வாழ்க்கையில் ஒருவருக்கு நேரடியாகச் சொல்ல வேண்டிய அட்வைஸ்தான். ஆனால், நேரடியாச் சொன்னால் இதெல்லாம் எங்கு போய் முடியுமோ என்ற தயக்கத்தில்தான் இதை என் வலைப்பூவில் பதிவு செய்கிறேன்.