LOVE TALKS - வாய்ப்புகள் உங்களுக்கு ஏராளம் !

 

      

     பொதுவாகக் காதலில் பலருடன் பழகும்போது, இவர்களில் யாருடைய பண்புகள் நம்முடைய வாழ்க்கைக்கு மிகவும் பொருத்தமாக (Suitable) இருக்கும் என்று தேர்வு செய்யும் மனநிலை (Paradox of Choice) எல்லோரிடமும் இருக்கத்தான் செய்கிறது. அந்தத் தேர்ந்தெடுக்கும் மனநிலையில் இருக்கும்போது, ஒரே நேரத்தில் நிறைய பேருடன் நல்லவரை சரியானவரை தேர்ந்தெடுக்கும் வரை தெரிந்தவர் என்ற அடையாளத்தில் வைத்து இருப்பார்கள், இவர்களில் யாரைத் தமது லைஃப் பார்ட்னராக மாற்றுவது அல்லது வேண்டாம் என்று விலக்குவது என்று மாறி மாறி யோசித்துக்கொண்டே இருப்பார்கள். ஆனால், அத்தகைய மனநிலையில் இருக்கக்கூடிய மிகப்பெரிய பிரச்சனை என்னவென்றால், கடைசி வரை யாரையுமே உறுதியாகத் தேர்ந்தெடுக்க முடியாத ஒரு குழப்பமான சூழல் உருவாகிவிடும். எல்லோரையும் ஒருவிதத் தயக்கத்துடனும் விருப்ப-வெறுப்புகளுடனும் அணுகுவதால், யாரிடமும் முழுமையான ஈடுபாட்டைக் காட்ட முடியாமல் கடினமாக நடந்து கொள்வோம். அதன் விளைவாக, நம்மிடம் அந்தத் தெளிவின்மை இருப்பதைப் புரிந்து கொண்டு, அவர்களுக்கு மிகவும் பொருத்தமான சிறந்த துணையைத் தேடிக்கொண்டு அவர்கள் நம்மைவிட்டு விலகிச் சென்றுவிடுவார்கள். உண்மையில், ஒரு துணையைத் தேர்வு செய்யும் அந்த மனநிலை இருப்பதில் எந்தத் தவறும் இல்லை; ஆனால், அதன் நீண்டகால விளைவுகளை நாம் மிக ஆழமாக யோசிக்க வேண்டும். ஏனென்றால், இந்த உலகில் எந்த மனிதனும் நூறு சதவீதம் குறையற்றவன் கிடையாது; குறைகள் இருக்கிற ஒவ்வொருவரிடமும் அதற்கு இணையாக எண்ணற்ற நிறைகளும் இருக்கத்தான் செய்யும். வருங்காலத்தைப் பற்றிய சரியான தொலைநோக்குப் பார்வை இல்லாமல், எப்போதும் கடந்த காலத்தை மட்டுமே நினைத்துத் கவலைப்படுபவர்களால் அவர் ஆணாக இருந்தாலும் சரி, பெண்ணாக இருந்தாலும் சரி—காதலில் எப்போதுமே ஒரு சரியான துணையை அடைய முடியாது. ஏனென்றால், ஒருவருடைய கடந்த காலம் என்பது அவர் மட்டுமே தனித்து எழுதிய சொந்தக் கதை கிடையாது; அது அவருடைய குடும்பம், வளர்ந்த சூழல், பயின்ற கல்விக்கூடம், நண்பர்கள் மற்றும் சமூகச் சூழ்நிலை எனப் பலரால் எழுதப்பட்ட ஒரு கூட்டுக்கதை! அந்த எதார்த்தக் கடந்த காலத்தை யார நினைத்தாலும் ஒருபோதும் மாற்றவும் முடியாது, அழிக்கவும் முடியாது எனவே, கடந்த காலக் காயங்களையோ அல்லது கற்பனையான எதிர்பார்ப்புகளையோ சுமந்து கொண்டிராமல், "இப்போது இந்தத் கணத்தில் நடப்பு காலம் என்ன?" (Present Moment) என்பதைத் தெளிவாகப் புரிந்து கொண்டு, பரஸ்பரப் புரிதலோடு காதலில் இறங்குபவர்கள் மட்டுமே இறுதியில் உண்மையான வெற்றியையும் நிம்மதியான வாழ்க்கையையும் அடைகிறார்கள்.

 [EDITED POST]

   

ADVICE TALKS - அடிப்படையை கற்றுக்கொண்டு இறங்க வேண்டும் !

      ஒரு துறையின் அடிப்படையையும், அதன் 'இண்டஸ்ட்ரி ஸ்டாண்டர்ட்' (Industry Standards) நடைமுறைகளையும் கற்காமல் இறங்கினால், அது மணலில் கட்டிய கோட்டை போலத்தான். தற்காலிகமாக ஏதோ ஒரு வேலையை முடித்துவிட முடிந்தாலும், அதில் நிபுணத்துவம் பெறவோ, அடுத்து வரும் பெரிய சவால்களை எதிர்கொண்டு அடுத்த கட்டத்திற்கு செல்லவோ முடியாது. காலை எழுந்தவுடன் பல் துலக்குவது, குளிப்பது, உண்பது போன்றவை எவ்வளவு அத்தியாவசியமான இயல்பான கடமைகளோ, அதேபோல்தான் நாம் செய்யும் தொழிலிலும் அடிப்படை ஒழுக்கமும் தகவல்களும். அடிப்படைத் தேவைகளைப் புறக்கணித்துவிட்டு ஒருவரால் எப்படி ஆரோக்கியமான குடும்ப வாழ்வையோ, சமூக வாழ்வையோ வாழ முடியாதோ, அதேபோல்தான் தொழிலிலும் அடிப்படையை அறியாமல் முழுமையான வெற்றியைப் பெற முடியாது. அடிப்படையை வலுவாகக் கற்றுக்கொள்ளும்போதுதான், ஒருவருக்கு அந்தத் துறையில் சுயநம்பிக்கையும் (Self-confidence), சிக்கல்களைத் தீர்க்கும் பகுப்பாய்வு திறனும் (Problem-solving skills) இயல்பாகவே வளரும்.

#TAMILCINEMAREVIEW - தடம் (2019)

 

      இத்தகைய நிஜ வாழ்க்கைச் சம்பவங்களை அடிப்படையாகக் கொண்டு திரைக்கதை அமைக்கும்போது, அது படத்திற்கு மேலும் பலம் சேர்க்கிறது. இரட்டையர்களை மையமாக வைத்து காவல் துறையையே திக்குமுக்காடச் செய்யும் இந்த உத்தி மிகச் சிறப்பானது. கவின் மற்றும் எழில் என்று இரண்டு வெவ்வேறான குணாதிசயங்களைக் கொண்ட கதாபாத்திரங்களில் (Twins) அருண் விஜய் நடித்த விதம் அருமையாக இருக்கும். அவர்களின் உடல்மொழி, பாணி மற்றும் தனிப்பட்ட பின்னணி (Backstory) ஆகியவற்றைத் துல்லியமாக வேறுபடுத்துக் காட்டியதில் இயக்குநரின் உழைப்பு தெளிவாகத் தெரியும். வழக்கமான த்ரில்லர் படங்களை விட இது முற்றிலும் வித்தியாசமான கோணத்தில் நகரும். ஆரம்பத்தில் குற்றவாளி யார் என்பதில் குழப்பத்தை ஏற்படுத்தி, கிளைமாக்ஸில் யாருமே எதிர்பாராத திருப்பத்தைக் கொடுத்து பார்வையாளர்களை ஆச்சரியப்படுத்திய விதம் படத்தின் மிகப்பெரிய வெற்றிக்குக் காரணமாக அமைந்தது. 'குற்றம் 23' படத்திற்குப் பிறகு மறுபடியும் அதே போல எதிர்பாராத திரைக்கதை முடிச்சுகளை கொடுத்து அருண் விஜய் மற்றும் மகிழ் திருமேனி கூட்டணியில் வெளிவந்த இந்தத் படம், அவரது திரைப்பயணத்தில் ஒரு மிக முக்கியமான மைல்கல்லாக அமைந்ததுடன், விமர்சன ரீதியாகவும் வணிக ரீதியாகவும் மிகப்பெரிய வெற்றியைப் பெற்றது!

POST TALKS - நிறையாத மனம் !

இந்த உலகத்தில் நாம் வாழும்போது பல விஷயங்களை கண்மூடித்தனமாக நம்புகிறோம். "மனிதர்கள் ஒருநாள் மாறிவிடுவார்கள்" என்றும், "மனிதர்களின் உணர்ச்சிகள்தான் எல்லாவற்றுக்கும் காரணம்" என்றும் ஆழமாக நம்புகிறோம். ஆனால், எதார்த்தத்தில் மனிதர்களின் உணர்ச்சிகளை எப்போதுமே முழுமையாகத் திருப்திப்படுத்தவே முடியாது என்பதுதான் உண்மை!

 மனநிறைவு அல்லது திருப்தி என்பது வெறும் வார்த்தைகளில் மட்டுமே இருக்க முடியுமே தவிர, யாரிடமும் அது முழுமையான அமைதியைக் கொடுப்பதில்லை. இது சாப்பாடு போன்றது கிடையாது. நாம் சாப்பிடும்போது வயிறு நிறைந்துவிட்டால், உடல் "போதும்" என்று தடுத்துவிடும். ஆனால், மனதுக்கு நாம் எதை, எவ்வளவு கொடுத்தாலும் அது கேட்டுக்கொண்டேதான் இருக்கும்; அதற்கு எல்லையே கிடையாது.

 இதேபோல், அதிகப்படியான உணர்ச்சிவசப்பட்டு முடிவெடுப்பவர்கள், தங்கள் வாழ்க்கை நன்றாக இருக்க வேண்டும் என்பதற்காக, மற்றவர்களின் வாழ்க்கை பாழானாலும் பரவாயில்லை என்ற கோணத்தில்கூட முடிவுகளை எடுப்பார்கள். இது தனிமனித வாழ்வில் பெரும் குழப்பங்களையும், தேவையற்ற சிக்கல்களையும் மட்டுமே கொண்டு சேர்க்கும்.

ADVICE TALKS - தனிமையே நிரந்தரம் !

      இந்தத் தனிமையில் இருப்பவர்களுக்கு ஆதரவு தருகிறேன் என்று சொல்லிக்கொண்டு செல்பவர்கள், பெரும்பாலான நேரங்களில் மிகப்பெரிய சிக்கல்களையும் குழப்பங்களையும்தான் சந்திக்கிறார்கள். ஏனென்றால், தனிமையில் இருப்பவர்களுக்கு யாராவது ஒருவர் ஆதரவு கொடுத்தால், அந்த உறவை உடனடியாகத் தங்களோடு இணைத்து, ஒரு நிரந்தரமான தீர்வாகப் பார்க்கத்தான் எதிர்பார்ப்பார்கள். அதுதான் மனிதனுடைய அடிப்படையான தற்காப்பு உணர்வு என்று கூடச் சொல்லலாம். ஆனால், இந்தத் தனிமை விரும்பிகளோ அல்லது தனிமையில் பழகிப்போனவர்களோ என்ன செய்கிறார்கள் என்றால், தங்களுக்குக் கிடைக்கும் அந்த ஆதரவையும்கூட தற்காலிகமான விஷயமாகவே பார்க்கிறார்கள். அதே நேரத்தில், எந்த நேரத்திலுமே தங்களுக்கு ஆதரவாக வந்தவர்கள் தங்களுக்கு மட்டுமே ஆதரவாகச் செயல்பட வேண்டும் என்று கட்டாயப்படுத்துகிறார்கள் அல்லது தர்மசங்கடப்படுத்துகிறார்கள். அதனால், "தனிமையில் இருப்பவருக்கு ஆதரவு கொடுக்கப் போகிறேன், அவருடைய வாழ்க்கையை முன்னேற்றப் போகிறேன்" என்று கொடியைப் பிடித்துக்கொண்டு கிளம்புபவர்கள் எல்லாம், பின்னாட்களில் கவிழ்ந்துபோன கப்பலாகத் திரும்பி வருவதுதான் இங்கு வேடிக்கையான உண்மையாகும். மற்றவர்களின் தனிமையைப் போக்கி அவர்களை மீட்கப்போவதாக நினைத்துக்கொண்டு களமிறங்குவது, பல நேரங்களில் சுயமரியாதையையும் மன அமைதியையும் இழப்பதில்தான் போய் முடிகிறது. ஒருவர் தன் தனிமையிலிருந்து வெளியே வர விரும்பாட்டி, வெளியே இருந்து தரப்படும் எந்தவொரு ஆதரவும் நிரந்தர மாற்றத்தைத் தராது. மாறாக, உதவி செய்யச் செல்பவர்களையே அந்தத் தனிமையின் எதிர்மறை அலைகள் முழுமையாக விழுங்கிவிடும் ஆபத்துதான் இதில் அதிகம்.

POST TALKS - விடியல் தேவை மக்களே !

    சமீபத்தில் ஒரு தேநீர்க்கடையில் யாரோ ஒரு விசித்திர மனிதனைச் சந்திக்க நேர்ந்தது. யார், எங்கு என்ற விபரம் தெரியவில்லை; ஆனால் அவனது புலம்பல் மட்டும் மிகக் கொடூரமானதாய், அதே சமயம் ஆழ்ந்த சிந்தனையைத் தூண்டுவதாய் இருந்தது. கையில் இருந்த கடைசி காசைக் கூடத் தீர்த்துவிட்டு, குடித்துவிட்டுத் தள்ளாடிய அந்த நடுத்தர வர்க்க மனிதனின் குரலில் ஒரு பெரிய குமுறல் வெளிப்பட்டது. "காந்தியும், நேருவும், நேதாஜியும் கஷ்டப்பட்டு நமக்குச் சுதந்திரம் வாங்கித் தந்தது, நாம இப்படி அடிமைத்தனத்தை விட்டுட்டு சுதந்திரமா என்ஜாய் பண்றதுக்குத்தான்யா!" என்று அவன் ஆக்ரோஷமாகப் புலம்பிய அந்த வார்த்தைகள் வெறும் போதை வரிகள் அல்ல; மாறாக நம் சமூகத்தின் மீதான ஒரு குற்றச்சாட்டு. இந்தச் சந்திப்பு என் மனதில் சில கடுமையான கேள்விகளை எழுப்பியது. நாம் படித்துத் தெளிந்த வரலாற்றை அடுத்த தலைமுறைக்குச் சரியான முறையில் கடத்துவதில் எங்கு எதை சொல்லி நமக்குச் சாதகமான கோணத்தில் வரலாற்றை மாற்றுகிறோமா அல்லது மறைக்கிறோமா வரலாற்றையும் கல்வியையும் அனைத்துத் தலைமுறை மக்களிடமும் எளிமையாகக் கொண்டு சேர்ப்பது எப்படி என்ற பாதை இன்றுவரை புரியாத புதிராகவே இருக்கிறது. மறுபுறம், "இந்தத் தகவல் மறைக்கப்பட வேண்டும், அந்தத் தகவல் மறைக்கப்படக்கூடாது" என்று சமூகத்தின் ஒவ்வொரு அடியும் இன்று பணத்தை மட்டுமே சார்ந்து, லாப-நட்டக் கணக்குகளை மட்டுமே அடிப்படையாகக் கொண்டு இயங்கிக் கொண்டிருப்பதுதான் காலத்தின் மிகப்பெரிய முரண் மற்றும் சோகம்!

CINEMATIC WORLD - 024 - TANGLED - TAMIL REVIEW - கலகலப்பான காதல் கதை

 

இந்த திரைப்படம் 2010 ல் வெளிவந்த ஒரு கலகலப்பான காதல் கதை , ராபென்சைல் என்ற கதையின் கதாபாத்திரங்களை அடிப்படையாக கொண்டு இந்த திரைப்படம் உருவாக்கப்பட்டு இருந்தாலும் அனிமேஷன் எல்லாமே இந்த திரைப்படத்தில் ஒரு அருமையான மாயாஜாலங்கள் நிறைந்த கதையை சொல்லக்கூடிய பாணியில் சிறப்பாக இருக்கும் , ராபென்சைல் சிறுவயதில் ஒரு இளவரசியாக இருந்து கடத்தப்பட்டு பின்னாளில் நிறைய வருடங்கள் அடைத்து வைக்கப்பட்டு வளர்க்கப்படுகிறாள் , ஒரு முறை லின் என்ற ஒரு நல்ல மனதுள்ள கொள்ளையனை சந்திக்கும்போது அவனுடைய உதவியுடன் இந்த உலகத்தை சுற்றிப்பார்க்க புறப்படும்போது நடக்கும் சம்பவங்களும் சாகச பயணங்களும் இந்த திரைப்படத்தின் கதை. இந்த படம் ஒரு அளவுக்கு பாக்ஸ் ஆபீஸ் ஹிட்டுதான் ஆனால் இன்னும் பெரிய ஹிட் கொடுத்து இருக்கலாம் இந்த திரைப்படத்தின் அனிமேஷன் கதைக்களத்துக்கு பொருந்தக்கூடிய வகையில் சிறப்பாக அமைக்கப்பட்டு இருக்கும். ஸ்டோரி எளிமையாக இருந்தாலும் ஸ்டோரி டெல்லிங் அருமையாக இருப்பதுதான் இந்த திரைப்படத்தின் ப்ளஸ் பாய்ண்ட் . நீங்கள் பார்க்கவேண்டிய திரைப்படங்களின் பட்டியலில் நிச்சயமாக இந்த திரைப்படத்தை சேர்த்துக்கொள்ளலாம் . மேலும் பிரின்ஸ் லின் - ராபன்ஸல் காதல் கதை இந்த படத்தில் பார்க்க ஜோடிப்பொருத்தம் கியூட்டாக இருக்கும். CGI கண்டிப்பாக ரொம்ப பெரிய பொருட்செலவில் எடுத்து இருக்கிறார்கள் அது உங்களுக்கு படம் பார்த்தாலே புரியும். ஃபேண்டஸி கதைகள் உங்களுக்கு பிடிக்கும் என்றால் இந்த கதையும் உங்களுக்கு பிடிக்கும். கொஞ்சம் மியூசிக்கல் படங்களின் டச் இருக்காதான் செய்கிறது. டைட்டானிக் மாதிரி கப்பல் கவுந்து போகும் கதை மட்டும் காதல் கதை இல்லைங்க இந்த மாதிரி கிளைமாக்ஸ்ல ஹீரோவும் ஹீரோயினும் சேர்ந்தாலும் அதுவும் நல்ல காதல் கதைதான். சுபம் போட்டு கதையை முடிப்போம். இந்த வலைப்பூவுக்கு தொடர்ந்து சப்போர்ட் பண்ணுங்க. நல்ல படமா பார்த்து நான் உங்களுக்கு ரெகமண்ட் பண்ணுறேன். அதுவரைக்கும் வணக்கம் !