CINEMATIC WORLD - 031 - RALPH BREAKS THE INTERNET (2018) - TAMIL REVIEW - திரை விமர்சனம் !! - [REGULATION-2024-00049]

கதைச்சுருக்கம் :ரால்ப் - யார் இந்த ரால்ப் - பிக்ஸ் இட் ஃபெலிக்ஸ் என்ற கன்சொல் விளையாட்டின் வில்லன். ஒரு வில்லனாக இருப்பதால் மட்டும் அனைவரும் அவரை வெறுப்பதால் வாழ்க்கை இவருக்கு கடுப்பாக சென்றுக்கொண்டு இருக்கிறது. எப்படியாவது அடுத்தவர்கள் பாராட்ட வேண்டும் என்பதற்காக இன்னொரு வீடியோ கேம்க்குள் செல்கிறார். அங்கே வெனாலப்பை சந்தித்து ஒரு பிரச்சனை என்று வரும்போது உதவி பண்ணி கடைசியில் நிரந்தர நண்பனாக மாறுகிறார். இதுதான் முதல் பாகத்தின் கதை. இப்போது இந்த பாகத்தில் ரேஸ் கார் ஓட்டும் கணினி விளையாட்டு கதாபாத்திரமான வேனாலப் வான் ஸ்கீவச்-ன் கணினி விளையாட்டான SUGAR RUSH கார் ரேஸிங் விளையாட்டின் உதிரி பாகமான ஸ்டயரிங்க வீல் உடைந்து போனதால் ரால்ப் உதவியை கேட்கிறார். EBAY இல் ORDER போட இன்டர்நெட் போகும் RALPH மற்றும் VENOLLOPE பண்ணும் சாகசங்கள் என்ன என்ன ? என்று படத்தின் கதை செல்கிறது. எனக்கு பிடித்த விஷயம் வேனாலப் அந்த கணினி விளையாட்டை சரி செய்ய கணினி உலகத்தில் இருந்து இணைத்ததளத்தின் உலகத்துக்கு செல்கின்றனர். இந்த உலகத்தை கற்பனையாக கொடுத்து கூட இருக்கலாம் ஆனால் GOOGLE , WIKI , YAHOO , PINTEREST போன்று நிஜமான இன்டர்நெட்டேயே கதைக்குள் பயன்படுத்தி இருப்பதுதான் ஸ்டுடியோவின் சாமர்த்தியம். இதுமட்டும் இல்லாமல் DISNEY தனக்கு தானே விளம்பரம் செய்து இருக்கிறது. இது எல்லாம் ஒருப்பக்கம் இருந்தாலும் RALPH யுட்யூப் சேனல் ஆரம்பிப்பது , வெனாலப் NFS போன்ற AAA GAME இல் கார் ஓட்டுவது , வெனாலப் பிரிந்து போகக்கூடாது என்பதற்காக DARKWEB வரைக்குமே சென்று மொத்த இன்டெர்நெட்டையும் VIRUS இறக்கி காலி பண்ணுவது என்று படம் தொடக்கம் முதல் கிளைமாக்ஸ் வரைக்கும் கலகலப்பான மற்றும் சுவாரஸ்யமான சம்பவங்கள்தான் சேர்ந்து இந்த திரைப்படத்தின் கதை அமைந்துள்ளது . WRECK IT RALPH திரைப்படத்தை தொடர்ந்து அடுத்த பாகமாக வெளியிடப்பட்ட இந்த திரைப்பட வரிசையில் இந்த RALPH BREAKS THE INTERNET திரைப்படம் 2018 ல் வெளிவந்தது . இந்த திரைப்படத்தின் சிறப்பான கதை மற்றும் வண்ணமயமான அனிமேஷன் காட்சிகள் நல்ல விமர்சனங்களை பெற்றது . இன்னொரு முக்கியமான விஷயம் இந்த படம் ஒரு META வகையறா படம், META படங்கள் என்றால் என்ன என்று தனியாக ஒரு கட்டுரை போட்டு ஒரு நல்ல நாள் பார்த்து பப்ளிஷ் பண்ணுகிறேன். ஸ்டே ட்யூனட் ஆக இருங்கள். இன்னும் நிறைய கட்டுரைகள் உங்களுக்காக வலைப்பூவில் காத்துக்கொண்டு இருக்கிறது !!

CINEMATIC WORLD - 030 - WRECK IT RALPH (2012) - TAMIL REVIEW - திரை விமர்சனம் !!

பிக்ஸ் இட் ஃபெலிக்ஸ் என்ற கணினி விளையாட்டில் ரால்ப் வில்லன் கதாபாத்திரமாக இருக்கிறார் , ஒரு கட்டத்தில் அவருக்கு வில்லனாக இருக்க விருப்பம் இல்லை. காரணமே இல்லாமல் எல்லோருமே அவரை வெறுப்பதாக உணர்வதால் இனிமேல் கதாநாயகனாக மாறினால்தான் அவரை எல்லோருக்கும் பிடிக்கும் என்று நினைத்து கதாநாயகனாக மாற முயற்சி செய்கிறார் , இதனால் ஹீரோஸ் டியூட்டி -என்ற 3D கணினி விளையாட்டின் கடைசி லெவல் ல் கிடைக்கும் தங்க மெடலை எடுத்துக்கொண்டு அங்கே இருந்து சுகர் ரஷ் என்ற இன்னொரு கார்-ரேஸிங் கணினி விளையாட்டுக்குள் சென்றுவிடுகிறார். அங்கே வெனலப் வான் ஸ்கிவச் என்ற கதாப்பாத்திரத்தை சந்திக்கிறார். சுகர் ரஷ்  கணினி விளையாட்டின் முதன்மை கதாபாத்திரமாக இருக்க வேண்டிய இந்த வெனலப் கதாப்பாத்திரம் இப்போது தனித்து விடப்பட்டு இருக்க வில்லன்தான் காரணம் என்று புரிந்துகொள்ளும் RALPH எப்படிவது VENALLOPE -ஐ ஜெயிக்க வைக்க வேண்டும் என்று VENALLOPE கதாபாத்திரத்துக்கு உதவி செய்ய முயற்சிக்கிறார். இதனை தொடர்ந்து நடக்கும் சுவாரஸ்யமான சம்பவங்களே இந்த திரைப்படத்தின் கதைக்களம். இந்த திரைப்படம் 2012 ம் ஆண்டு வெளிவந்தது நல்ல REVIEW-க்களை பெற்றது. இந்த திரைப்படம் நிச்சயமாக பார்க்கவேண்டிய திரைப்படங்களின் பட்டியலில் சேர்த்துக்கொள்ளலாம். இந்த திரைப்படத்தின் அடுத்த பாகம் ரால்ப் பிரேக்ஸ் தி இன்டர்நெட்- 2018 ம் ஆண்டு வெளிவந்தது.  எனக்கு தெரிந்து இந்த படம்தான் MATRIX படங்களுக்கு பின்னால் VIDEO GAME NPC க்களை கணக்கில் எடுத்துக்கொண்ட படம் என்று நினைக்கிறேன். NPC க்கு எல்லாம் ஒரு படமா என்று பார்க்கும்பொது கதை ரொம்பவுமே பெஸ்ட்டாக இருக்கணுமே என்ற கருத்து எனக்குள் இருந்தது.இந்த படம் பார்க்கும்போது 2 படங்களையும் BACK 2 BACK னு போட்டு பார்த்தேன். அனிமேஷன் நல்லபடியாக இருப்பதாலும் ஸ்டோரி டீசண்ட்டாகவும் புதுமையாகவும் இருப்பதாலும்தான் இந்த படம் வெற்றிநடை போட்டது என்பதுதான் என்னுடைய கருத்து. இன்னொரு விஷயம் பாராட்டவேண்டிது என்னவென்றால் RALPH மற்றும் VENOLLOPE க்கு நல்ல வேலை ரோமான்டிக் ஆங்கிள் கொடுக்கவில்லை. அப்படி கொடுத்து இருந்தால் படம் படு மட்டமாக இருந்திருக்கும். ஒரு ஃப்யுர் ஃப்ரெண்ட்ஷிப் படம்தான் இந்த WRECK IT RALPH படம்.

CINEMATIC WORLD - 029 - DOCTOR STRANGE (2016) - TAMIL REVIEW - திரை விமர்சனம் ! - [REGULATION-2024-00048]

   

ஸ்டீபன் ஸ்ட்ரெய்ன்ச் - நியூ யார்க் நகரத்தில் மருத்துவர் மற்றும் அறுவை சிகிச்சை நிபுணராக பணிபுரிகிறார், ஒரு கட்டத்தில் எதிர்பாராத கார் விபத்தால் அவருடைய கைகள் பாதிக்கப்படுகிறது, அவருடைய கைகளை குணப்படுத்தவதற்காக நேபாளத்தில் காட்மன்ட் நகரத்தில் உள்ள மாயாஜால சக்திகளின் குருவான ANCIENT ONE ஐ சந்திக்கிறார். இந்த ANCIENT ONE மற்றும் அவருடைய மாயாஜால அமைப்பில் உள்ளவர்கள் சப்போர்ட்டுடன் மாயாஜால சக்திகளின் குருவாக இருந்து இந்த உலகத்தை காப்பாற்ற முயற்சி செய்வதை அறிந்துகொள்கிறார் . அங்கே மாய கலைகள் மற்றும் மாயாஜால சக்திகளில் தேர்ச்சி பெற்று இந்த உலகத்தை காப்பாற்றும் பொறுப்பை ஏற்றுக்கொள்கிறார். மேலும்  TIME ஸ்டோன் என்ற இன்பினிட்டி ஸ்டோனை பயன்படுத்தி இந்த உலகத்தை DORMAMMU என்ற இருள் உலகத்தின் சக்தியிடம் இருந்து காப்பாற்ற முயற்சி செய்கிறார். இந்த முயற்சியில் அவரால் வெற்றிபெற முடிந்ததா என்பதுதான் இந்த திரைப்படத்தின் கதை. இந்த படத்துடைய ஸ்பெஷல்லான விஷயம் கண்ணாடி மாதிரி விஷுவல் எப்பேக்ட்ஸ் அவ்வளவு துல்லியமாக இருக்கும். பொதுவாக மாயாஜாலங்களை சக்திகளாக படத்தில் காட்டியது HARRY POTTER படத்தில்தான் HARRY POTTER படங்களுக்கு பின்னால் மாயாஜால படங்கள் என்று அதிகமாக எந்த படமும் வெளிவரவில்லை. இந்த படம் வெளிவந்து இருக்கிறது. ADOBE AFTER EFFECTS ல பேசிக்கான அனிமேஷன் பண்ணலாம் ஆனால் இந்த அளவுக்கு பண்ண முடியுமா ? நான் போய் கம்ப்யூட்டர்ல போட்டு செக் பண்ணி பாக்க போறேன். ஆனால் விஷுவல் எஃபக்ட்ஸ் துல்லியத்துக்காக நிறைய மெனக்கெட்டு இருக்கணும். இல்லைன்னா அவ்வளவு தெளிவான காட்சிகளின் அமைப்பை உருவாக்கி இருக்க முடியாது. கண்ணாடி டைமன்ஷன் முதல் டைம் டிராவல் வரைக்கும் நிறைய VFX இருப்பதால் RELEASE ஆன வருடத்தில் இந்த படம் மட்டுமே தனியாக தெரிந்து இருக்கும். இந்த படம் வெளிவந்த அடுத்தடுத்த வருடங்களில் MAGIC இந்த மார்வேல் யுனிவெர்ஸ்ஸில் பாசிபிள் என்பதால் அடுத்தடுத்த சூப்பர் ஹீரோ படங்கள் இன்னும் இண்டரெஸ்ட்டிங்காக இருந்தது. இந்த படத்துக்குதான் தாங்க்ஸ் சொல்லனும்.

இந்த திரைப்படம் 2016 ம் ஆண்டு வெளிவந்தது. வெளிவந்த வருடத்தில் எல்லாம் இந்த திரைப்படத்தின் கதைக்களம் மற்றும் VISUAL EFFECTS காட்சிகள் விமர்சனங்களின்  பாராட்டுகளை பெற்றது.

CINEMATIC WORLD - 028 - BUMBLEBEE (2018) - TAMIL REVIEW - திரை விமர்சனம் !! - [REGULATION-2024-00047]

 

ஆட்டோபாட்ஸ் டிசெப்டிகான்ஸ் க்கு எதிரான போராட்டத்தில் அவர்களுடைய ஸைபர்ட்ரான் கிரகத்தில் இருந்தது பூமிக்கு செல்ல முயற்சி செய்கிறார்கள் - 1987 ல் பூமிக்கு அனுப்பப்படும் ஆட்டோபாட்ஸ் குழுவை சார்ந்த B-127 BUMBLEBEE பூமிக்கு வருகிறார். ஆனால் பூமியில் இருந்த ஒரு டிசெப்டிகானின் தாக்குதலால் கடந்த கால நினைவுகளையும் பேசும் திறனையும் இழக்கிறார். இந்த நிலையில் டிசெப்டிகான்ஸ் பூமியை ஆக்கிரமிக்க முயற்சி செய்கிறார்கள். BUMBLEBEE அவருக்கு பூமியில் கிடைத்த நண்பர்களான சார்லீ வாட்சன் மற்றும் கில்லரினோ மீமொ கிடாரிஸ் இன் உதவியுடன் எல்லோரையும் காப்பாற்ற முயற்சி செய்வதுதான் இந்த திரைப்படத்தின் கதை. TRANSFORMERS திரைப்படத்தின் வரிசையில் வெளிவந்த இந்த திரைப்படம் ஒரு கலகலப்பான சுவாரஸ்யமான திரைப்படமாக உள்ளது. இந்த திரைப்படம் 80ஸ் காலகட்டத்தின் நினைவுகள் மற்றும் சிறப்பான கதையமைப்பால் நிறைய பாராட்டுக்கள் மற்றும் வரவேற்பை பெற்றது. இந்த திரைப்படத்தின் அடுத்த பாகம் - TRANSFORMERS - RISE OF THE BEASTS என்ற திரைப்படம் 2022 ல் வெளிவரவிருக்கிறது. இந்த படத்தை பற்றி என்னுடைய கருத்து : இந்த படத்தில் நிறைய ஃபேமிலி வேல்யூஸ் மற்றும் ஃப்ரெண்ட்ஷிப் வேல்யூக்கள் இருக்கிறது. 80 ஸ் களின் RETROTECH காலகட்டம் அமெரிக்காவின் GLOBAL முன்னேற்றத்துக்கான காலகட்டம். இந்த காலகட்டம் அமெரிக்க CAR களின் வரலாற்றில் பெஸ்ட்டாக இருந்த இன்னொரு DECADE - இந்த காலகட்டத்தின் நினைவுகளை படத்தில் நன்றாக கொடுத்து படத்தை சூப்பர்ராக கொடுத்த காரணத்தால் படம் நன்றாகத்தான் இருக்கிறது. TRANSFORMERS 4 மற்றும் 5 ஐ இந்த MULTIVERSE ல் இருந்து எடுத்துவிட்டு இந்த படத்தின் கதையை தொடர்ந்தது REBOOT பண்ணினால் கூட படம் நன்றாகத்தான் இருக்கும் என்பது என்னுடைய கருத்து இந்த படம் ஒரு நல்ல ஃபேமிலி என்டர்டேன்மென்ட். ஒரு சூப்பர்ரான மறுபதிப்பு !!

CINEMATIC WORLD - 027 - SONIC THE HEDGEHOG - TAMIL REVIEW - திரை விமர்சனம் !! - [REGULATION-2024-00046]

இதுவரைக்கும் நீங்க நிறைய ஏலியன் படங்களை பார்த்து இருக்கலாம், ஆனால் இந்த ஏலியன் படம் நீங்கள் ஃபேமிலியுடன் பார்க்கும் அளவுக்கு நன்றாக இருக்கும், அதுக்கு நான் பரோமிஸ். கதைக்கு வருவோம் சொந்த உலகத்தில் இவர் ஒரு ஹீரோ ஆனால் இவருடைய இனத்தை எதிர்த்தே பெரிய பிரச்சனை அந்த கிரகத்தில் சென்றுக்கொண்டு இருப்பதால் பூமிக்கு அனுப்பப்படுகிறார் வேகத்தின் சக்திகளை கொண்டு மின்னல் வேகத்தில் செல்லும் நம்ம ஹீரோ SONIC THE HEDGEHOG - அதிசக்திவாய்ந்த மிகவும் அதிவேகத்தில் செல்லக்கூடிய சோனிக் அவருடைய உலகத்தில் இருந்து இந்த பூமியில் வசிக்க தேர்ந்தெடுத்த இடம் இந்த கிரீன்ஹில்ஸ் என்ற அமைதியான கிராமப்புற பகுதி. வாழ்க்கை நல்லாத்தான் போகும் ஆனால் பிரச்சனை இல்லாமல் வாழ்க்கை இருக்குமா ? களம் இறங்குகிறான் ஒரு வில்லன். SONIC பற்றி தெரிந்த உடனே கொஞ்சம் கொஞ்சமாக லொகேஷன் கண்டுபிடித்து அவருடைய சக்திகளை எடுத்துக்கொள்ள மிக மிக புத்திசாலியான பணக்காரனாக இருக்கும் வில்லன் ரோபோட்னிக்  மோசமான கொலைவெறியுடன் சோனிக்கை துரத்துகிறார். இப்போது சோனிக் தனி ஆள் இல்லை. டாம் மற்றும் அவருடைய குடும்பம் சோனிக்குக்கு சப்போர்ட் பண்ணுகிறது. இங்கே என்னதான் வில்லனிடம் பயங்கரமான இரும்பு டிரோன் துப்பாக்கிகள் இருந்தாலும் அதிவேகத்தில் செல்லும் சக்தியுடனும் மேலும் நல்ல மனத்துள்ள காவல் துறை அதிகாரியின் குடும்பத்தின் உதவியுடனும் கொடிய வில்லன் ரோபோட்னிக்-ன் முயற்சிகளை கடந்து தப்பிச்செல்கிறாரா ? என்பதுதான் இந்த திரைப்படத்தின் கதைக்களம் , சோனிக் என்ற காணொளி விளையாட்டின் கதாபாத்திரத்தை அடிப்படையாக கொண்டு வெளிவந்த இந்த திரைப்படம் 2020 -ல் வெளிவந்தது. பொதுவாக SPEEDSTAR என்று சொல்லும் கதாப்பத்திரங்களுக்கு ஹாலிவுட்டில் வரவேற்பு அதிகம். சூப்பர் ஹீரோ பிளாஷ் எல்லோருக்கும் பிடிக்கும். ஒரு ஒரு முறையும் கிராண்ட் கஸ்டின்னின் THE FLASH டெலிவிஷன் ஷோவின் சீசன்களை பார்க்கும்பொது கண்டிப்பாக ஒரு வேற லெவல் அனுபவம் கிடைக்கும். நான் இந்த படம் பாக்கும்போது அந்த லெவல் அனுபவம் எனக்கு கிடைத்தது. சூப்பர் ஹீரோக்களுக்கு சற்றும் குறைந்தவர் அல்ல நம்ம சோனிக். அதே போல வீடியோகேம்களை அடிப்படையாக கொண்டு படம் எடுத்தால் பாக்ஸ் ஆபீஸ் வராது என்று சொல்லப்படாத ஒரு ஹாலிவுட் சாபத்தை இந்த படம் தூக்கி சாப்பிட்டே விட்டது என்று சொல்லலாம்.இன்னும் நிறைய சொல்லலாம் என்று ஆசைப்படுகிறேன். இன்னொரு நாள் இன்னும் வீடியோ கேம் வகை படங்களை பற்றிய சுவையான கதைகளை சொல்கிறேன். கடைசியாக எப்போதும் போலத்தான் இந்த தமிழ் வலைப்பூவை பயன்படுத்தியதற்க்கு நன்றி, அப்படியே ஃபாலோ பட்டன் கொடுத்துவிடவும் ! தொடர்ந்து சப்போர்ட் பண்ணிக்கொண்டே இருங்கள். முடிந்தால் ஏதாவது கமெண்ட் பண்ணுங்கள். பல வருடமாக என்னுடைய வலைத்தளத்துக்கு கமெண்ட் இல்லை. நானும் பார்க்கிறேன் பார்க்கிறேன் ஒருவரும் கமெண்ட் பண்ணவே மாட்டேன் என்கிறார்கள். யுட்யூப் காலத்தில் பிளாக் வேலை செய்யாது என்ற எழுதப்படாத சட்டத்தை தோற்கடிக்கதான் இந்த முயற்சி. சப்போர்ட் பண்ணுங்கள்.  இந்த NICE TAMIL BLOG வலைப்பூ நிறைய பேரை சென்றடைய வேண்டும். 

CINEMATIC WORLD - 026 - ANT MAN (2015) - திரை விமர்சனம் !! - [REGULATION-2024-00045]

இந்த திரைப்படம் 2015 ல் வெளிவந்தது , சிறையில் இருந்து வெளியே வரும் ஸ்காட் லாங் இனிமேல் கொள்ளையடிக்க போவதில்லை என்று முடிவு செய்தாலும் தவிர்க்க முடியாத காரணங்களால் அறிவியல் ஆராய்ச்சியாளர் ஹாங்க் பிம் என்பவருக்கு சொந்தமான சிறப்பு தொழில் நுட்பத்தால் உருவான ANT MAN - SUIT ஐ எடுக்கிறார். ஆனால் அவருடைய திறன்கள் மற்றும் ஆராய்ச்சியாளர் ஹாங்க் பிம் ன் தொழில்நுட்ப அறிவியலின் உதவியுடன் ஒரு மிகப்பெரிய நிறுவன அதிபராக இருக்கும் டேரனிடம் இருந்து இந்த தொழில்நுட்பம் தவறாக பயன்படுத்தப்படுவதை தடுக்க வேண்டிய கட்டாயம் உருவாகிறது, ANT MAN இந்த உலகத்தை காப்பாற்ற எடுக்கும் முயற்சிகளே இந்த திரைப்படத்தின் கதைக்களம், இந்த திரைப்படத்தின் அடுத்தபாகம் ANT MAN & THE WASP  2019 ல் வெளிவந்தது. இந்த படம் பார்க்கும்போது எனக்கு பிடித்த விஷயம் என்னவென்றால் மின்னணு பொறியியல் படிச்சாலும் வெளிநாட்டில் கூட வேலை கிடைக்காமல் போகும் என்று இந்த படம் கொடுக்கும் லாஜீக்தான். இந்த உலகமே ஒரு CORRUPTION ல் இருக்கிறது. இங்கே FIR ஃபைல் பண்ணினால் வாழ்க்கையே போய்விடும் போல இருக்கிறது. இந்த மாதிரி விஷயத்தை எல்லாம் BACKGROUND ஆக வைத்துக்கொண்டு ஒரு சூப்பர் ஹீரோவாகவும் இருக்க அவரால் முடிந்த அனைத்து விஷயங்களையும் பண்ணி உயிரை கொடுத்து RISK எடுப்பதால்தான் ANT MAN சிறப்பானவர். இந்த படத்துடைய HERO வாக இருக்கும் PAUL RUDD அவருடைய கதாப்பாத்திரத்துக்கு நல்ல மரியாதையை கொடுத்துள்ளார். இவருடைய கதாப்பாத்திரத்துக்கு இப்போது இவரை விட பெஸ்ட் சாய்ஸ் யாருமே இல்லை என்ற அளவுக்கு ஒரு அமேஸிங் பெர்ஃபார்மன்ஸ் கொடுத்து இருக்கிறார். நண்பர்களோடு கொள்ளையடிப்பதில் இருந்து விவகாரத்தால் பிரிந்த பின்னாலும்  சொந்த மகளிடம் நிறைய பாசம் காட்டும் அப்பாவாகவும் அதே சமயம் இந்த ANT MAN டெக்னாலஜியை கற்றுக்கொண்டு உயிரை பணயம் வைத்து கிளைமாக்ஸ்ஸில் சண்டையிடும் காட்சிகளாக இருந்தாலும் ஒரு கதையை விஷுவல்லாக எவ்வளவு தெளிவாக ப்ரெசெண்ட் பண்ண முடியுமோ அவ்வளவு தெளிவான முறையில் இந்த படத்தில் ப்ரெசெண்ட் பண்ணி இருப்பார்கள். LUIS கதாப்பாத்திரம் கிளைமாக்ஸ்ல நல்ல ஒரு கெஸ்ட் APPEARANCE கொடுத்து CIVIL WAR படத்துக்கு ஒரு LEAD கொடுத்து உள்ளது. 

CINEMATIC WORLD - 025 - GUARDIANS OF THE GALAXY - TAMIL REVIEW - திரை விமர்சனம் !! - [REGULATION-2024-00044]

கார்டியன்ஸ் ஆப் தி காலக்ஸி - இந்த திரைப்படம் 2014 ம் ஆண்டு வெளிவந்தது. பூமியில் இருந்து ஸ்பைஸ் க்கு அழைத்து செல்லப்படும் (மன்னிக்கவும் கடத்தி செல்லப்படும்) பீட்டர் குவில் அங்கே கொள்ளைக்கார தலைவராக யாண்டு என்பவருடைய RAVEGERS ராவேஜெர்ஸ் என்ற விண்வெளி கொள்ளையர்களின்  அமைப்பில் ஜூனியர்ராக வேலை பார்த்து அப்படியே ஒரு மெம்பர்ராக இணைகிறார். கஷ்டப்பட்டு சண்டை எல்லாம் போட்டு கடைசியில் சக்திவாய்ந்த தடை செய்யப்பட்ட பாதுகாக்கப்பட்ட கல்லான பவர் ஸ்டோன் என்ற  ஒரு இன்பினிட்டி ஸ்டோனை எடுக்கும்போது அங்கே ஆரம்பிக்கிறது வம்பு. இந்த ஸ்டோன்னை அடைய ஆசைப்படும் தானோஸ் மகள் கமெரா, குடும்பத்துக்காக பழிவாங்க துடிக்கும் சண்டைக்கார ஸ்பேஸ் சண்டியர் ட்ராக்ஸ், என்ன கிடைத்தாலும் காசாக மாற்றி சந்தோஷமாக இருக்க நினைக்கும் ராக்கெட், கடைசியாக அவருக்கே வாய்த்த அசிஸ்டண்ட் க்ரூட்  என்று அனைத்து காமிக்ஸ் அமைபபின் மெம்பர்களையும் ஸ்பேஸ் ஜெயில்லில்  சந்திக்கிறார். ஆனால் இந்த ஒரு குட்டியூன்டு கல்லுக்கு பிரபஞ்சத்தின் அனைத்து மக்களையும் தரைமட்டமாக மாற்றும் பவர் இருப்பதை தெரிந்துக்கொண்டவுடன்  தனித்தனியான காரணங்களுக்காக ஸ்பெஸில் அலைந்துகொண்டிருந்த இவர்கள் மொத்தமாக GOTG யாக சேர்ந்து இந்த ஸ்டோனை அடைய நினைக்கும் மோசமான ரோனான் தி அக்கியூஸர் என்ற வில்லனிடம் இருந்து எல்லோரையும் காப்பாற்றுவதற்காக கார்டியன்ஸ் ஆப் தி காலக்சி என்ற TEAM ஆக செயல்படுகின்றனர் , இப்போது கையில் எதுவுமே இல்லாமல் கிளைமாக்ஸ் சண்டை போட செல்லும் இவர்களால் எல்லோரையம் காப்பாற்ற முடிந்ததா ? என்பதுதான் இந்த திரைப்படத்தின் கதை . இந்த திரைப்படம் ஸ்டார் வார்ஸ் திரைப்படங்களை  போல அருமையான விசுவல் எபெக்ட்ஸ் மற்றும் ரசிக்கும்படியான திரைக்கதையுடன் கலகலப்பான அமைந்துள்ளது . இந்த படம் செம்ம ஹிட். காரணம் என்னவென்றால் இவ்வளவு பெரிய பட்ஜெட் படம் என்றாலும் அதிகமான ஆடம்பாரம் காட்டி கதையை நோகடிக்காமல் மூழ்காத ஷிப் இந்த ஸ்பேஸ் ஷிப் (ஃபிரண்ட்ஷிப்) என்று சம்மந்தம் இல்லாத 5 பேரை சேர்த்து வைத்து படத்தை முடித்துள்ளார்கள். கிளைமாக்ஸ் கெத்து. சொன்னால் ஸ்பாய்லர் ஆகும். படம் பார்த்து தெரிந்துகொள்ளுங்கள். இந்த திரைப்படத்தின் அடுத்த பாகம் கார்டியன்ஸ் ஆப் த காலக்சி வால்யூம் 2 என்ற திரைப்படம் 2017 ம் ஆண்டு வெளிவந்தது. அதுக்கு தனியாக விமர்சனம் உள்ளது. இன்னும் போஸ்ட் பண்ணவில்லை என்று நினைக்கிறேன். கூடிய விரைவில் போஸ்ட் பண்ணுகிறேன்.