LOVE TALKS - ஒரு மௌன புயல் வீசுகிறது !

 

பழைய தமிழ்ப் பாடல்களின் இசையைக் கேட்டால், அதில் காதலின் மௌனம் எவ்வளவோ இடங்களில் அழகாக வடிக்கப்பட்டிருப்பதை உணரலாம். இன்றுள்ள ஸ்மார்ட்போன்கள் போலத் தடையின்றிப் பேசிக்கொள்ளும் வாய்ப்புகள் அன்றைக்குக் கிடையாது. 1990-களில் தொடங்கி 2010-களுக்கு இடைப்பட்ட அந்தப் பொற்காலத்தில், நேரில் பார்ப்பதே அரிது; அப்படிப் பார்த்தாலும் பேசக் கிடைப்பது மிகக் குறுகிய நேரம்தான். மீதமுள்ள பெரும்பகுதி நேரம் மௌனத்திலேயே கரைந்திருக்கும். அதனால் "மௌனம் பேசுகிறது", "மௌனமே பார்வையாய்" என்றெல்லாம் பாடல்களில் காதலை அவ்வளவு ஆழமாக வர்ணித்திருப்பார்கள். இன்றைய காலத்தில் எல்லாமே ஒரு பிரதிபலிப்பு போல நொடியில் நடக்கிறது. காதலோ அல்லது திருமணமோ எதுவாக இருந்தாலும், மனதுக்குப் பிடித்தவர்களுடன் பேசுவதற்கும், பல விஷயங்களைக் கலந்தாலோசிப்பதற்கும் தாராளமாக நேரம் இருக்கிறது. ஆனால், எந்தவிதத் தொடர்பும் இல்லாமல், வெறும் மௌனங்களையே கொண்டாடி, பார்வைகளிலேயே வாழ்ந்த ஒரு காலகட்டம் இருந்தது என்பதை யாராலும் மறுக்க முடியாது. அந்தத் தூய்மையான மௌனமும், காதலின் தவிப்பும் தனிதான்! தடுகள் பேசாமல் இருக்கக்கூடும்; ஆனால் உள்ளுக்குள் ஆயிரம் உணர்வுகள் புயலென அடித்துக்கொண்டுதான் இருக்கும். அந்தத் தவிப்பையும் மௌனத்தின் பலத்தையும் இந்த வரிகள் அச்சுப் பிசகாமல் வெளிப்படுத்துகின்றன! "ஒரு மௌன புயல் வீசுகிறது, அதனால் மனம் தட்டு தடுமாறும்"