HELLO !! ITZ JUST RANDOM POSTS ! TAKE CARE EVERYONE! 🥰 [SPECIAL THANKS FOR INTERNATIONAL AUDIENCE]

OUR BLOG, WHICH WAS ON THE VERGE OF CLOSING DOWN, HAS NOW BEEN SUCCESSFULLY REVIVED WITH FRESH ENTHUSIASM AND ENERGY! IN THE DAYS AHEAD, PLENTY OF INTERESTING INFORMATION AND ENTERTAINMENT-FILLED POSTS ARE CONTINUOUSLY WAITING FOR YOU. WITH YOUR CONTINUOUS SUPPORT AND LOVE AS DEAR READERS, OUR JOURNEY CONTINUES HERE ! SO STAY CONNECTED, TAKE CARE AND BE WELL ! P.S. GOOGLE TRANSLATE OPTION AVAILABLE !!

செவ்வாய், 4 ஏப்ரல், 2023

GENERAL TALKS - யோசிக்க வேண்டும் மக்களே !

ஒரு கருத்து அல்லது கோட்பாடு எந்தவித கேள்விக்கும் உள்ளாக்கப்படாமல் அப்படியே ஏற்கப்பட வேண்டும் என்று எப்போதாவது வலியுறுத்தப்பட்டால், அதற்குப் பின்னால் அந்தத் தகவலின் பலவீனத்தை மறைக்கும் நோக்கமோ அல்லது அது விவாதிக்கப்பட்டால் உண்மை வெளிவந்துவிடுமோ என்ற பயமோ இருக்கக்கூடும். ஏனெனில், கேள்விகள் கேட்கப்படும்போதுதான் ஒரு சிறிய கருத்து விரிவடைந்து, பல பரிமாணங்களைப் பெற்று, தகுந்த தரவுகளுடன் ஒரு தெளிவான நிலைப் பாட்டை உருவாக்குகிறது. ஆனால், தங்களின் கருத்துக்கள் கேள்விக்குள்ளாக்கப்பட்டு உடைந்துபோய்விடுமோ என்ற அச்சத்தில்தான் பலரும் கேள்விகளையே தடை செய்ய முயல்கிறார்கள். நாம் எந்தவொரு விஷயத்தையும் நம்முடைய உணர்ச்சிகளின் அடிப்படையிலோ அல்லது எவ்வித பகுத்தறிவும் இன்றி கண்மூடித்தனமாக நம்பும்போதோ, அங்கே சார்புநிலைகளும் பாகுபாடுகளும் உருவாகின்றன. உணர்ச்சிகள் ஒருபுறம் தனி மனிதர்களின் விருப்பு வெறுப்புகளுக்கு ஏற்றவாறு வளைந்து கொடுக்கும்; ஆனால் அறிவியல் பார்வையோ எவ்வித பாரபட்சமும் இல்லாமல் உண்மை எதுவோ அதை மட்டுமே துல்லியமாக அளவிடும்.உணர்ச்சிபூர்வமான அல்லது கட்டுப்பாடற்ற நம்பிக்கைகளின் அடிப்படையில் இயங்கும் சிஸ்டம் ஒருபோதும் அனைத்து மக்களுக்கும் சமமான உரிமைகளை வழங்காது. அது ஏதோ ஒரு தரப்பினரின் நலனுக்காக மட்டுமே செயல்படும். மாறாக, அனைவரையும் சமமாக மதிக்கக்கூடிய, நியாயமான உரிமைகளைப் பெற்றுத் தரக்கூடிய ஒரே வழி நம்பகமான அறிவியல் மற்றும் தர்க்கபூர்வமான பார்வை மட்டுமே! இது எல்லாமே ஒரு மாட்ரிக்ஸ் உலகத்துக்குள்ளே வாழ நினைப்பது போல இருக்கிறது மக்களே !

2 கருத்துகள்:

பெயரில்லா சொன்னது…: கேலியும் கிண்டலும் விமர்சனமும் தள்ளிவைத்துவிட்டு, அறிவாலயத்தின் இளவரசர் உதயநிதி ஸ்டாலின் அவர்களுக்கு என் பணிவான கோரிக்கையும் தனிப்பட்ட விருப்பமும் இதுதான்.

அனைத்து மரியாதையுடனும் சொல்கிறேன் — மு.க.ஸ்டாலின் அவர்களின் ஆட்சியின் மீது கடும் அதிருப்தி இருந்தாலும், தமிழ்நாட்டில் திமுக ஒரு வலுவான மாநிலக் கட்சியாகத் தொடர்ந்து இருக்க வேண்டும் என்ற ஆசையில்தான் இதைத் தெரிவிக்கிறேன்.

கட்சியின் குறைபாடுகளை ஆழமாகப் பரிசீலித்து, சில முக்கியமான கேள்விகளுக்குப் பதில் காண இந்த வாய்ப்பை நீங்கள் பயன்படுத்திக் கொள்வீர்கள் என்று நம்புகிறேன்: மக்கள் ஏன் திமுகவுக்குத் தொடர்ந்து இரண்டாவது முறை வாய்ப்பு தருவதில்லை? பல நல்ல திட்டங்களைக் கொண்டு வந்தும், திமுகவை பிடிச்சவங்களை விட பிடிக்காதவங்க ஏன் தமிழ்நாட்டுல அதிகமா இருக்காங்க? திமுகவுக்கு 'ரவுடி கட்சி'னு ஒரு அடைமொழி ஏன் வந்துச்சு?

இந்த கேள்விகளுக்கெல்லாம் பதில் கண்டுபிடிச்சு கட்சியை சீர்திருத்த உங்களுக்கு ஒரு பெரிய வாய்ப்பு இருக்கு. மாணவரணியில் இருந்து எடுத்தால் கூட பரவாயில்லை — திறமையான, உண்மையான களப்பணியாளர்களைக் கொண்ட ஒரு வலுவான அணியை உருவாக்குவதும், 'அரசியல் வாரிசு' என்ற அடையாளம் இல்லாமல் சொந்த அரசியல் அறிவோடு வரும் புதிய தலைவர்களை உருவாக்குவதும் என் விருப்பம்;; 23 ஜூலை, 2026 அன்று 10:11 PM
பெயரில்லா சொன்னது…: அப்படிச் செய்தால் பெரிய மாற்றங்கள் சாத்தியமாகும்.
திமுக மேல இருக்குற அதிருப்தியாலதான் மக்கள் விஜய் சாருக்கு வாக்களிச்சிருக்காங்க. அதனால் விஜய்யை சிறுமைப்படுத்துவதையோ, அவருக்கு வாக்களிச்சவங்களை 'தற்கூறி'னு சொல்வதையோ நீங்க நிறுத்தணும்னு ஆசைப்படுறேன். இந்த 'GenZ DMK' பண்ற விஷயங்கள் மக்கள் மத்தியில் பெரிய வெறுப்பையே உருவாக்குது; களத்தில் இருந்து உண்மையான அறிக்கைகளைக் கேட்டு நிலவரத்தைத் தெரிந்து கொள்ளுங்கள். சும்மா பெயருக்கு எம்.எல்.ஏ-வாக இருக்குற பழசுகளை மாவட்டச் செயலாளரா வச்சுட்டு இருக்காம, சீரியஸா வேலை செய்யுற ஒரு இளைஞர் அணியை அந்தப் பொறுப்பில் போட்டீங்கனா களத்தில் வேலைகள் வேகமாக நடக்கும்.
ஆட்சி மாறி 6 மாதம் கூட ஆகல, அதுக்குள்ள எதிர்க்கட்சியா இருந்துட்டு எல்லாத்துக்கும் போராட்டம் பண்றோம், எல்லாத்துக்கும் பிரச்சனை பண்றோம்னு நினைச்சீங்கனா, "நீங்க ஆட்சியில் இருந்தப்ப மட்டும் என்ன ஒழுங்கா பண்ணீங்க?" என்ற கேள்விதான் பொதுமக்களிடம் இருந்து வரும். அதனால் கொஞ்சம் அவகாசம் எடுத்து, படிப் படியாகக் கட்சியைச் சீர்திருத்தி, செய்த தவறுகளையெல்லாம் சரிசெய்ய வேண்டும் என்பது என் ஆசை. கட்சி மேல நம்பிக்கை வருதோ இல்லையோ, உங்கள் மேல மக்களுக்குத் தானாக நம்பிக்கை வரும். அதை விட்டுட்டு தவறு செய்தவர்களைத் தொடர்ந்து காப்பாற்றும் வேலையைப் பார்த்துக் கொண்டிருந்தால், கடைசியில் வருத்தப்படும்படியான முடிவுதான் மிஞ்சும்.
மனோதத்துவ ரீதியாகப் பார்த்தால், மற்றவர்கள் நல்லது செய்வார்கள் என்ற எண்ணத்தை மக்கள் மனதில் நீங்களே பதிய வச்சிட்டீங்க — அதற்கு இந்த 'GenZ DMK' குழப்பங்களும், பரந்தாமன் போன்றவர்களின் அரைவேக்காட்டு தினசரி பத்திரிகையாளர் சந்திப்புகளுமே காரணம். வாராந்திர அடிப்படையில் முக்கியமான பிரச்சனைகளைப் பற்றி விவாதிக்கும் முறையைக் கொண்டுவர வேண்டும். வடசென்னையில் தாயகம் கவியும் பரந்தாமனும் காட்டிய திறமை போல, அனைத்து மண்டலங்களிலும் திறமையான பேச்சாளர்களைச் சரியாகப் பயன்படுத்துங்கள்; அப்படி அனைத்து மண்டலங்களையும் பலப்படுத்தினால் 15 மாதங்களுக்குப் பிறகு அரசியல் களம் ஒரு சரியான போட்டியாக இருக்கும். இப்போது நீங்கள் போடும் ஒவ்வொரு நகர்வும் (பந்து) ஒன்னு நோ-பல்லா போகுது, இல்லனா எதிராளி 'வெல் லெஃப்ட்' பண்ணிட்டு போயிட்டே இருக்கான். டிவிஃகே கட்சி பாஜக பக்கம் போகுதோ இல்லையோ, நீங்க தப்பித் தவறிக்கூட அவங்களோட இணையக் கூடாது; அதேபோல சீமான் மாதிரி பிஸ்கட்டுக்காகக் கத்துறவங்களை எல்லாம் பக்கத்துல சேர்த்துக்க வேண்டாம்.
மக்கள் வெறுப்பு அரசியலைச் செய்தால் மேலும் பின்னடைவுதான் ஏற்படும். கொஞ்சம் நேரம் கொடுத்து, அரசாங்கம் எந்தக் கோணத்தில் நகர்கிறது என்று தெரிந்து கொண்டு களமிறங்க வேண்டும். அவசரப்பட்டு எல்லாத்துக்கும் எதிர்வினையாற்றினால் அது மக்களிடம் சரியாகப் போய் சேராது; சேரவில்லை. இப்போது வரை உங்கள் ஆட்சியில் என்ன ஒழுங்காகச் செய்தீர்கள் என்ற எதிர்மறை எண்ணமே மக்கள் மனதில் வருகிறது. சமூக ஊடகங்களை மட்டுமே அதிகமாக நம்பியிருக்க வேண்டாம்; 2031 வரும்போது அதில் வருவதெல்லாம் பொய் என்ற எண்ணம் மக்களுக்கு வந்துவிடும். சமூக ஊடகங்களில் ஆக்டிவாக இருக்க வேண்டும் என்ற பிம்பத்தை உருவாக்கப் போய், அது சில குறிப்பிட்ட கூட்டத்திற்காகப் பண்ணும் அஜெண்டா என்பதைப் பொதுமக்கள் எளிதில் புரிந்துகொள்கிறார்கள்.
திமுககாரர்களைச் சொந்தச் செலவில் ஆங்காங்கே அரசியல் வகுப்புகளையும் இலவசப் பயிலரங்குகளையும் நடத்தச் சொல்லுங்கள்; அதில் இடதுசாரி, கம்யூனிச மற்றும் தலித் அரசியலைச் சேர்த்துக்கொள்ளுங்கள். கட்சிப் பொறுப்பில் இருப்பவர்கள் தங்கள் சொந்தச் செலவில் இலவசத் திருமணங்கள், தையல் மிஷின், ஸ்கூட்டி போன்றவற்றைச் சரியான திட்டமிடுதலுடன் பிரித்து வழங்கட்டும். மெல்ல மெல்ல செய்திகளில் நற்பெயர் கிடைக்கும். மக்கள் மனநிலை "ஸ்டாலின் ஆட்சிதான் அப்படி ஆயிடுச்சு, ஆனா உதயநிதி ஃபயரா இருக்காரு" என்று பேசும் அளவுக்கு மாற வேண்டும். அதேபோல் கனிமொழி அவர்களுக்கும் மகளிர் அணிக்கும் கட்சியில் அதிக முக்கியத்துவம் கொடுங்கள்; அரசு தரும் திட்டங்களைத் தாண்டி, விதவைகள் மற்றும் ஒற்றைப் பெற்றோருக்கான உதவிகளைத் திமுக சார்பில் தொடர்ந்து செய்து வந்தீர்கள் என்றால் கட்சியின் பிம்பம் முற்றிலும் மாறும். இது முற்றிலும் என் மனமார்ந்த விருப்பம் மட்டுமே.

Udhayanidhi Stalin
Anbil Mahesh Poyyamozhi
DMK - Dravida Munnetra Kazhagam; 23 ஜூலை, 2026 அன்று 10:11 PM