HELLO !! ITZ JUST RANDOM POSTS ! TAKE CARE EVERYONE! 🥰 [SPECIAL THANKS FOR INTERNATIONAL AUDIENCE]

OUR BLOG, WHICH WAS ON THE VERGE OF CLOSING DOWN, HAS NOW BEEN SUCCESSFULLY REVIVED WITH FRESH ENTHUSIASM AND ENERGY! IN THE DAYS AHEAD, PLENTY OF INTERESTING INFORMATION AND ENTERTAINMENT-FILLED POSTS ARE CONTINUOUSLY WAITING FOR YOU. WITH YOUR CONTINUOUS SUPPORT AND LOVE AS DEAR READERS, OUR JOURNEY CONTINUES HERE ! SO STAY CONNECTED, TAKE CARE AND BE WELL ! P.S. GOOGLE TRANSLATE OPTION AVAILABLE !!

வியாழன், 20 ஏப்ரல், 2023

POST TALKS - ஒரு வெற்றிக்கான நெருக்கடி !

வெற்றி மட்டுமே ஒரு மனிதனின் இருப்பை தீர்மானிக்கும் என்ற கொடூரமான எதார்த்தத்திற்கு இந்த உலகம் மாறிவிட்டதை மறுப்பதற்கில்லை; தோல்வியடைந்தால் இங்கு உசுருக்குக் கூட மதிப்பு இல்லை என்ற இந்த வறட்டுத் தன்மை நாள்தோறும் நம் கண்களுக்கு முன்னால் அரங்கேறிக் கொண்டுதான் இருக்கிறது. இதற்குச் சமூகத்தில் எத்தனையோ நடைமுறை உதாரணங்களைச் சொல்லலாம்; ஒரு ஐடி நிறுவனத்தில் பல வருடங்களாக நைந்து போய் உழைத்த ஊழியன் ஒரே ஒரு ப்ராஜெக்ட் தோல்வியில் வெளியே தள்ளப்படும்போதும், கோடிக்கணக்கில் முதலீடு செய்து பிசினஸில் அடிவாங்கிய ஒருவன் சொந்த பந்தங்களாலேயே தனிமைப்படுத்தப்படும்போதும் இந்த உலகத்தின் அளவுகோல் எவ்வளவு அப்பட்டமானது என்பது புரிந்துவிடும். இங்கு அறிவுக்கோ, உழைப்புக்கோ எந்தச் சலுகையும் கிடையாது; இறுதி அட்டவணையில் பெயர் இருந்தால் மட்டுமே உனக்கான வெளிச்சம், இல்லையென்றால் இருட்டறையில் வீசப்பட்ட மூலப்பொருள். இந்த வாழ்க்கையின் வியூகத்தில் வெற்றியைத் தவிர எதற்கும் இடமில்லை என்ற சிந்தனை நம் இளம் தலைமுறையின் அடிமனதில் விஷம்போல ஏறிக்கொண்டிருக்கிறது. இன்று மார்க்கெட்டில் ஒரு புதிய ஸ்டார்ட்அப் தொடங்கும் இளைஞன் முதல், அரசு வேலைக்காகத் தன் இளமையை முழுமையாகத் தொலைக்கும் மாணவன் வரை அனைத்து இடங்களிலும் இந்த நெருக்குதல் தெரிகிறது; 'நீ ஜெயிக்கலைன்னா நீ பூஜ்ஜியம்' என்கிற ஒற்றை வாக்கியம் அவனுடைய மொத்த மனவலிமையையும் உறிஞ்சி விடுகிறது. உறவுகள் கூட அவன் வாலெட்டில் உள்ள பேலன்ஸை வைத்துத் துடிக்கும்போது, இந்த உலகம் மனிதர்களை மனிதர்களாகப் பார்ப்பதை எோவோ எப்போதோ கைவிட்டுவிட்டது. வெற்றி பெறவில்லை என்றால் நீ இந்த மண்ணில் வேர்விடவே அருகதையற்றவன் என்று உணர்த்தும் இந்த இயந்திரத்தனமான கடினத்தன்மையை விடக் கொடுமையான சித்திரவதை மனித குலத்திற்கு வேறு எதுவுமே இருக்க முடியாது.