#TAMILCINEMAREVIEW - தெகிடி (2014) - திரை விமர்சனம் !

தமிழ் சினிமாவில் வெளியான மிகச்சிறந்த புலனாய்வுத் (Detective Thriller) திரைப்படங்களில் ‘தெகிடி’ (2014) திரைப்படத்திற்கு எப்போதுமே ஒரு தனித்துவமான இடமுண்டு.

வழக்கமான மசாலா அம்சங்களைத் தாண்டி, ஒரு துப்பறியும் படம் எப்படி நேர்த்தியாகவும் சுவாரஸ்யமாகவும் இருக்க வேண்டும் என்பதற்கு இத்திரைப்படம் ஒரு மிகச்சிறந்த உதாரணம்.

கல்லூரி படிப்பை முடித்துவிட்டு ஒரு தனியார் துப்பறியும் நிறுவனத்தில் (Private Detective Agency) சேரும் வெட்ரி (அசோக் செல்வன்), தன்னிடம் கொடுக்கப்படும் நபர்களைப் பின் தொடர்ந்து அவர்களைப் பற்றிய தகவல்களைச் சேகரிக்கும் வேலையைச் செய்கிறான். 

ஆனால், அவன் கண்காணித்த நபர்கள் ஒவ்வொருவராக அடுத்தடுத்து மர்மமான முறையில் இறக்கத் தொடங்குகிறார்கள்.? இதன் பின்னணியில் இருக்கும் ஆபத்து என்ன ? என்பதை நாயகன் கண்டுபிடிப்பதே படத்தின் விறுவிறுப்பான கதைக்களம்.

 இயக்குநர்  இப்படத்தின் திரைக்கதையை மிகத் தெளிவாகவும் தேவையில்லாத தேக்கங்கள் இல்லாமலும் அமைத்திருப்பார். எந்தக் காட்சி எந்த நிமிடத்தில் வர வேண்டுமோ, அதை மிகச் சரியாக அந்த இடத்தில் வைத்துப் பார்வையாளர்களின் எதிர்பார்ப்பையும் ஆவலையும் நொடிக்கு நொடி அதிகரிக்கச் செய்ததுதான் இப்படத்தின் மிகப்பெரிய பலம்.

 காதல் காட்சிகள் கதையின் வேகத்தைக் குறைக்கும். ஆனால், இதில் நாயகி மதுஸ்ரீயை (ஜனனி ஐயர்) நாயகன் கண்காணிக்கும்போதே பிறக்கும் காதல், கதையோடு ஒன்றிப் பயணிக்கும். அந்த காதல் ட்ராக் வெறும் பொழுதுபோக்கிற்காக வைக்கப்படாமல், கதையின் அடுத்தகட்ட நகர்விற்கு மிக முக்கிய காரணியாக இருக்கும்.

 . ஜெயபிரகாஷ், காளி வெங்கட் ஆகியோரின் நடிப்பு கதைக்கு மேலும் பலம் சேர்த்திருக்கும். யார் வில்லன் என்ற தேடலும், இறுதியில் வரும் அந்த திருப்பமும் (Twist) பார்வையாளர்களுக்குச் சிறந்த த்ரில்லர் அனுபவத்தைத் தரும்.