LOVE TALKS - இந்த காதல் பயணங்கள் கவனமானது !

 

நாம் காதலிக்கும் நபர் வேறொருவரை விரும்பிச் செல்லும்போது, அவர்களின் பாதையில் குறுக்கிடாமல் முழுமையாக விலகிச் செல்வதே மிகச் சிறந்த முடிவாகும். காதலை உதாசினப்படுத்திவிட்டு அல்லது பிரிந்து சென்ற பிறகு, எத்தனை முறை கெஞ்சினாலும் அவர்களை மீண்டும் வாழ்க்கைத் துணையாக ஏற்றுக்கொள்ளக் கூடாது என்பதில் உறுதியாக இருப்பது சுயமரியாதைக்கு அவசியமானது. ஆனால், மனித மனம் பல சமயங்களில் இதில் தவறிழைக்கிறது. தங்களுக்கு வேண்டியவர் எப்படியும் திரும்பி வந்துவிடுவார் என்ற ஆசையில், அந்தத் தவறை மீண்டும் செய்து வாழ்க்கைத் துணையாகத் தேர்ந்தெடுத்துவிடுகிறார்கள். உண்மையில், ஒரு பெண்ணின் மனம் என்பது விருப்பப்பட்டால் தன் வாழ்வின் ஒவ்வொரு பக்கத்திலும் தனக்குப் பிடித்தமான விஷயங்களை மட்டுமே நிரப்பிக்கொள்ளும் தன்மை கொண்டது. அதில் மற்றவர்களுக்கு இடமளிக்க விரும்வாது. பிரிந்த பிறகு மீண்டும் காதலை ஏற்கச் சொன்னாலும், அந்தத் தருணத்தில் அவர்களின் மனம் அப்படி சிந்தித்திருக்கலாமே தவிர, எதிர்காலம் என்று வரும்போது அவர்களின் மனநிலை முற்றிலும் மாறுவதற்கான வாய்ப்புகள் அதிகம். ஒரு பெண்ணின் மனதை நூறு பக்கங்கள் கொண்ட ஒரு புத்தகமாகக் கருதினால், அதில் தன் விருப்பத்திற்குரிய விஷயங்களை மட்டுமே எழுதி வைத்துக்கொள்ளும் சுதந்திரம் அவளுக்கு உண்டு. அதனால்தான், ஆரம்பத்தில் உதாசினப்படுத்திவிட்டுப் பின்னர் நிலைமைகள் மாறும்போது மீண்டும் பழைய காதலைத் தேடி வருவது அவர்களின் கணநேர மனநிலையின் வெளிப்பாடாக இருக்கலாம். ஆனால், இந்த மேலோட்டமான உணர்வுகளை மட்டுமே நம்பி நீண்ட கால வாழ்க்கைத் துணையைத் தேர்ந்தெடுப்பது ஆபத்தில் முடியும். எதிர்காலச் சூழ்நிலைகளும் வாழ்க்கையின் யதார்த்தங்களும் மாறும்போது மனது மீண்டும் திசைமாறக்கூடும். எனவே, கடந்த காலத்தில் தன்னை விலக்கிவிட்டுச் சென்ற ஒருவரை, வெறும் தற்காலிக மன மாற்றத்திற்காக மீண்டும் அரவணைப்பது எதிர்காலத்தில் மிகப்பெரிய மன உளைச்சலையும் நிம்மதியின்மையையும் மட்டுமே பரிசளிக்கும். பொதுவா காதல் ரிலேஷன்ஷிப்ல இறங்குற எல்லாரையுமே CASINO ROYALE படம் பார்க்க சொல்லுவேன். அப்படி அந்த படத்துல என்ன இருக்குன்னு சொல்லி தெரியாமல் கேட்பார்கள். நான் கேட்கிறேன் அந்த படத்துல என்னடா இல்லை? 

GENERAL TALKS - சமூக ஊடகங்கள் சரியாக பயன்படுத்தப்பட வேண்டும்

சமூக ஊடகங்களின் தற்காலப் போக்கு ஆழ்ந்த கவலையையும் எரிச்சலையும் ஏற்படுத்துகிறது. ஒரு பணியை முழுமையாகவும் சரியாகவும் செய்து முடிப்பதை விடுத்து, வேண்டுமென்றே அதில் சிறு தவறுகளைச் செய்து, அதனை இணையத்தில் காணொளியாகப் பதிவிடுவதை இன்றைய காலத்தில் பலர் வழக்கமாகக் கொண்டுள்ளனர். காணொளியில் உள்ள அத்தவறைச் சுட்டிக்காட்டி மக்கள் தங்களது கருத்துகளைப் பதிவிடுவதன் மூலம், அந்தப் பக்கத்திற்கான பார்வையாளர்களின் எண்ணிக்கையும் ஈடுபாடும் பன்மடங்கு அதிகரிக்கிறது. பார்வையாளர்களின் கோபத்தைத் தூண்டி அதன் மூலம் கிடைக்கும் கவனத்தையும் வருமானத்தையும் இலக்காகக் கொண்ட இந்த உத்தி 'ரேஜ் பெய்ட்' என்று அழைக்கப்படுகிறது. எதிர்மறையான கருத்துகளையும் விவாதங்களையும் மட்டுமே அல்காரிதம்கள் முன்னிலைப்படுத்தும் சூழலில், இதுபோன்ற ஆரோக்கியமற்ற முறைகள் ஊக்கப்படுத்தப்படுவது வருந்தத்தக்கது. இத்தகைய வணிக நோக்கம் கொண்ட சூழலில், இணையம் எப்போது ஒரு ஆரோக்கியமான தளமாக மாறும் என்ற கேள்வி நம்முள் எழாமல் இல்லை. சமூக ஊடக அல்காரிதம்கள் (Algorithms) எப்போதுமே லைக்குகளை விட கமெண்ட்களை (Comments) மற்றும் ஷேர்களைத்தான் அதிகமாக முன்னிலைப்படுத்துகின்றன. ஒரு வீடியோவில் தவறு இருக்கும்போது, மக்கள் அதைச் சுட்டிக்காட்டி உடனடியாகக் கமெண்ட் செய்வார்கள்; மற்றவர்களுடன் விவாதிப்பார்கள். இது அந்த வீடியோவின் ரீச்சை பல மடங்கு அதிகரித்துவிடும். "கடைசி வரைக்கும் என்னதான் பண்றாங்கன்னு பார்ப்போம்" அல்லது "அந்தத் தவற்றை எப்போது திருத்துகிறார்கள்?" என்ற ஆவலில் மக்கள் வீடியோவை முழுமையாகப் பார்ப்பார்கள். இதுவும் அல்காரிதமுக்குச் சாதகமாக அமைகிறது. நேர்மறையான, பயனுள்ள மற்றும் கடின உழைப்பைக் காட்டும் நல்ல விஷயங்களை விட, இப்படிப்பட்ட எரிச்சலூட்டும் தவறுகளுக்கே இணையத்தில் அதிக வரவேற்பும் விளம்பர வருமானமும் கிடைக்கின்றன. இது படைப்பாளிகளைச் சரியான வழியை விட எளிமையான, தவறான வழிகளைத் தேர்ந்தெடுக்கத் தூண்டுகிறது.

GENERAL TALKS - கருத்து வெளிப்பாடுகள் தாறுமாறு ! [

 

முந்தைய காலங்களில், "நம்ம ஊருக்காரங்க என்ன நினைப்பாங்க?", "மற்றவர்கள் நம்மைப் பற்றி ஏதாவது தப்பாகப் பேசிவிடுவார்களோ?" என்ற பயமும் தயக்கமும்தான் பெரும்பாலானோரை ஒரு ஒழுங்குக்குள் வைத்திருந்தது. ஆனால், இன்றைய டிஜிட்டல் மற்றும் வெளிப்படையான காலகட்டத்தில் நிலைமையே மாறிவிட்டது. எதிரே இருப்பவன் எதைப் பற்றித் தப்பாக நினைப்பானோ, எந்த வம்பில் மாட்டிவிட்டு விடுவானோ என்று ஒவ்வொருவரலாறுமே எச்சரிக்கையோடு, அளந்து பழக வேண்டிய கட்டாயத்திற்குத் தள்ளப்பட்டுள்ளோம்; ஏனென்றால், இன்று எல்லோருக்குமே எல்லாவற்றைப் பற்றியும் எளிதில் தெரிந்துவிடும் சாத்தியங்கள் கொட்டிக் கிடக்கின்றன. கல்வி, கருத்தியல், அறிவுசார் விவாதங்கள் எனத் தொடங்கி, ஒருவருடைய ரசனை, பாணி, மற்றும் தலைமுறை தலைமுறையாக வசதி வாய்ப்புகளோடு வாழ்ந்தவர்களின் பிரத்யேகமான வட்டங்கள் வரை எல்லாமே ஒன்றுக்கொன்று மோதும் பெரும் களமாக இந்த உலகம் மாறிவிட்டது. னைத்து மனிதர்களையும் ஏதோ ஒரு வகையில் நிரூபித்துக் கொண்டே இருக்க வேண்டிய மிகப்பெரிய எலி ஓட்டத்திற்குள்  இந்தச் சிஸ்டம் தள்ளியிருக்கிறது என்பதை எவராலும் மறுக்கவோ மாற்றவோ இயலாது. இன்றைக்குச் சினிமா பிரபலங்கள், விளையாட்டு வீரர்கள், பெரும் கோடீஸ்வரர்கள் மற்றும் இசைத் தயாரிப்பாளர்கள் போன்றோரை மட்டுமே உச்சத்தில் வைத்து நாம் கொண்டாடுகிறோம். அவர்களின் வாழ்க்கை முறை ஒரு மாயத் தோற்றத்தை ஏற்படுத்தி, சாதாரண மனிதர்களைத் தங்களது அன்றாட வாழ்வோடு ஒப்பிட்டுக் கவலைப்பட வைக்கிறது. கலை என்பது உணர்ச்சிகளுக்கும் கற்பனைக்கும் உரியது என்பதால் அதற்கு எல்லைகள் இல்லை; அது சில சமயம் மனிதர்களை ஒருவிதப் பேராசைக்கும் போட்டிக்கும் தள்ளிவிடுகிறது. மாறாக, அறிவியல் என்பது கட்டுப்பாடுகளுக்கு உட்பட்டது, உண்மையானது மற்றும் மனிதகுலத்தின் பாதுகாப்பிற்காக வரையறுக்கப்பட்டது. மக்காகப் போராடும் டாக்டர்கள், புதிய மருந்துகளைக் கண்டுபிடிக்கும் விஞ்ஞானிகள், இன்ஜினியர்கள், காவல்துறையினர் மற்றும் சாமானிய மக்களின் அன்றாடத் தேவைகளைப் பூர்த்தி செய்யும் உழைப்பாளர்கள் தான் உண்மையான கதாநாயகர்கள். நாம் கொண்டாடும் நாயகர்களின் முகங்கள் மாற வேண்டும். சினிமா நட்சத்திரங்களுக்குப் பதிலாக, ஒரு நோய்க்கு மருந்து கண்டுபிடித்த ஆராய்ச்சியாளரையோ அல்லது சமுதாயத்திற்குப் பல வகைகளில் அமைதியாகத் சேவை செய்யும் சாதாரண மனிதர்களையோ நாம் கொண்டாடத் தொடங்கினால், இந்தத் தேவையற்ற எலி ஓட்டமும் போட்டி மனப்பான்மையும் இயற்கையாகவே காணாமல் போய்விடும்!

GENERAL TALKS - யோசிக்க வேண்டும் மக்களே !

 ஒரு கருத்து அல்லது கோட்பாடு எந்தவித கேள்விக்கும் உள்ளாக்கப்படாமல் அப்படியே ஏற்கப்பட வேண்டும் என்று எப்போதாவது வலியுறுத்தப்பட்டால், அதற்குப் பின்னால் அந்தத் தகவலின் பலவீனத்தை மறைக்கும் நோக்கமோ அல்லது அது விவாதிக்கப்பட்டால் உண்மை வெளிவந்துவிடுமோ என்ற பயமோ இருக்கக்கூடும். ஏனெனில், கேள்விகள் கேட்கப்படும்போதுதான் ஒரு சிறிய கருத்து விரிவடைந்து, பல பரிமாணங்களைப் பெற்று, தகுந்த தரவுகளுடன் ஒரு தெளிவான நிலைப் பாட்டை உருவாக்குகிறது. ஆனால், தங்களின் கருத்துக்கள் கேள்விக்குள்ளாக்கப்பட்டு உடைந்துபோய்விடுமோ என்ற அச்சத்தில்தான் பலரும் கேள்விகளையே தடை செய்ய முயல்கிறார்கள். நாம் எந்தவொரு விஷயத்தையும் நம்முடைய உணர்ச்சிகளின் அடிப்படையிலோ அல்லது எவ்வித பகுத்தறிவும் இன்றி கண்மூடித்தனமாக நம்பும்போதோ, அங்கே சார்புநிலைகளும் பாகுபாடுகளும் உருவாகின்றன. உணர்ச்சிகள் ஒருபுறம் தனி மனிதர்களின் விருப்பு வெறுப்புகளுக்கு ஏற்றவாறு வளைந்து கொடுக்கும்; ஆனால் அறிவியல் பார்வையோ எவ்வித பாரபட்சமும் இல்லாமல் உண்மை எதுவோ அதை மட்டுமே துல்லியமாக அளவிடும்.உணர்ச்சிபூர்வமான அல்லது கட்டுப்பாடற்ற நம்பிக்கைகளின் அடிப்படையில் இயங்கும் சிஸ்டம் ஒருபோதும் அனைத்து மக்களுக்கும் சமமான உரிமைகளை வழங்காது. அது ஏதோ ஒரு தரப்பினரின் நலனுக்காக மட்டுமே செயல்படும். மாறாக, அனைவரையும் சமமாக மதிக்கக்கூடிய, நியாயமான உரிமைகளைப் பெற்றுத் தரக்கூடிய ஒரே வழி நம்பகமான அறிவியல் மற்றும் தர்க்கபூர்வமான பார்வை மட்டுமே! இது எல்லாமே ஒரு மாட்ரிக்ஸ் உலகத்துக்குள்ளே வாழ நினைப்பது போல இருக்கிறது மக்களே ! 

MUSIC TALKS - KELVI PIRANDHATHU ANDRU - NALLA BADHIL KIDAITHATHU INDRU - TAMIL SONG LYRICS - VERA LEVEL PAATU !

 

கேள்வி பிறந்தது அன்று நல்ல
பதில் கிடைத்தது இன்று
ஆசை பிறந்தது அன்று
யாவும் நடந்தது இன்று


கேள்வி பிறந்தது அன்று நல்ல
பதில் கிடைத்தது இன்று
ஆசை பிறந்தது அன்று
யாவும் நடந்தது இன்று

ஆண்டான் அடிமை மேலோர்
கீழோர் என்பது மாறாதோ
ஆண்டான் அடிமை மேலோர்
கீழோர் என்பது மாறாதோ

அரசன் இல்லாமல் ஜனங்கள்
ஆளும் காலமும் வாராதோ
என்றொரு காலம் ஏங்கியதுண்டு
இன்று கிடைத்தது பதில் ஒன்று


இன்று எவனும் பேதம் சொன்னால்
இரண்டு வருடம் ஜெயில் உண்டு


கேள்வி பிறந்தது அன்று நல்ல
பதில் கிடைத்தது இன்று
ஆசை பிறந்தது அன்று
யாவும் நடந்தது இன்று


வானத்தில் ஏறி சந்திரமண்டல
வாசலைத் தொடலாமா
வானத்தில் ஏறி சந்திரமண்டல
வாசலைத் தொடலாமா


மாண்டு கிடக்கும் மனிதனின்
மேனி மறுபடி எழலாமா
என்றொரு காலம் ஏங்கியதுண்டு
இன்று கிடைத்தது பதில் ஒன்று
\ஞானம் பிறந்து வானில் பறந்து
மீண்டு வந்தான் உயிர் கொண்டு


கேள்வி பிறந்தது அன்று நல்ல
பதில் கிடைத்தது இன்று
ஆசை பிறந்தது அன்று
யாவும் நடந்தது இன்று

குலமகள் வாழும் இனிய குடும்பம்
கோவிலுக்கிணையாகும்
குலமகள் வாழும் இனிய குடும்பம்
கோவிலுக்கிணையாகும்
குறை தெரியாமல் உறவு கொண்டாலே
வாழ்வும் சுவையாகும்

படித்த மாந்தர் நிறைந்த நாட்டில்
பார்க்கும் யாவும் பொதுவுடமை
நல்ல மனமும் பிள்ளை குணமும்
நமது வீட்டின் தனி உடைமை

கேள்வி பிறந்தது அன்று நல்ல
பதில் கிடைத்தது இன்று
ஆசை பிறந்தது அன்று
யாவும் நடந்தது இன்று

OREY NAALIL PANAM SAMPATHIPPATHU EPPADI ? - SEMMA DETAIL ARTICLE - :) - [REGULATION 2024 - 00083]

1. முன்னதாக "ஒரே நாளில் பணக்காரன் ஆவது எப்படி ?" - இப்படி ஒரு கட்டுரையை நான் எதுக்கு எழுதணும் ? இப்போ என்ன பண்ணணும்னு நான் சொல்லறேன் பணக்காரன் ஆக முடியலாம் . இல்லைன்னா முடியாமல் கூட போகலாம் ஆனால் கண்டிஷன் போடாம உலகம் சொல்லற எல்லா வேலைகளையும் செய்ய முடியுமா ? அதுதான் என்னோட கேள்வி ?  முடியாதுன்னா இப்பவே பின்னாடி போகனும். முடியும்னா மட்டும் கொஞ்சம் கூட யோசிக்காம இந்த கட்டுரையை கவனிக்கவும் ! இந்த விஷயத்தை நான் எதுக்கு சொல்லறேன்னா  இந்த அட்வைஸ் கொடுக்கறேன் ! இந்த அட்வைஸ் யாருமே ஃப்ரீயாக கொடுக்க மாட்டாங்க !! பணம் சம்பாதிக்கறதுல இருக்கற பெரிய பிரச்சனை DARK PATTERNING

2. என்ன படிச்சு இருக்க ? நீதி  , நேர்மை , நியாயம் ! அப்போ சத்தியம் தர்மம் எல்லாம் அரியர்ஸ் வெச்சு இருக்கியா ? 

"ஃபர்ஸ்ட் பேட்ச் ! படிச்சவங்க , பணக்கார ஆடியன்ஸ் , செகண்ட் பேட்ச் , படிப்பு ஒரு அளவுக்குதான் , ஏழை ஆடியன்ஸ் . நான் இந்த கட்டுரையில் இருக்கும் அட்வைஸ்களை இரண்டு தனித்தனி பாகமாக பிரிக்கிறேன் . இந்த இரண்டு ஆடியன்ஸ்ஸும் என்கிட்ட சண்டைக்கு  வரக்கூடாது. பொதுவாக எக்கனாமிக் பேலன்ஸ்ன்னு ஒரு விஷயம் இருக்கு. எங்கேயோ ஒரு இடத்துல தங்க துகள்களும் , வைர கட்டிகளையும் மண்ணுக்குள்ள இருந்து எடுத்து ஒருவர் பணக்காரனாக மாறிவிட்டால் ஒரு விவசாய அமைப்பின் நூறு வருட விளைச்சலை தனி ஒரு ஆளாக வாங்கிவிடாலாம் , அப்போ பவர் எங்க இருக்கு ? பவர் என்ற விஷயம் பொருட்களில் பெரும்பான்மையாகவும் , அறிவுப்பூர்வமான செயல்பாட்டில் கொஞ்சமும் இருக்கிறது. உன்னிடம் பொருட்கள் இருந்தால் மதிப்பார்கள் , பணமாக இருந்தாலும் மதிப்பார்கள் ! இப்போ நான் உன்கிட்ட ஒரே நாளில் பணக்காரன் ஆவது எப்படின்னு சொல்லறேன்னு இந்த கட்டுரையில் சொல்லி இருக்கிறேன். [முக்கியமான குறிப்பு ! என்னை விட வயதானவர்கள் , இல்லையென்றால் உயர் பதவியில் இருப்பவர்கள் நான் ஒருமையில் பேசுவதை தப்பாக நினைக்க வேண்டாம் !! நான் என்னுடைய வயதை விட சின்னவங்களுக்காகதான் இந்த போஸ்ட் எழுதுகிறேன் ! பெரியவர்கள் இந்த போஸ்ட் படித்து தப்பாக எடுத்துக்கொள்ள வேண்டாம். [நான் 30+ வயது உள்ளவன்] 

3. முடியுமா ? முடியாதா ?

1-2 வருஷம் , இல்லைன்னா அதுக்கு மேல நீ வேலை பார்க்கணும் , இல்லைன்னா உனக்கு கீழ வேலை செய்யும் மக்கள் உனக்காக சம்பாதித்து போடணும் !!  முடியாது !! ஆமாம் ஒரே நாளில் முடியாது !! ஆனால் வெறும் 100 வருஷம்ன்னு கணக்கு பண்ணா கூட 36500 நாள்தான் வாழப்போறோம் , 50 வயதுக்கு மேல பணம் சேர்த்தும் எந்த பிரயோசனமும் இல்லை. இதனால நான் சொல்ல வரும் பாயிண்ட் என்னவென்றால் நாம் சேர்க்கும் பணத்தை 40 களுக்குள் ஒரு பகுதியை நாம் தரமாக செலவு பண்ணனும், இப்போ ஒரு இயர்க்கு உன்னோட நெட் பிராஃபிட் 36,50,000 என்றால் பேர் டேக்கு 10,000 சம்பளம் பார்த்த மாதிரிதானே !! அதனாலதான் நான் ஆன்லைன்ல மற்றும் ஆஃப்லைன்ல என்னென்ன வேலைகள் கிடைக்குமோ எல்லாத்துக்குமே உனக்கு பிசினஸ் இண்டராடக்ஷன் கட்டுரைகள் போட்டு அதுக்கு இந்த குறிப்பிட்ட போஸ்ட்டில் HYPERLINK கொடுக்கிறேன். இந்த போஸ்ட் 2 வருடத்தில் பணக்காரன் ஆவது எப்படி என்பது பற்றியதுதான் , ஒரே நாளில் பணக்காரன் ஆக முடியாது !! ஆனால் PER DAY வருமானத்தை உன்னால் உயர்த்த முடியும் !! 

 

இங்கே எதனால் நான் மோட்டிவேஷன் புத்தகம் போல எழுதவில்லை என்றால் பின்வரும் மொக்கையான டெக்ஸ்ட் போல கதையாக சொல்லி ஃபில் அப் பண்ண நான் விரும்பவில்லை :

மொக்கையான டெக்ஸ்ட் ஆன்சர்ஸ் இப்படித்தான் இருக்கும் :

இந்த உலகத்தில் வெற்றியை அடைய வேண்டும் என்றால் நம்முடைய பாதை ஒரு நேரான நேர்க்கோட்டில் செல்லும் அம்பு போல இருக்க வேண்டும். இந்த உலகத்தில் எல்லோருமே நல்லவர்களாக இருந்தால் வாழ்க்கை நன்றாக இருந்திருக்கும் ஆனால் இங்கே இருப்பவர்கள் அனைவருமே நல்லவர்கள் என்று சொல்ல முடியாது. மனித வாழ்க்கையின் உண்மை என்னவென்றால் இந்த வாழ்க்கை என்பது துன்பங்களும் துயரங்களும் நிறைந்தது. மனக்கசப்புகளை கடந்து அனைவரிடமும் அன்பை கொடுக்க வேண்டும். தேவைகள் இருப்பவர்களுக்கு முடிந்த உதவிகளை செய்து வாழும் வாழ்க்கையே ஒரு சிறப்பான வாழ்க்கை என்று சொல்லலாம். ஆனால் போதுமான பணம் இல்லாததால்- உடல்நலம் சார்ந்த குறைபாடுகளால்- மோசமான சூழ்நிலைகள் என நிறைய காரணங்கள் இருக்கலாம்‌. இந்த உலகத்தில் வெற்றியாளர்களை மட்டுமே எல்லோருமே கொண்டாடுகிறார்கள்‌. தோல்வி அடைந்த மனிதர்களுக்கு அந்த தோல்விக்கு பின்னால் நிறைய காரணங்கள் இருக்கிறது. ஆனால் அந்த காரணங்களை பற்றி யாருமே கவலைப்படுவது இல்லை. தோல்வி அடைந்தவர்களை கேட்டுப்பாருங்கள். அவர்களுடைய வாழ்க்கையில் இருக்கும் குறைகள், பிரச்சனைகள் மற்றும் தனிப்பட்ட நிறைய விஷயங்கள்தான் அந்த தோல்விக்கு காரணமாக இருக்கும். வாழ்க்கை ஒரு போராட்டம்தான் - வாழ்வே ஒரு வியாபரம்தான் என்ற வார்த்தைகளை போல இந்த உலகமே மிகவும் மோசமானது. இதனால் ஒரு ஒரு தனிப்பட்ட மனிதரும் வெற்றியை அடைவதற்காக போராட வேண்டும். ஒரு திரைப்படம் அதனுடைய கதைக்களத்தில் மிகப்பெரிய அளவில் ஒரு கற்பனையான பிரபஞ்சத்தை உருவாக்குகிறது. அதுபோலவே கடவுள் எல்லோருக்கும் ஒரு தனிப்பட்ட வாழ்க்கையை கொடுத்துள்ளார். கடவுள் இருக்கிறார். அவரே எல்லோரையும் காப்பாற்றுவார். இந்த உலகத்தில் எல்லோருமே நல்லவர்கள் கிடையாது. கான்செர் போன்ற உயிரை கொல்லும் நோய்கள் இருக்கும்போது இந்த உலகமே வெறுப்பாக இருக்கும், அடுத்த நாள் காலை கண்கள் விழிக்கும்போது வாழ்க்கை நரகமாக இருக்கும், அடுத்த நாள் உயிரோடு இருக்க வேண்டும் என்று வேண்டிக்கொள்வோம், பணம் இல்லாமல் நோயை குணப்படுத்த முடியாத நிலையில் வாழ்க்கை மிகவும் கஷ்டமாக இருக்கும். இந்த  கடவுளின் சோதனைக்கூடமா ? எல்லோருமே கடவுளின் சோதனை எலிகளா ? கடவுள் எல்லோருக்கும் இவ்வளவு கஷ்டத்தையும் வலிகளையும் கொடுக்க காரணம் என்ன ? மனதுக்கு மிகவும் கஷ்டமாக உள்ளது, என்னுடைய மனது பேசக்கூடிய மொழியை இந்த எழுத்துக்களால் மொத்தமாக சொல்லிவிட முடியுமா என்று எனக்கு புரியவில்லை. இல்லை இந்த எழுத்துக்களால் என்னுடைய கடினமான வாழ்க்கையை சொல்ல முடியாது.

இந்த சோதனைகளை எல்லாம் நம்முடைய காலம் எதுக்காக நமக்கு கொடுக்கிறது என்று என்னால் கன்க்ளூஷனுக்கு வரமுடியவில்லை. ஒரு குழந்தை பிறக்கும்போதே அங்க குழந்தைக்கு வாழ்க்கையின் சந்தோஷங்களையும் கஷ்டங்களையும் காலம் கொடுக்க ஆரம்பித்து விடுகிறது. சந்தோஷத்தில் வாழ்ந்துகொண்டு இருந்தால் காலத்துக்கு எதிராக போராடவேண்டிய அவசியமே இல்லை. காலத்தின் போக்கில் சென்றுக்கொண்டு சந்தோஷமாக இருந்துவிடலாம் ஆனால் நாம் வாழ்க்கையில் கஷ்டத்தில் வாழ்ந்துகொண்டு இருந்தால் நம்மை ஒரு இயலாமையில் மட்டும் வாழ்க்கை வைத்து இருக்கிறது. நமக்கென்று ஒரு எல்லைக்கொடு போடப்பட்டு நம்முடைய பணவரவு குறைக்கப்பட்டு சக்திகளுமே குறைக்கப்படுகிறது. இப்படி பணவரவு குறைவதால் அடிப்படையில் மூளையின் செயல்திறன் நன்றாக இருந்தாலும் நம்முடைய நல்ல திட்டங்களை செயல்பாட்டுக்கு கொண்டுவரும் முயற்சிகளாக நாம் எடுக்கும் முயற்சிகள் அனைத்தும் கானல் நீராக கரைந்துவிடுகிறது. நம்மிடம் இருக்கும் கொஞ்சம் பணமுமே நம்முடைய வாழ்க்கையில் கரைந்துவிட்டால் நமக்காக எந்த சப்போர்ட்டுமே இல்லாமல் தனித்து மோதவேண்டிய கடினமாக நிலையில் மாட்டிக்கொள்கிறோம். கஷ்டத்தில் இருப்பவர்களுக்கு பணத்தை கொடுத்தால் பணம் நிறைய விஷயங்களில் அவர்களுடைய வாழ்க்கையை முன்னேற்றம் அடைய வைக்கிறது. 

THIS IS LIFE !! I THINK !!! - இதுதான் வாழ்க்கை !! [REGULATION 2024 - 00082]

ஒரு மாலை நேரம், செப்டெம்பர் மாதத்தின் மழைப்பொழிவு முடிந்து கொஞ்சம் தூறல் விட்டுக்கொண்டு இருந்தது. பேருந்தில் இருந்து இறங்கியதும் ஒரு கடையில் தேநீர் சாப்பிடும்போது கிரிக்கெட்- சாலை நெரிசல்- இன்றைய வானிலை நிலவரம் என்று எக்கச்சக்கமான தகவல்கள் அந்த வானொலியில் கேட்டுக்கொண்டு இருக்கும். அந்த ரேடியோவில் ஒரு பாட்டு கேட்கும். "இரு விழி உனது.. இமைகளும் உனது.. கனவுகள் மட்டும் எனதே எனது.. நாட்கள் நீளுதே.. நீ எங்கோ போனதும். ஏன் தண்டனை நான் இங்கே வாழ்வதும்.. ஓஹோ ஹோ ஒரே ஞாபகம்.. ஓஹோ ஹோ.. உந்தன் ஞாபகம்.. காதல் காயம் நேரும்போது தூக்கம் இங்கு ஏது ? ஒரே ஞாபகம்.. ஒரே ஞாபகம். இங்கதான் ஒரு அன்பான கணவர் வேலை விஷயமாக வெளியூர் போக்கும்போதும் அங்கே தங்கும்போதும் மனைவியையும் குடும்பத்தையும் பிரிந்து வாழும் அந்த வாழ்க்கையின் நேசம் புரியும்..போதுமான அளவு பணம் இருந்தால் சொந்த ஊரில் ஒரு மளிகை கடையாவது வைத்து வாழ்க்கையில் சந்தோஷமாக இருக்கலாம். குழந்தைகள் கிரிக்கெட் விளையாடுவதை ரசிக்கலாம். தீபாவளியும் பொங்கலும் வரும்போது திரைப்படங்கள் பார்க்கலாம். பலகாரம் செய்து சாப்பிடலாம். இது எல்லாமே கொஞ்சம் அதிக சம்பளத்துக்காக முயற்சி செய்யும்போது உருவாக்கக்கூடிய பிரிவு.. இந்த பிரிவு ஒன்றும் அவ்வளவு சுலபமான விஷயம் அல்ல.. தொலை தூரத்தில் வேலை செய்யும்போதுதான் இந்த வாழ்க்கையில் ஒரு இனம் புரியாத உணர்வு உருவாகும்.. மழையில் ரைன் கோர்ட் போட்டுட்டு பைக்ல் இருந்து வீட்டுக்கு வந்தாலும் அந்த குளிரை தாங்கிக்கொள்ள முடியாதது போல ஒரு உணர்வு. இரவும் பகலும் வெயிலும் மழையும் என்னை ஒன்றும் செய்யாது என்ற உணர்வு. உடல் நிலை சரியில்லாதபோதெல்லாம் மாத்திரைகளும் மருந்துகளும் மட்டுமே இருக்கும்போது ஒரு தனிமையான உணர்வு. மனதுக்கு பட்டதை எல்லாம் பேச முடியாத ஒரு இடத்தில் மனம் விட்டு எல்லாமே சொல்லிவிட முடியாத மனிதர்களிடம் ஒரு ஸ்டிரேஞ்சான உணர்வு. பணம் இருந்தால் சிவாஜி படத்தில் இடம்பெற்ற சஹானா பாடல் அளவுக்கு ஒரு வாழ்க்கையை யாருமே விரும்ப மாட்டார்கள். ஒரு எளிமையான வாழ்க்கை.. ஒரு வீடு.. ஒரு பைக்..பக்கத்தில் ஒரு மளிகை கடை..தள்ளுபடி கொடுக்கும் ஒரு துணிக்கடை , கொஞ்சம் தூரத்தில் ஒரு பள்ளிக்கூடம், இன்னும் கொஞ்சம் தூரத்தில் ஒரு நல்ல ஹாஸ்பிடல் , முடிந்தால் ஒரு பஸ் ஸ்டாப் என்று அவ்வளவுதான் வாழ்க்கையில் இது இருந்தால் போதுமே.. இந்த வார்த்தைகளை படிக்கும் யாராக இருந்தாலும் குடும்பத்தை விட்டுவிட்டு வெளியூரில் தங்கியிருந்து வேலை பார்க்கும்போது இருக்கும் நினைவுகள் இருந்தால் அப்படி யாரேனும் இருந்தால் அவர்களுடைய அனுபவங்களை கேட்டுப் பாருங்கள். அனைவரும் நலமாக இருக்க இறைவனிடம் வேண்டிக்கொள்ளுங்கள். உங்களால் இந்த உணர்வை புரிந்துகொள்ள முடிகிறதா? நேசிபபவர்களிடம் இருந்து தொலைவில் வாழ்வது கடினமானது மட்டுமல்ல மோசமானது. இங்கே என்னுடைய இத்தனை வருடங்களின் வாழ்க்கையில் இதுபோன்ற சின்ன சின்ன உணர்வுகளும் சம்பவங்களும்  மட்டுமே வாழ்க்கைக்கு ஒரு அருமையான நினைவுகளின் களஞ்சியத்தை கொடுக்கிறது. !!