STORY TALKS - ஒவ்வொருவருக்கும் ஒவ்வொரு பிரச்சனை !

 

\

அந்த மாலை பேருந்து நெரிசலுடன் இருந்தது. அலுவலக ஊழியர்கள், மாணவர்கள், சோர்வடைந்த பயணிகள் அனைவரும் தங்கள் உரையாடல்களில் மூழ்கியிருந்தனர். ஆனால் கடைசி இருக்கையில் ஒரு முதியவர் அமைதியாக அமர்ந்திருந்தார். அவர் எப்போதும் யாரிடமும் பேசுவதில்லை; சாளரத்துக்கு வெளியே பார்த்துக் கொண்டே, தனக்குள் மூழ்கியவாறு இருந்தார். வழக்கமாகப் பயணிக்கும் மக்கள் அவரை “அமைதியானவர்” என்று மட்டுமே நினைத்தனர்.

ஒரு நாள், பேருந்து திடீரென குலுங்கியபோது, கதவின் அருகே நின்றிருந்த இளம் பெண் திடீரென மங்கலாகி, மயங்கி விழப்போல் தோன்றினாள். இன்னும் யாரும் கவனிக்குமுன், அந்த அமைதியான முதியவர் திடீரென எழுந்து, அவளை விரைவாகப் பிடித்து, மெதுவாக இருக்கையில் அமர்த்தினார். தரையில் விழுந்து தலையில் அடிபடாமல் காப்பாற்றினார். மற்ற பயணிகள் அதிர்ச்சியடைந்தனர்—அவரது வேகமான செயலும், எதிர்பாராத கருணையும் அனைவரையும் வியக்க வைத்தது.

அவரிடம், “இவ்வளவு சீக்கிரம் எப்படி உதவ முடிந்தது?” என்று கேட்டனர். முதியவரின் கண்கள் நினைவுகளால் கனத்தன. அவர் சொன்னார்: “ஐந்து வருடங்களுக்கு முன், நான் பேருந்தில் பயணிக்கும் போது மயங்கி விழுந்தேன். யாரும் உதவவில்லை. தரையில் விழுந்து, தலையில் பிளவு ஏற்பட்டது. ஐந்து நீண்ட ஆண்டுகள் மருத்துவமனையில் கோமாவில் படுத்திருந்தேன். அது என் வாழ்க்கையின் மிகக் கடினமான காலம். அதனால் தான், யாராவது உதவி தேவைப்படும்போது நான் காத்திருக்க முடியாது. உடனே உதவ வேண்டும். தயக்கம் செய்யாதீர்கள்.

ஒரு நொடிக் கருணை, ஒரு வாழ்நாள் துன்பத்தைத் தவிர்க்க உதவும்.” அவரது வார்த்தைகள் பேருந்தில் ஒலித்தன; பயணிகள் அனைவரும் சிந்தனையில் மூழ்கினர். அந்த நாளிலிருந்து, அந்த அமைதியான முதியவர், “பின்புறம் அமர்ந்திருக்கும் பயணி” என்பதற்கும் மேல் கருணை சரியான நேரத்தில் காட்டப்படும்போது வாழ்க்கையை மாற்றும் என்பதற்கான உயிரோட்டமான நினைவாக மாறினார்.

STORY TALKS - நல்ல மனிதர்கள் நல்ல வாழ்க்கை !

கௌஷிக் தனது மனைவி ஜெனிஃபருடன் மத போதனை அமர்வில் கலந்து கொண்டிருந்தார். சில நிமிடங்கள் அமைதியாக, போதகர் உரை அந்த அறையில் ஒலித்துக் கொண்டிருந்தது. அப்போது எதுவும் நிகழவில்லை. ஆனால் அடுத்த கணத்தில் கௌஷிக்கின் கைப்பேசி ஒலித்தது.

அவரது அலுவலகத்திலிருந்து பலரும் அவசரமான, முக்கியமான விஷயத்திற்காக தொடர்ந்து அழைத்துக் கொண்டிருந்தார்கள். அந்த நேரத்தில் அவர் போனை முற்றிலும் அணைத்துவிடவும் முடியவில்லை; எடுத்துப் பேசவும் இயலவில்லை. மத போதனை முடியும் வரை மரியாதையுடன் காத்திருக்க வேண்டிய நிலை ஏற்பட்டது.

அவர் முக்கியமான செய்திகளை எதிர்பார்த்துக் கொண்டிருந்ததால், தனது தொலைபேசியை அமைதியாக சைலன்ட் முறையில் வைக்காமல், அதிர்வு முறையில் வைப்ரேஷன் மோடில் வைத்திருந்தார். இருப்பினும், அந்த லேசான அதிர்வு கூட அந்தப் போதகருக்கு மிகுந்த தொந்தரவாக இருந்தது.'

அந்த மத போதகர் கோபத்தின் உச்சிக்குச் சென்றார். அவர் எங்கள் கூட்டத்தில் இருந்தபோது, சைத்தானின் பாதையை சென்று ​​தன் தொலைபேசி மூலம் தன்னைத் தொந்தரவு செய்தவர் யார் என்று கோபமாகத் தெரிந்துகொள்ள விரும்பினார். சத்தமாக கத்திவிட்டார்,  கௌஷிக் வெட்கத்தால் தலைகுனிந்தான், அவனது மனைவி ஜெனிஃபர் அவனை கடுமையாகக் கடிந்துகொண்டு, "நீ என்னை மிகவும் அவமானப்படுத்திவிட்டாய் கௌசிக். இத்தனை பேர் முன்னிலையில் எங்கள் குடும்பத்தின் பெயரைக் கெடுத்துவிட்டாய். இப்போது உனக்குச் சந்தோஷமா?" என்று கேட்டாள்.

தன் மனைவியை வீட்டுக்கு வந்த பின்னாலும் சமாதானம் செய்ய முடியாததால், கௌஷிக் மனமுடைந்து மிகுந்த வேதனை அடைந்தான். தன் மனைவியின் ஆசைகளை நிறைவேற்ற முடியாத தனது இயலாமையால் வருந்தி, அவன் ஒரு மதுக்கடைக்குச் சென்றான். அங்கே, நடந்த நிகழ்வுகள் மீண்டும் மீண்டும் அவன் மனதில் ஓடிக்கொண்டிருந்தன, அது அவனுக்கு அளவற்ற துயரத்தை ஏற்படுத்தியது.

பலர் மதுக்கடையில் குடித்துக்கொண்டிருந்தபோது, ​​கௌஷிக் தனது மதுக் கோப்பையைக் கீழே போட்டுவிட்டார். அந்தக் கோப்பை உடைந்து முற்றிலும் சிதறியது. அதன் விளைவாக, அதன் சில துண்டுகள் அவருக்குப் பக்கத்தில் அமர்ந்திருந்த ஒரு கோபமான உயரமான காவல்துறை அதிகாரியின் சீருடையில் தெறித்தன.

இதயம் நொறுங்கியவனாகவும் மனச்சோர்வுடனும் அங்கே அமர்ந்திருந்த அவன் இப்படி ஒரு விஷயம் நடந்ததும் காவல் துறை அதிகாரி கோபப்பட போகிறார் என்று நினைத்து தனக்கு அது ஒரு முற்றிலும் மோசமான நாள் என்று தனக்குள்ளேயே முணுமுணுத்துக்கொண்டிருந்தபோது, ​​அந்தப் போலீஸ் அதிகாரி அவனை அணுகி, "பரவாயில்லை நண்பா, ஒன்றும் பிரச்சனை இல்லை. இதுபோன்ற விஷயங்கள் அடிக்கடி நடப்பதுதான்" என்று உற்சாகமாகப் பேசத் தொடங்கினார். 

அவர் தொடர்ந்து பல நகைச்சுவைகளைச் சொல்லி, அந்தச் சூழல் முழுவதையும் வேடிக்கையானதாக மாற்றினார். அவர் தனது சொந்த வாழ்க்கை மற்றும் தனிப்பட்ட போராட்டங்களைப் பற்றிய கதைகளையும் பகிர்ந்துகொண்டார், மேலும் அந்தச் செயல்பாட்டில் தனக்கென சில நண்பர்களையும் உருவாக்கிக்கொண்டார்.

அடுத்த ஐந்து நிமிடங்களுக்குள், பாரில் பணிபுரியும் ஊழியர்களில் சிலர் உடனடியாக அந்த இடத்திற்கு வந்து, அதை மிக நேர்த்தியாகச் சுத்தம் செய்தனர். பானங்களை வழங்கிய பணியாளரும், இதுபோன்ற சம்பவங்கள் சகஜம் என்று கூறி கௌசிக்கின் கவலையைப் புறக்கணித்தார். இருப்பினும், அவர் விலையில் ஒரு சிறிய தொகையை கூடுதலாகச் சேர்த்துவிட்டு, அதோடு விட்டுவிட்டார்.

போலீஸ் அதிகாரி, கௌசிக்கின் மீது கோபப்படாமல் நடந்த சம்பவங்களை கௌசிக் சொல்ல அந்த  வார்த்தைகளைக் கேட்டு, அவனிடம் அன்புடன் பேசி, அவனுக்கு நண்பராகவே ஆகிவிட்டார். மேலும், அந்தக் கலகலப்பு பேச்சு குழு வாரத்துக்கு வாரம் பல புதிய நண்பர்களையும் பெற்றது. அந்த வருடத்தில் அந்த மது விடுதி பிரிமியம் உயர்தர ரெஸ்டாரண்ட் போலவே இந்த வாரத்துக்கு ஒருமுறை சந்திக்கும் நண்பர்கள் கூட்டத்தால் வளர்ந்து உருவானது. 

மத போதனை வகுப்பில் எந்த மாற்றமும் இல்லை. அதே போதனைகளே மீண்டும் மீண்டும் போதிக்கப்பட்டன. அதேபோல், அனைவரும் வாராவாரம் தொடர்ந்து வந்துகொண்டிருந்தனர். அவர்கள் அதே வார்த்தைகளைத் திரும்பத் திரும்பக் கேட்டு, அமைதியாகத் தலையசைத்துவிட்டுச் சென்றுவிடுவார்கள்.

அந்த நாளில் கௌசிக்கின் மனைவி அவனைப் பார்த்து ஆச்சரியத்துடன், "கடந்த ஒரு வருடமாக நீங்கள் ஏன் தேவாலயத்திற்கு வருவதில்லை? நீங்கள் எந்த மத வழிபாடுகளிலும் கலந்துகொள்வதில்லை அல்லது பங்கேற்பதில்லை. ஆனால், நீங்கள் ஒவ்வொரு வாரமும் செல்லும் அந்த மதுக்கூடம் உங்களுக்கு மிகவும் பொருத்தமானதாகத் தெரிகிறது," என்று கேட்டாள்.

அவர் பதிலளித்தார், "போதனைகளில் விவரிக்கப்பட்டுள்ளபடி, போலியாக கண்டிப்பு கட்டுப்பாடு இல்லாமல் உண்மையாக நேர்மையாக அன்பு செலுத்தும் மக்களும் ஆதரவாக மனித நேயத்தோடு நடக்கும் நண்பர்கள் குழுவும் இருக்கும் ஒரு இடம் புனிதமான இடமாகக் கருதப்பட்டால், அந்த மதுக்கூடம் எனக்கு ஒரு புனிதமான இடம்தான்," என்று கூறிவிட்டு, மீண்டும் தனது வேலையைத் தொடர்ந்தார்.

GENERAL TALKS - சூரியனும் நிலவும் என்று இரு மனங்கள் !

 

நம் கதாநாயகன் கடைக்குள் நுழைந்தவுடன், அவன் மனதில் ஓர் இசை ஒலிக்கிறது போல. நெய் வழியும் பருப்பு சாதம், மொறுமொறுப்பான மசாலா தோசை, பக்கத்தில் மீன் குழம்பு - ஒரு மனிதனுக்கு, தனக்குப் பிடித்த உணவைச் சாப்பிடும் நாள் கிட்டத்தட்ட ஒரு திருவிழா போன்றது. அது அவனுக்கு மிகுந்த மகிழ்ச்சியைத் தரும் ஒரு விஷயம். ஒவ்வொரு கவ்விலும் அவன் வாழ்க்கையின் சின்ன சின்ன கவலைகள் கரைந்து போகின்றன. சாதத்தில் நெய் அதிகமா இருந்தால், அது அவனுக்கு “ஜாக்பாட்” கிடைத்தது போல. தோசையின் ஓரம் சற்று மொருமொருப்பாக சாம்பாரில் மிதமான நனைந்து இருந்தால், அது அவனுக்கு “போனஸ் லெவல்” அன்லாக் ஆனது போல இருக்கும் மக்களே (சோலோ லெவல்லிங் அனிமேஷன் தொடர் பாருங்கள்) ஆண்களின் மனநிலை இப்படித்தான் சாப்பாட்டில் கிடைக்கும் சின்ன சின்ன சுகமே அவர்களுக்கு பெரிய மகிழ்ச்சி. ஒரு நல்ல உணவு, ஒரு நல்ல தூக்கம், ஒரு நல்ல சினிமா—இதுவே அவர்களின் “அதிகபட்ச நெருப்பு பறக்கும் இலட்சியம்.” ஆனால் பெண்களின் மனநிலை வேறுபட்டது. அவர்களுக்கு சாப்பாடு மட்டும் போதாது; அதோடு சேர்ந்து “என்னை யாராவது கவனிக்கிறார்களா?” என்ற கேள்விக்கும் பதில் வேண்டும். அவர்கள் விரும்புவது பொருள் சார்ந்த விஷயங்களும் தான் புதிய உடை, அழகான ஆபரணம், சின்ன சின்ன பரிசுகள். ஆனால் அதற்கும் மேலாக, அவர்களின் உணர்வுகளுக்கு மதிப்பு கொடுக்கப்பட வேண்டும் என்பதே அவர்களின் உண்மையான ஆசை. அதனால் தான், ஆண்கள் “சாப்பாடு கிடைத்தா, சொர்க்கத்துக்கு விசிட் அடிப்பதாக சந்தோஷ சாரல்” என்று நினைத்துக் கொண்டிருக்கும்போது, பெண்கள் “சாப்பாடு நல்லா இருந்தாலும், யாராவது என்னை புரிந்துகொள்கிறார்களா?” என்று எதிர்பார்க்கிறார்கள். இது சண்டை அல்ல, இது இயல்பான வேறுபாடு. ஆண்களுக்கு நெய் நிறைந்த சாதம் என்றால் மகிழ்ச்சி, பெண்களுக்கு உணர்வுகளை மதிக்கும் ஒருவரின் அன்பு , ஆதரவு, தொடுதல், மற்றும் பாதுகாப்பு தான் அதிகபட்ச மகிழ்ச்சி. சாப்பாடு வயிற்றை நிரப்பும்; ஆனால் கவனமும் அன்பும் தான் மனதை நிரப்பும். பெண்களின் மனம் என்பது எல்லையற்ற ஆசைகளும் கனவுகளும் நிறைந்த ஒரு புத்தகம், மக்களே. ஒரு பெண்ணின் மனதைப் புரிந்துகொள்ளப் புறப்பட்ட அனைவரும், தாங்கள் வயதாகிவிட்டதாகக் கூறி, நரைத்த முடியுடன் திரும்பி வந்துள்ளனர்.

SPECIAL TALKS - உலகத்தின் கடைசி நாள் இன்றுதானா ?

இந்தக் காலகட்டத்தில், நாம் வாங்கக்கூடிய நிறுவனங்களின் பொருட்களின் மூலமாகவே நமது சுயமதிப்பை முதன்மையாகப் பெறுகிறோம். நாம் அதிக விலையில் உயர்தரப் பொருட்களை வாங்கினால், நமது சமூக அந்தஸ்து மற்றொரு நிலைக்கு உயர்த்தப்படுகிறது. மாறாக, நாம் போதுமான செல்வத்தைச் சேர்க்கத் தவறினால், எப்போதும் நிதி நெருக்கடியில் இருந்தால், வாழ்க்கையின் எந்த இன்பங்களையும் அனுபவிக்க முடியாத ஒரு பரிதாபகரமான சூழ்நிலையில் சிக்கிக்கொள்வோம். உலகம் இன்று வளங்களுக்காகச் சண்டையிடுகிறது என்பதற்குப் பின்னால் மிகப் பெரிய சமூக-அரசியல் உண்மை உள்ளது. நிலம், நீர், காற்று, கனிமங்கள் போன்ற இயற்கை வளங்கள் மனிதகுலத்தின் பொதுச் சொத்தாக இருக்க வேண்டியவை. ஆனால் தொழில்துறை புரட்சிக்குப் பிறகு, சட்டங்களும் பொருளாதார அமைப்புகளும் பெருநிறுவனங்களுக்கு சாதகமாக மாறின. இதனால், மக்கள் தங்கள் வாழ்வாதாரத்திற்குத் தேவையான வளங்களை நேரடியாகப் பயன்படுத்த முடியாமல், நிறுவனங்களின் கட்டுப்பாட்டில் உள்ள பொருட்களை வாங்க வேண்டிய நிலைக்கு தள்ளப்பட்டனர். இந்த மாற்றம் நுகர்வோர் கலாச்சாரத்தை உருவாக்கியது. இயற்கையாகக் கிடைக்க வேண்டிய அடிப்படை தேவைகள் கூட சந்தையில் விற்கப்படும் பொருட்களாக மாறின. உதாரணமாக, குடிநீர்  ஒருகாலத்தில் அனைவருக்கும் இலவசமாகக் கிடைத்தது இன்று பாட்டிலில் அடைக்கப்பட்டு விற்கப்படுகிறது. அதேபோல், உணவு, மருத்துவம், கல்வி போன்ற அடிப்படை உரிமைகள் கூட பெருநிறுவனங்களின் வணிகப் பொருட்களாக மாறி விட்டன. மக்கள் தங்கள் வாழ்வாதாரத்தைப் பாதுகாக்கும் உரிமையை இழந்து, “வாங்குபவர்” என்ற அடையாளத்தில் மட்டுமே சுருங்கி விட்டனர் ஆனால் இந்த நுகர்வோர் கலாச்சாரம் தான் நம்மிடம் நல்ல விஷயம் மக்களே. இதுதான் ஒரு தனித்த மக்களாட்சியான ஒரு அமைப்பை ஏற்படுத்துகிறது. அதனை விட்டுவிட்டு யார் வேண்டுமென்றாலும் எந்த பொருளுக்கு வேண்டும் என்றாலும் சண்டை போடலாம் என்ற மாதிரியான பழைய ஆதிகாலத்து சிஸ்டத்தையெல்லாம் கொண்டுவந்து வைத்துவிட்டால் யாருக்கு பலம் அதிகமாக இருக்கிறதோ அவர்கள்தான் பஞ்சாயத்தில் உட்காருவார்கள் எல்லாவற்றிற்கும் உரிமை கோராமல், நம் வாழ்வில் பணமும் உடைமைகளும் மாறி மாறி வரும்போது, ​​நாம் வாழ்க்கையில் அர்த்தத்தைக் கண்டறிகிறோம், மேலும் நமது முயற்சிகளுக்கு அங்கீகாரமும் பெறுகிறோம். இது சாதாரண விஷயமல்ல, நண்பர்களே. இது ஒருவித மாயவலை. ஆனால், நீங்கள் இதில் சிக்கி, பின்னர் இந்தச் சூழ்நிலையிலிருந்து வெளியே வர வேண்டும். இந்த மேட்ரிக்ஸ்ஸிலிருந்து நீங்கள் வெளியே வந்தால் தான் இந்த உலகத்தோட சிஸ்டத்தை நீங்கள் புரிந்து கொள்ள முடியும். அப்படி புரிந்து கொள்வதால் உங்களுக்கு பிரயோஜனம் என்று எந்த விஷயமும் இருக்காது. ஆனால் நீங்கள் மற்றவர்களைவிட கொஞ்சம் ஸ்மார்ட்டாக யோசிக்க இது உதவும்.

GENERAL TALKS - இவர்களுடைய கண்ணோட்டமே வேறானது !

 

சில மனிதர்கள் தங்கள் வாழ்க்கையை முன்னேற்றிக் கொள்ளாமல், மற்றவர்களின் முன்னேற்றத்தையும் தடுக்க முயல்கிறார்கள். அவர்களின் கண்களில் உலகமே ஒரு போட்டி அரங்கம் போலத் தெரிகிறது. யாராவது சிறிது முன்னேறினால், உடனே அவர்களைப் பொறாமைப்படுவார்கள்; யாராவது தவறினால், அதைப் பார்த்து கேலி செய்வார்கள். அவர்களுக்கு மற்றவர்களின் சாதனை ஒரு கசப்பான மருந்து, மற்றவர்களின் தோல்வி ஒரு இனிப்பான பண்டம்.

இவர்கள் வாழ்வின் நோக்கம் வளர்ச்சி அல்ல, மற்றவர்களின் வளர்ச்சியைத் தடுக்கவே. "நான் முன்னேற முடியவில்லை, நீயும் முன்னேறக் கூடாது" என்ற மனநிலை இவர்களின் அடிப்படை. தங்களால் எதுவும் சாதிக்க முடியாததால், மற்றவர்களின் சாதனையை குறைத்து மதிப்பிடுவார்கள். "அவன் வெற்றி பெற்றான், ஆனால் அதெல்லாம் அதிர்ஷ்டம் தான்" என்று சொல்லி, மற்றவர்களின் உழைப்பை கேலி செய்வார்கள்.

உண்மையில், இவர்களின் வாழ்க்கை ஒரு வெறுமையான மேடை. அங்கே சிரிப்பும், கேலியும், பொறாமையும் தான் நாடகம். தங்களின் திறமையின்மையை மறைக்க, மற்றவர்களின் திறமையை இழிவுபடுத்துவார்கள். உலகம் முழுவதையும் கிண்டல் செய்யும் இவர்களின் மனநிலை, அவர்களை ஒருபோதும் உயர்த்தாது. ஆனால், மற்றவர்களின் வெற்றியைப் பார்த்து எரிந்து கொண்டிருப்பதே இவர்களின் ஒரே "பொழுதுபோக்கு"

வாழ்க்கையில் நீங்கள் தவிர்க்க முடியாமல் இது போன்ற மனிதர்களைச் சந்திப்பீர்கள். அவர்களை நீங்கள் எதிர்கொள்ள வேண்டியிருக்கும். நாம் அவர்களை சாதாரணமாகப் புறக்கணித்துவிட முடியாது. அவர்களும் நம்மைப் புறக்கணிக்க விட மாட்டார்கள். அவர்களுடன் போட்டியிடுவதை நமது விதியாக ஏற்றுக்கொண்டு, இந்தச் போராட்டத்தில் ஈடுபட வேண்டும் என்று நமது வாழ்க்கையே நம்மிடம் கோரினால், அப்போது நினைத்துப் பாருங்கள்!

CINEMA TALKS - THE LEGEND OF TARZAN - TAMIL REVIEW - திரை விமர்சனம் !

 

The Legend of Tarzan கதை, ஆப்பிரிக்கக் காட்டில் வளர்ந்த டார்சன் (Alexander Skarsgård) தனது மனைவி ஜேன் (Margot Robbie) உடன் லண்டனில் அமைதியான வாழ்க்கை வாழும் நிலையில் தொடங்குகிறது. ஆனால், காங்கோவில் நடக்கும் சதிகள் காரணமாக அவர் மீண்டும் தனது பிறப்பிடமான காட்டிற்கு திரும்ப வேண்டிய சூழல் உருவாகிறது. அங்கு, கொடூரமான வணிகர் லியோன் ரோம் (Christoph Waltz) ஆப்பிரிக்க வளங்களை சுரண்டி, மக்களை அடிமைப்படுத்த முயல்கிறார். டார்சன், தனது விலங்கு நண்பர்கள் மற்றும் பழங்குடியினருடன் இணைந்து, ரோமின் திட்டங்களை முறியடிக்கிறார். ஜேன் கூட போராட்டத்தில் முக்கிய பங்கு வகிக்கிறார். இறுதியில், டார்சன் தனது வலிமை, அறிவு, மற்றும் காட்டின் ஆதரவால் எதிரிகளை வென்று, ஆப்பிரிக்க மக்களை விடுவிக்கிறார். இப்படம், டார்சனின் அடையாளம், காதல், மற்றும் இயற்கையுடன் கொண்ட உறவை வலியுறுத்தும் சாகசமாக அமைகிறது ஆப்பிரிக்கக் காட்டின் இயற்கை அழகை அழகாகப் பதிவு செய்திருப்பது இந்த கதைக்கு முக்கியமான பிளஸ் பாயிண்ட், டார்சனின் விலங்குகள் நிறைந்த காடுகளில் வாழ்ந்த வாழ்க்கையால் கிடைத்த பயிற்சிகள் மற்றும் அபார சக்தி மற்றும் போராட்ட காட்சிகள் பார்வையாளர்களை ஈர்க்கும். மேலும், டார்சன் ஜேன் காதல் மற்றும் உணர்ச்சி பூர்வமான தருணங்கள் கதைக்கு உயிரூட்டுகின்றன. சிறுவர்களுக்கான ஒரு அனிமேஷன் தொடரிலிருந்து எடுக்கப்பட்ட கதை இது. இதை இவ்வளவு நுட்பமான காதல் மற்றும் அதிரடி நிறைந்த கதையாக மாற்றினால், அது நிச்சயமாக முற்றிலும் மாறுபட்டதாக இருக்கும். ஆனால், பாதகமாக, கதை சொல்லும் விதம் சில இடங்களில் மந்தமாகவும் கணிப்பிடக்கூடியதாகவும் தோன்றுகிறது; வில்லன் லியோன் ரோம் மிக வலிமையான எதிரியாக உருவாக்கப்படவில்லை என்பதால் சஸ்பென்ஸ் குறைகிறது. மொத்தத்தில், படம் காட்சிப்பூர்வமாக கவர்ச்சிகரமாக இருந்தாலும், கதை மற்றும் கதாபாத்திர வளர்ச்சியில் ஆழம் குறைவதால் கலவையான விமர்சனங்களை பெற்றது

CINEMA TALKS - THE BOOK OF ELI - TAMIL REVIEW - திரை விமர்சனம் !

அணு பேரழிவுக்குப் பிறகு 30 ஆண்டுகள் கழித்து, உலகம் வெறிச்சோடிய பாலைவனமாக மாறுகிறது; உணவு, தண்ணீர், ஒழுங்கு அனைத்தும் அரிதாகின்றன. இந்த சூழலில், எலி (Denzel Washington) என்ற தனிமையான பயணி, மேற்குத் திசை நோக்கி நடந்து செல்கிறார். அவரை வழிநடத்துவது அவரது நம்பிக்கை மற்றும் உள்ளார்ந்த குரல். எலியின் கையில் ஒரு தனித்துவமான புத்தகம் உள்ளது — பைபிளின் கடைசி பிரதியாகும் அதை பாதுகாப்பாக மேற்குக் கரைக்கு கொண்டு செல்ல வேண்டும் என்ற பணி அவருக்கு உள்ளது.எலி, அசாதாரணமான போர்திறன் கொண்டவர்; கொள்ளையர்கள், கும்பல்களை எதிர்த்து உயிர் பிழைக்கிறார். ஆனால் அவரது பயணம் வெறும் உயிர் பிழைப்புக்காக அல்ல; அந்த புனித புத்தகத்தை எந்த விலைக்கும் காப்பாற்ற வேண்டும் என்பதே அவரது நோக்கம். ஒரு நகரத்தில் அவர் கார்னெகி (Gary Oldman) என்ற கொடூரமான தலைவரை சந்திக்கிறார். மதத்தின் சக்தியைப் பயன்படுத்தி மக்களை கட்டுப்படுத்த வேண்டும் என்ற ஆசையால் கார்னெகி அந்த புத்தகத்தை கைப்பற்ற முயல்கிறார். எலி, சோலாரா (Mila Kunis) என்ற இளம் பெண்ணுடன் தப்பி, கடினமான பயணத்தை தொடர்கிறார். கடுமையாக காயமடைந்தாலும், தனது பணி மீது அவர் கொண்ட நம்பிக்கை குறையவில்லை. இறுதியில், எலி பார்வையற்றவர் என்பதும், பைபிளின் முழு உள்ளடக்கத்தையும் மனப்பாடமாக வைத்திருப்பதும் வெளிப்படுகிறது. கார்னெகி புத்தகத்தைப் பெற்றாலும், அதை பயன்படுத்த முடியாது; ஏனெனில் எலி, சான் பிரான்சிஸ்கோவில் உள்ள அறிஞர்களிடம் பைபிளை முழுமையாக உச்சரித்து வழங்குகிறார். தனது பணி நிறைவேறிய பிறகு எலி உயிரிழக்கிறார், ஆனால் சோலாரா அவரது பாதையைத் தொடர முடிவு செய்கிறார். இப்படத்தின் முடிவு, நம்பிக்கை, அறிவு, நம்பிக்கை ஆகியவை இருண்ட காலங்களிலும் நிலைத்திருக்கும் என்பதை வலியுறுத்துகிறது நான் பல அறிவியல் புனைகதைத் திரைப்படங்களைத் தேடிப் பார்த்தேன். அந்தத் தேடலில், அறிவியல் புனைகதைக்கும் சற்றும் தொடர்பில்லாத ஒரு கதையைப் பார்க்க நேர்ந்தது. இருப்பினும், இந்தத் திரைப்படத்தில் டென்சல் வாஷிங்டன் நடித்திருப்பதால், இதை நிச்சயமாகப் பார்க்கலாம்.அவர் இந்தப் படத்தை தன் தோள்களில் சுமந்து செல்கிறார்; ஒரு சாதாரண கதைக்கு உயிர் கொடுத்து, படத்தை முன்னோக்கி நகர்த்துவதற்காக ஒரு அற்புதமான நடிப்பை வழங்கியுள்ளார். அவர் கதையை மட்டும் காப்பாற்றவில்லை; அவர் படத்தையும் காப்பாற்றினார் என்று சொல்வதே மிகவும் பொருத்தமாக இருக்கும்.